عايز اعرف ايه المنطقة ديه و مكنها فين و هل فيها عشوئيات و لا لا انا سالت قالولى قدام كارفور بس عايز اعرف معلومات اكتر عنها ياريت؟؟
عرض للطباعة
عايز اعرف ايه المنطقة ديه و مكنها فين و هل فيها عشوئيات و لا لا انا سالت قالولى قدام كارفور بس عايز اعرف معلومات اكتر عنها ياريت؟؟
هى منطقه اغلبيتها عمارات لسه بتتبنى
وموجوده وراء كارفور المعادى
هى تعتبر لو استثمار مستقبلى فى خلال السنتين الجايين هاتبقى حلوه اوى
بالنسبه للعشوائيات فاهى بعيده اتطمن
وهناك جامعه خاصه مش فاكر كانت ايه بالزبط تقريبا المستقبل
عيبها دلوقت قله المحلات التجاريه هناك بشكل كبير جدا
بس هاتتحل المشكله دى اكيد قريب مع زياده الناس هناك
طيب مبدأيا على ما حد يدخل و يكون عارف اكتر عنها و يقول ...
مدخلها اللي اعرفه من الاتوستراد و انت رايح المعادي قبل مطلع الدائري ..بس على الشمال ..اوله بنزينة وطنية تقريبا ...
و بعد كده على المطلع تلاقي السلاب باني معرض ..لغاية اما تكمل و تدخل و تكون في اول الهضبة الوسطى ...
و ليها منزل على الدائري مباشرة ..... بصراحة موقعها استراتيجي
سعر متر الشقة فيها على اخر سعر سمعته .. و ممكن تتأكد من الاعلانات الحالية 1800 ج للمتر و اغلب الشقق 125 م
معظم العمارات اربع ادوار ....في مدرسة اسمها الواحة كبيرة و كويسة و مودرن يونيفرستي بتاعت دعبث تقريبا
..المنطقة مظلمة بشكل جيد مش نور ..لازم عربية العيش هناك بدون عربية ضرب من الخيال ..خصوصا في الايام العجيبة اللي احنا فيها ديه
و الدفع النص كاش و الباقي على سنتين .. و ممكن تلاقي اراضي بسعر معقول مساخة 330 م ...مش فاكر السعر صراحة
اخيرا ما نصحكش تاخد هناك عشان ما بثقش في ارض الجبال و الهضاب صراحة :))
انا كنت خدت هناك جولة من فترة
المكان هناك منظم العمارات 4 ادوار مفيش مناطق عشوائية طبعا هناك في 3 او 4 جامعات بتوع دعبس (مستقبل الصفوة):grin54:
الاسعار انا سمعت هناك اسعار كتير من 1800 الي 2500 للمتر
المكان هادئ . مفيش ترخيص محلات تجارية ودي ميزة مش هتلاقي المحلات فاتحة في كل حتة هي ليها اسواق تجارية لسة بتتبني
كمان المكان تقريبا وسط البلد هاتكون قريب من حتت كتير .
عيوب المكان : قلة الخدمات . يلزم وجود سيارة . عدم دخول الغاز الطبيعي عشان لسة الناس هناك قليلة
دي كل معلوماتي عن المكان
موفق
والف مبروك الخطوبة او الجواز او الشقة الجديدة :16:
الف شكر ليكو بجد ناس كتيير برضو شكرولى فيها ربنا يكرم ان شاء الله شكرا ليكو على المعلومات المفيده ديه
اخي العزيز احب اوضح لك منطقة الهضبة الوسطي
اولا انا مقيم في المقطم ( الهضبة العليا ) ولي مكتب هندسي من التسعينات
تتميز منطقة الهضبة الوسطي بموقعها المتميز امام كارفور علي الدائري
ولها عدة طرق الي الهضبة العليا المقطم والمسافة بينهم عدة دقائق
منظمة تنظيم جيد حيث ان نسية الببناء لا تتعدي ال 60% من مساحة الارض
وعدد الادوار ارضي واربعة ادوار
غير مسموح بالتجاري في المناطق السكنية وانما لها مناطق تجارية خاصة
مستقبلها جيد جدا بسبب قربها من وسط البلد والمعادي
عيوبها قلة نسبة العمران والمواصلات
سعر الاراضي بها من 2000 الي 4500 جنية للمتر
واي استفسار انا تحت امرك
طيب يا جماعة انا كمان مهتم بالشراء في المنطقة دي عايز اسال هو متوسط السعر هناك 200 الف لو الشقة 120 او 130 متر هل المكان اختيار كويس بالنسبة للسعر وهل في اختيارات تانية في نفس الرينج
الف شكر ليكوا واسف لصاحب الموضوع اني باستسفر في موضوعه
السلام عليكم اولا
انا اقدر اقول لحضرتك انى من المنطقة دى رغم انى مش ساكن فيها لكن احنا بنبنى عمارة لينا هناك ومعرفش اوى اسعار البيع لانها عمارة عائلية ومبنبعش فيها وانا تقريبا كل يوم موجود هناك والى يحتاج اى مساعدة ممكن اقابله
ثانيا المنطقة بعيدة تماما عن العشوائيات المنطقة كلها 4 ادوار وارضى ما عدا ارض المباحث دى 10 وارضى المحلات هناك قليلة لان تصاريح التجارى ليها اماكن معينة وعمارتنا عموما فى الحى السادس وادامنا علفطول مساكن ففيها كل حاجة واى استفسار انا تحت امركوا
اة كمان دي حاجة كنت لاحظتها اما كنت بسال هناك . ان اغلب العمارات هناك بتاعت عائلات . ودي برضة حاجة كويسةاقتباس:
المشاركة الأصلية كتبت بواسطة lovely_love
انا شاكر ليكو كلكو جداااا و الحمد لله انا اقتنعت بيها و ربنا يكرم ان شاء الله و يوفق الى ما فيه النصيب شكرا بجد ليكو مرة تانية و ربنا يوفقنا جميعا
المقطم منطقة هادية ورائعة و بعيدة عن الدوشة
المنطقة اللي حضرتك بتتكلم عنها دي بدأ العمران يمتد ليها من سنوات قليلة ومستقبلها ممتاز
طبعا في منطقة اسمها السبعين فدان ابعد عتها
انا مش عارفة هيا فين بالضبط بس اسمع عنها .. مش كويسة ومستواها وحش
اما الجزء من جهة كارفور و الجامعة الخاصة و المدرسة كويسة جدا بس طبعا لازم يكون معاك عربية بس الارض مش ممهدة من اثار البناء والحفر
عامة
توكل على الله لو هتبني هناك او هتشتري في خلال 5 سنسن هتبقى هايلة
و الله المقطم منطقه جميله اخويا ساكن هناك من 20 سنه فى العليا و اقنعنى من 3 سنين اخد جنبه دورنا لاقينا منطقه لسه جديده نوعا ما اسمها جنوب سين المتر ايام الغلا كان ب 2000 جنيه اشتريت و الحمد لله و بسدد باقى الاقساط و ده موقعها قريبه من الهضبه الوسطى اللى هى فى الصوره على اليمين و الدايره دى جزء من المنطقه اللى هى جنوب س و الخطين اللى بالصفر ده الشارع الرئيسى للمقطم شارع 9 اللى اخره مديته الاسمرات و الطريق اللى مودى على كارفور
http://wikimapia.org/#lat=30.0059732...9&z=17&l=0&m=b
http://i1184.photobucket.com/albums/...eenmoqatam.jpg
جنوب سين عند مدرسة نوبل للغات
المنطقة دي كانت فاضية مفيهاش غير المدرسة و عمارات جابكو للبترول
دلوقتي اتعمرت وبقت جميلة جدا
انا الحمد لله اشتريت من 3 شهور فى الهضبة الوسطى الحى الثانى
و فى شقق كتير شوفتها و عرفت كام واحد ممكن يجبولك الى انت عايزة
و فى نفس العماره الى انا فيها فى لسة شقتين فاضيين
سعر المتر 1600 كاش و 1800 قسط النص و النص على سنتين
و لو اى حاجة ابعتلى و انا اسعدك ان شاء الله
ايوه انت راأيك اتها منطقه جميله اصلى بصرحه مش بروح غير مرتين فى السنه و خصوصا ان الشقه لسه على الحاره انا اسمع ان يحى الفخرانى بانى قصر فى الحته دىاقتباس:
المشاركة الأصلية كتبت بواسطة nonetta
دي جنب جنوب س تقريبا اسمها منطقة القصور . والشارع كمان باسمةاقتباس:
المشاركة الأصلية كتبت بواسطة magid1010
انا بعت رسالة لحضرتك على الخاص عشان استفسر عن الموضوع دهاقتباس:
المشاركة الأصلية كتبت بواسطة أبو ياسين
جنوب س منطقة جميييييلة ويفصل بينها وبين الهضبة الوسطى طريق مطلع
والمنطقة كويسة وهادية والجو فيها تحفة عشان هى وسط لا فوق زى العليا والجو يكون جامد وسقعة اوى ولا تحت زى الوسطى وتتعرض لتراب الجبل
اما الهضبة الوسطى فا انا مش بحبها خالص مع ان ليا اتنين صحابى عايشين فيها بس تحس المنطقة بتموت بليل وفعلا تقلق تمشى فيها بسبب قلة الانارة وقلة السكان وكثرة الكلاب الضالة هناك
هيا فعلا منطقة كويسة و سعرها بيعلااقتباس:
المشاركة الأصلية كتبت بواسطة magid1010
اولا قريبة من شارع 9 الرئيسي
قريبة من اولاد رجب
قريبة من مدرسة نوبل عشان لما يبقى عند ولاد
وكمان في طريق يودي على جامعة خاصة مش فاكرة اسمها ايه
ومدرسة تانية كمان
5 دقايق تبقى في كارفور
7 دقايق وتبقى عالدائري
ويمكن اقل لو الطرق اتمهدت علشان لسة من اثار البناء الارض مش متمهدة كويس
انا ساكنة في المقطم من 15 سنة وولادي في مدرسة نوبل
كانت صحرا حواليها لو كنت شفتها من ساعتها كنت عرفت الفرق
ربنا يوفقك فيها ويملاهالك بركة
اللي يسكن في المقطم يعشقه ويرفض انه يعيش في اي مكان تاني
العيب الوحيد ان مفيش وسائل مواصلات كتير لازم يكون معاك ومع مراتك عربية
وفعلا يحيى الفخراني له قصر بانيه بشكل اسطوري زي القرون الوسطى عمدان واسود وحاجات غريبة
الف شكر على المعلومات الجميله دى و ان شاء الله اشطب الشقه و نبقى جيران و فعلا اللى يعيش فى جو المقطم يستغرب اى مكان تانى تقبلى تحياتى و ربنا يبارك فى اولاد حضرتكاقتباس:
المشاركة الأصلية كتبت بواسطة nonetta
انا عايز اعرف الشقتين اللى فى العمارة اللى حضرتك ساكن فيها مساحتهم قد ايه وفى ادوار ايه وهل الحى التانى اللى حضرتك ساكن فيه كويس وفى خدمات متوفرة حواليك زى الأسواق والمواصلات والمدارس وهل الأحياء فى الهضبة الوسطى كلها زى بعض وهل المنطقة مؤهلة ان الواحد يتجوز فيها دلوقتى ولا فضلها شوية عشان تعمر معلهش لو اسئلتى كتير بس الواحد دايخ على شقة من زمان فربنا يسهلها على ايديك ونبقى جيران باذن اللهاقتباس:
