يا جماعة لو سمحتم حد يفيدنى .. و خصوصا الاستاذ هيرو

**moataz200730** · 14-04-2011 07:59 PM

عايز اعرف هل من الممكن تسقيط موتور 406 فى عربية 405 ؟؟ و هل لو ينفع ايه التعديلات اللى ححتاجها سواء ف العفشة او الفرامل .. طب و هل التابلوه برضه بتاع 406 ينفع يركب عندى..و الليلة دى كلها بقى تتكلف كام؟

**the-hero** · 15-04-2011 01:38 PM

السلام عليكم
شوف يا استاذ معتز
ماتور ال 406 يركب عادى عال 405 ومفيش اى مشاكل
تجيب ماتور بالفتيس بالضفيرة باليونت بطرمبة بنزين كهربا خارجية
وبالنسبة للعفشة المامية هتغير السوست الامامية بسست برستيج او تريح دماغك وتجيب طقم مساعدين بتاع البرستيج بيكون اكبر من العادى شوية
العفشة الخلفية ممكن متعملش فيها اى حاجة
بس لو عاوز المظبوط وفى امكانيات مدية متوفرة
تغير العفشة الخلفية كلها عشان تخلى الفرامل الخلفية سكاكين مش طنابير والموضوع ده هيكلفك فى رنج 700 ج
بالنسبة لطبلوة ال406 مش هيركب عال 405 غير بتعديلات وخرم فى جسم العربية وطبعا ملهاش لزمة كل ده لو عندك طبلوة الشكل الجديد
الموضوع ده هيكلفك تقريبا
الماتور بالفتيس بالضفيرة باليونت بطرمبة البنزين من 5000 الى 6000 جندر ( جونيه)
المساعدين اللى قدام ب 400 ج
العفشة الخلفية الجزء اللى ورا اللى هو عمود العزم بالطنابير 700 ج
تغيير زيوت وسيور وفلاتر 400ج
مصناعية فى حدود من 500 الى 1000 حسب المكان
واى خدمة

**moataz200730** · 15-04-2011 05:20 PM

طبعا يا استاذ هيرو الف الف شكر لحضرتك ع المعلومات دى بس معلش استحملنى انا بس ليا شوية اسئلة كمان بما ان طلع انه ينفع .... هل فعلا فتيس ال 406 فيه مشاكل .. و هل هو فى منه مانيوال ...طيب بالنسبة للفرامل انا معلش مش فاهم يعنى ايع سكاكين و طنابير يعنى هل اجيب حاجات البرستيج عندى؟؟ و هل التكييف و الباور اللى موجودين عندى دلوقتى ينفعوا ع الموتور الجديد.. بالنسبة للتابلوه انا للاسف عندى الشكل القديم و كان نفسى ف تابلوه يكون شيك و عصرى لان التابلوه عندى ضايع ..فيا ريت تقولى اعمل ايه و الف شكر مرة تانية.

**the-hero** · 18-04-2011 08:36 PM

المشاركة الأصلية كتبت بواسطة moataz200730

طبعا يا استاذ هيرو الف الف شكر لحضرتك ع المعلومات دى بس معلش استحملنى انا بس ليا شوية اسئلة كمان بما ان طلع انه ينفع .... هل فعلا فتيس ال 406 فيه مشاكل .. و هل هو فى منه مانيوال ...طيب بالنسبة للفرامل انا معلش مش فاهم يعنى ايع سكاكين و طنابير يعنى هل اجيب حاجات البرستيج عندى؟؟ و هل التكييف و الباور اللى موجودين عندى دلوقتى ينفعوا ع الموتور الجديد.. بالنسبة للتابلوه انا للاسف عندى الشكل القديم و كان نفسى ف تابلوه يكون شيك و عصرى لان التابلوه عندى ضايع ..فيا ريت تقولى اعمل ايه و الف شكر مرة تانية.

فتيس ال 406 القديم الاوتو هو اللى فيه مشاكل لحد موديل 2001 بعد كدا زى الفل
فية منه عادى منيوال
الفرامل الخلفية نوعين الاول نوع حديث اللى هو سكاكين يعنى نفس نظام الفرامل فى العجل اللى قدام تيل قطعطين قصاد بعض بيقفشو على الطنبورة زى ده

والنوع التانى اللى هو قديم زى ده

التكييف طبعا هيتغيير كله من الالف للياء لأن الماتور بيجي بالكمبروسور الجديد والطبلوه هات بتاع ال 405 الشكل الجديد وبيجيى بالتلاجة والطبلوة ده شكله جميل وشيك وانسيابي
طبعا هتجيبة كامل بالكنصول والطاره هيعمل فى حدود 1500 ج