شكرا على التوضيح الجميل
ماشي كلامك وموافقك أن طبيعته كدة .. بس لو عندك تفسير للنقطة دي ممكن توضحها
لأني بحس أن البومة على 100 أو 120 التحكم في الدركسيون مبيدنيش الثقة أني أزود وأخد غرز .. ويا سلام لو نزلت في مطب هوا على السرعة دي .. تشوف مراجيح لو مش ماسك الدركسيون كويس .. هل في عيب في العربية دي بالذات (مع العلم أني ركبت عربيتين بومة وصحابها مبيخلوش فيها الهوا وصعب يكون العيب في عربيتين) ولا هي طبيعتها كدة .اقتباس:
السؤال هو .. ليه البومة مش زي الكرولا مثلاً (حتى موديل2007) في التحكم في الدركسيون في السرعات العالية رغم أن الاتنين هيدروليك ؟؟!!!
مش عارف ياجماعة انا بحس كلامكم دة فعلا في المكواة معايا .. وحسيته في بومة قبل كده .. بس كان معايا بومة 1600 محستش فيها الخفه دي لغاية 180 بصراحه هل ده له علاقه ولا كانت تهيؤات.....بس هي فعلا في الطرق الي فيها مطبات هوا كتير اللي يعدي 120 يبقي بيجازف بجد .. وشكرا علي تأكيد المعلومة ريحتوني افتكرت عندي عيب.. بس علي فكره الموضوع دة ظهر معايا لما شلت جنوط oz 15 وكانت تقيله جدا جدااااا
الباور الهايدروليك مش خفيف قوي لدرجة تستدعي فصله
انما الكهرباء زي الالانترا والشارك لو مفصلش الدركسيون هيلعب جامد لانه خفيف جداً لدرجة اني لما بسوق الانترا بحس ان البومة مفيهاش باور بالنسبالها
الالنترا سمعتها سابقاها في الموضوع دة و عيبها الباور ومعروفة بكدة واوقات مبيفصلش..معرفش الشارك ظروفها ايه بس محدش اشتكي منه
ما هو في الطوالي مفيش مشكلة طالما مبخدش غرز ولا في مطبات هوا العربية بتبقى زي الفل .. بس اسمحلي في موضوع الغرز ده على سرعة 120 بتبقى مجازفة بالنسبة ليا إلى حد ما (فرق سواق بيني وبينك يا باشا) عكس الكرولا زي ما ذكرت واللي كنت باخد بيها غرز على سرعة 140 و150 كمان من غير ما أحس بقلق .. وأعذرني فعلاً في لفظ مراجيح ده لأنه لازم أكون متيقظ وماسك في الدركسيون كويس .. وربنا يستر طريقنا جميعاً .
الباور الكهربا ناعم بدرجة كبيرة .. لدرجة أني اول مرة سقت عربية باور كهربا كانت في الالنترا قعدت بتاع دقيقتين تلاتة مش مستوعب النعومة دي لحد ما أخدت عليه ..بس مجرتش بيها على طريق بصراحة لأحكم عليها .
الباور الهايدرولك عبارة عن طلمبة ضغط زيت و خزان و خراطيم داخلة و خارجة من علبة الدركسيون
طلمبة الباور مربوطة ببكرة الكرنك بسير... بالتالى طول ما الموتور داير الطلمبة حتفضل تولد ضغط
مفيش اى جزء من اجزاء النظام دة مرتبطة بشكل مباشر او غير مباشر بالكونترول او اى مكون اخر بحيث يكون لسرعة العربية تاثير على اداء نظام الباور فى العربية
القصة دى دخلت فيها ايام ما كنت ببحث فى موضوع تسقيط مكنة 2000 فى عربية جوليت و كان لازم استغنى اما عن طلمبة الباور او كومبريسور التكييف و لقيت ان ممكن استغنى عن طلمبة الباور الميكانيكية و اركب طلمبة كهرباء (طلمبة كهرباء بتضغط زيت الباور مش باور كهرباء زى الالنترا) و لما سالت على موضوع تغير الضغط مع السرعة حيحصل ازاى مع الطلمبة الكهرباء كان الرد ان مفيش اساسا حاجة كدة و ضغط الطلمبة الميكانيكية و الكهربائية بيفضل ثابت طول الوقت
MMamdouh
اممم يعني قصد حضرتك إن طلمبة الكهربا إللي حضرتك ركبتها بتشتغل بالكهربا ومش مربوطة ببكرة الكرنك؟؟
طب مفيش حل للباور الهيدروليك ده إنه يفصل أو حتي يفصل بزرار نعملوا مثلآ؟؟
لأنه بصراحة مع السرعة العالية بيبقي مش حلو خالص وبعتبروا من العيوب إللي بتقلل من ثبات العربية