المشاركة الأصلية كتبت بواسطة أبو ياسين
المنطقة اللى خلف كلية الصيدلة فيها عمارات كتير بتتبنى رايكم ايه فى المنطقة دى
السلام عليكم
انشاء الله انا ناوي اشتري في الحي الثاني في الهضبة الوسطى بالمقطم من شركة اسمها المنصور للمقاولات ، حد يعرف عن الشركة حاجة ، يعيني اساسيات بنائها شغلها كده ؟
وهل الحي الثاني أفضل أم الرابع؟
وإن كان أفضل , إيه أفضل مكان ممكن أشتري فيه بالحي؟
اتمنى ان تفيدوني :)
اخبار الأسعار اية دلوقتي :)
في حدود من 1700 إلى 2000 كاش و من 2000 إلى 2200 قسطاقتباس:
المشاركة الأصلية كتبت بواسطة hema_lancer
دي اسعار الحي الثاني
المنطقه التي خلف كارفور تسمي مدينه المعراج
ومقسوم لمنطقتين علوي وسفلي
ومتصل بمنطقه زهراء المعادي
منطقه واعده جدا
تقريبا لاتوجد بها عشوائيات خدماتها تفوق خدمات الهضبه الوسطي
سهوله الوصول والخروج منها وربطها بمناطق جغرافيه اميز كتير عن الهضبه الوسطي
ابحث في المعراج السفلي فمتوسط الاسعار به مناسب جدا
وشكرا
المتوسط كام يعني :))
هيما باشااقتباس:
المشاركة الأصلية كتبت بواسطة hema_lancer
حوالي 2300 جنيه
انا ممكن انزل معاك
كلمني
ربنا يخليك ياباشا شايلك للكبيرة :verygood:اقتباس:
المشاركة الأصلية كتبت بواسطة abou-yahia
بس 2300 ده مش هيبقي في تدوير ابدا :flower4u:
انا اخري 100000 :)
يا جماعة ،، يا ترى إيه أخبار الهضبة الوسطى حالياً
هل هناك تقدم وازدياد عمراني أم لا ؟
ماذا عن المرافق ؟
ماذا عن الوضع الأمني ؟ هل الشرطة تعمل بكفاءة فيها ولا فيه قلق ؟
وهل معدل النمو وتوافر المرافق معقول أم بطيء ؟
عفوا ،، وإيه أخبار الأسعار حالياً ؟
؟ ؟
معلش ياجماعه لو انا معى مبلغ فى حدود 200 الى 250 الف "طبعا جزء قرض يعنى"ممكن اخد حاجة مساحة حلوة يعنى 130 الى 150 متر مثلا
وايه اخبار التقسيم الداخلى للشقق
لو سمحتم يا جماعة لو انا عاوز اشتري ارض هناك في حدود 2000 جنيه المتر.
اي منطقة تكون مناسبة للسعر ده؟؟؟
اقتباس:
المشاركة الأصلية كتبت بواسطة abdelaziz-waleed
ليا زميل شاري في الهضبه الوسطي من فتره و بنا و استقر هسالوا لحضرتك بكره سعر الراضي ايه ان شاء الله
بارك الله فيك يا استاذ احمد.اقتباس:
المشاركة الأصلية كتبت بواسطة ahmedhilmy
في انتظارك ان شاء الله
جزاك الله كل خير
و اياكم ان شاء اللهاقتباس:
المشاركة الأصلية كتبت بواسطة abdelaziz-waleed
النهارده سالت لحضرتك زميلي ان شرا ارض حاليا محتاج مبلغ محترم لن سعر الأرض عالي قال يعني لو حته محدوفه و في حضن جبل المقطم المتر في حدود 2500 و طبعا كل ماا تدخل في العمار و الشوارع الرئيسيه من 3500 - 4000 فقال يعني علشان تشتري حته ارض في حته معقوله و تكون 300 م تقريبا عايزلك مليون جنيه هي دي الأرقام اللي سمعتها و ربنا يكرم حضرتك و يكرمنا ان شاء الله
بجد مش عارف اشكر حضرتك ازاي. فعلا كدة السعر هناك رفع جدا.اقتباس:
المشاركة الأصلية كتبت بواسطة ahmedhilmy
الف الف شكر وجزاك الله كل خير يا استاذ احمد
حضرتك تؤمر و اي خدمه انا تحت امركاقتباس:
المشاركة الأصلية كتبت بواسطة abdelaziz-waleed
اية أخبار المنطقة حاليا؟
في تطور؟
ممكن حد يفيدنا بخصوص المنطقة حالياً ؟