تنتيشة تنتيشة.... هتجنن !!!
السلام عليكم يا أصدقاء. عندي شكوى مجنناني و بقالي فترة مش عارف أحلها.
1- موديل السياره وسنة الصنع (دايو ماتيز 99)
2-عدد الكيلومترات المقطوعه 120,000
3-موقف أستهلاك الزيت ( عادي)
4-شكل العادم الخارج من الشكمان (عادى)
5-موقف البوجيهات وأسلاكها وهل تم عمل أختبار لقوة الشراره للبوجيهات الأربعه (مغيرها من 10,000 كيلو)
6-موقف الفلاتر (هواء - بنزين - زيت) مغير كله من 10,000 كيلو و الزيت لسة مغيره
7-موقف أستهلاك البنزين (جميل)
8- موقف الشكمان (سالك وتمام )
9- موقف الفرامل (كويسه )
10-موقف السيور ( كاتينه - تكييف - دينامو ).....مغير كله من 10,000 كيلو
11-موقف البطاريه والدينامو من ناحية الفولت والأمبير (مكشفتش بس كل حاجة شكلها طبيعي)
12-مصدر الصوت فى حالة ظهور أصوات من عند المحرك ومكانه بالضبط (لا يوجد صوت غريب)
13- موقف آخر صيانه أتعملت ....وهل العيب المطروح ظهر بعدها ولا كان موجود من قبلها ....لأن دى نقطه مهمه جدا (العيب من سنة و نصف و ظهر فجأة)
العيب اللي عندي أن العربية كانت بدأت تنتش سواء علي السلانسيه أو و أنا دايس بنزين. و بعدين لمبة التشك نورت و التنتيشة زادت كتير. رحت عند محمد السيد الكهربائي و كشف عليها و ظبت الاسبراتير و لقى أن حساس الIAT بتاع فلتر الهواء سلكته مهزوزة فصلحها و لمبة التشك طفت.
من ساعتها التنتيشة قلت كتير بس ما راحتش نهائي.
غيرت بوجيهات و فلتر بنزين و فلتر هواء و مفيش فايدة.
العربية زي ما يكون عليها عفريت..... شوية تنتش و تتعبني جدا كأني حاطط مية في تنك البنزين :angry06: و شوية تكون كأنها زيرو و تشد ولا اللانسر
نضفت بلف الأيدل و حطيت منظف رشاشات في البنزين و حرقت عليه.
و أهم حاجة اللي كلفتني كتير... ركبت حساس أكسجين جديد... حسن استهلاك البنزين لكن التنتيشة قلت شوية صغيرة و بعدين رجعت زادت نفس الشوية الصغيرة
حد عنده حيل تانية ؟؟؟؟ أنا تعبت :untitled 1: :B4_611: