الذراع الصغير هو دة بتاع الشفاط الافضل تشغلية لو ما كانش شغال علشان العربية تدور فى الشتاء بسهولة من غير ما تشرق و تدوسى بنزين
http://img135.imageshack.us/img135/4...0120114090.jpg
عرض للطباعة
الذراع الصغير هو دة بتاع الشفاط الافضل تشغلية لو ما كانش شغال علشان العربية تدور فى الشتاء بسهولة من غير ما تشرق و تدوسى بنزين
http://img135.imageshack.us/img135/4...0120114090.jpg
من الصورة
السلك رقم 1 دة بتاع الشفاط لما بيتشد من الذراع الى داخل الصالون بيفتح بوابة الكاربراتير و العربية تدور من غير ما تشرق بنزين
السلك رقم 2 دة سلك البنزين
السلك رقم 3 دة سلك عداد السرعة الى بيبين سرعة العربية ماشية على كام كيلو
http://img42.imageshack.us/img42/822/120120113999.jpg
الحمد لله ان ربنا سترها معاكى .انا كان عندى قبل كده من فترة سوبر فيورا وعملت معايا حركات كتير غريبة ومقالب العربيات لكن الحمد لله ربنا كان بيسترها .وحمد الله على السلامة .
السلام عليكم و رحمة الله و بركاته
الحقية انا مشكورة للمجهود الرائع ده و الصور التحفة
حقيقى مش لاقية كلام يعبر عن شكرى لذوق حضرتك غير انى باقول لك من كل قلبى ربنا ينور لك طريقك و يسلمها على حضرتك و عليه و كل قائدى السيارات
الحقيقة انا مافيش عندى تقريبا الشفاط ده
و على كل ان شاء الله حابقى اتاكد بكرة
بس سؤال معلهش لو فيها رزالة
لو الشفاط ده مش موجود فى العربية ممكن اركبه عند الكهربائى و لا لأ ؟
وربنا يبارك فى حضرتك مرة تانية
و جزاكم الله كل خير
العفو على أية دة موضوع بسيط جدا جدا و عادى .
بالنسبة للشفاط لازم حا يكون عندك و العربية 127 موديل 83 حتى . و لو مش موجود تشترية عادى جدا فية منة نوعين نوع رخيص بحوالى 8 جنية تقريبا و نوع مستورد تقريبا أسبانى ب 20 جنية الافضل هاتى الاسبانى لان دة عبارة عن حتة بلاستيك بيركب بمسمار واحد قلاوظ و بيبقى علية حمل بسبب الشد و الجذب للشفاط و السلك الى راكب فية عبارة عن حتة حديدة أسطوانية صغيرة و الذراع لة زى كليبسن بتمسك فى الحتة الاسطوانية .
أنا الحقيقة بعت العربية و معنديش صور للجزء دة غير كدة كنت صورتة ووريتهولك .
و أى أستفسار أخر تحت أمرك مفيش مشكلة خالص أنا ركبت ال 127 من سنة 83 اول ما نزلت
العفو على أية بس . هو دة منتدى نايل موتورز على فكرة . اى عضو بيسأل الكل بيجاوب علية و بيساعدة عادى جدا مفيش أى مشكلة و دة الطبيعى خالص
الف حمدالله عالسلامة
و ربنا يتوب عليكي منها
هيا كدة دايما ال 127
تقل قيمة صاحبها وتبهدله
قعدت معانا 8 سنين عذاب وبهدلة
ما شفتش معاها يوم حلو
مش فاكرالها مشوار خرجته بيها الا وقلت بأصلها
كنت باحاول ادافع عنها واقول لزوجي انت اللي بتروح لميكانيكية اي كلام
بعد ما اترحمنا منها
طول ما احنا ماشيين نلاقيها مترمية على الطريق مبهدلة اصحابها
يقول لي شفتي .. ما ظلمتهاش ابدا .. هيا اللي ظلمتنا
فعلا من كل قلبي ربنا يتوب عليكي ويكتب لك اللي احسن منها
الميزة فى ال 127 ان الحرامى لما سرقها من صاحبى عطلت منه بعد 200 متر من البيت ولاقيناها تانى يوم مركونة بدون بطارية يظهر الحرامى يأس منها فقال استفيد باى حاجة هههههههه
حمد الله على السلامة وبجد ان استفدت من الموضوع والردود لانى ما كنتش اعرف معلومة انى ممكن امشى بدون دبرياج يمكن تصادف وتحصل معايا