اول موضوع ليا هنا فى القسم

**tito_1980** · 16-04-2011 12:21 AM

المشاركة الأصلية كتبت بواسطة nabaster

لو فاضي وعندك فرصه لغاية الفجر مثلا

ممكن تاخد فكره عن الاجتماعي وترجع لمواضيع من سنه واتنين وتلاته

هتعرف مين هما شباب نايل موتورز الحقيقيين

وهتعرف ايه نوعية المشاكل الي ممكن يفيدوك فعلا فيها وعن طيب خاطر وهيبقي قلبهم علي المشكله اكتر من صاحبها

وهتعرف برضه نوعية المشاكل المرفوض مجرد طرحها في مجتمع نايل موتورز

تقبل تحياتي

A.Yakout

بيس يا لايل هو ده الكلام

**hobiko** · 16-04-2011 12:48 AM

رغم اني ضد كل الكلام إلي في الموضوع الأصلي تماماً ...... بس أنا في نفس الوقت ضد تسفيه الأراء و الحجر عليها

الراجل طرح موضوع في المنتدى إلي مش عاجبه ...... خلاص مايعلقش عليه ...... و هو حينزل لوحده للصفحة التانية

ممكن نحاول ننصحه ..... نكسب صداقته ...... نساعده في تصحيح مساره

لكن نقضيها تريقة و إستخفاف ........ مش صح و أسلوب مرفوض شكلاً و موضوعاً

**Adel.Nasr** · 16-04-2011 04:06 AM

يا استاذ خالد انا هقول رأيي موضوع انك تتجوزها دا انساااه خالص ليه؟ كذا سبب
١‏ ‏_انت بتقول انها سافرت معاك اماكن بعيده و دا يدل على إنها متحرره زياده عن اللزوم
٢‏_لو اتجوزتها طبعا هتغير عليها و ممكن انت تشوف حاجات كتير مكنتش واضحه قدامك فترة الخطوبه عشان انت مبسوط انها موافقه على اي تصرف بتعمله
٣‏_‏ اول حاجه تدور عليها في الجواز في البنت الطبع الهادي_ احترامها لنفسها و لمشاعر الأخرين خصوصا الزوج _ و حاجات كتير جدا مش هعرف اكتبها عشان مطولش _
المهم عايز اسئلك سؤال ياريت تجاوبني عليه
لو اتجوزت و ربنا كرمك ب بنت هتوافق انها تسافر مع شاب اماكن بعيده وتركب وراه بايك و يضربها كمان في الشارع؟

**tito_1980** · 16-04-2011 04:34 AM

المشاركة الأصلية كتبت بواسطة kingrace

يا استاذ خالد انا هقول رأيي موضوع انك تتجوزها دا انساااه خالص ليه؟ كذا سبب
١‏ ‏_انت بتقول انها سافرت معاك اماكن بعيده و دا يدل على إنها متحرره زياده عن اللزوم
٢‏_لو اتجوزتها طبعا هتغير عليها و ممكن انت تشوف حاجات كتير مكنتش واضحه قدامك فترة الخطوبه عشان انت مبسوط انها موافقه على اي تصرف بتعمله
٣‏_‏ اول حاجه تدور عليها في الجواز في البنت الطبع الهادي_ احترامها لنفسها و لمشاعر الأخرين خصوصا الزوج _ و حاجات كتير جدا مش هعرف اكتبها عشان مطولش _
المهم عايز اسئلك سؤال ياريت تجاوبني عليه
لو اتجوزت و ربنا كرمك ب بنت هتوافق انها تسافر مع شاب اماكن بعيده وتركب وراه بايك و يضربها كمان في الشارع؟

+11111111111111111111111

**A.Saad** · 16-04-2011 08:00 AM

المشاركة الأصلية كتبت بواسطة nabaster

لو فاضي وعندك فرصه لغاية الفجر مثلا

ممكن تاخد فكره عن الاجتماعي وترجع لمواضيع من سنه واتنين وتلاته

هتعرف مين هما شباب نايل موتورز الحقيقيين

وهتعرف ايه نوعية المشاكل الي ممكن يفيدوك فعلا فيها وعن طيب خاطر وهيبقي قلبهم علي المشكله اكتر من صاحبها

وهتعرف برضه نوعية المشاكل المرفوض مجرد طرحها في مجتمع نايل موتورز

تقبل تحياتي

a.yakout

مهى المشكلة يا احمد ان
اولا : مفيش داعى نرفض طرح المشاكل دى
ثانيا : لو حد طرح مشكلة ، مش لازم نهرج ، لان اى انسان اما يلاقى حد بيسخر من مشكلته او بيتعامل فيها باستخفاف بيتالم اكتر ووجودنا هنا علشان نساعد بعض مش نضايق بعض

**nabaster** · 16-04-2011 02:47 PM

المشاركة الأصلية كتبت بواسطة A.Saad

مهى المشكلة يا احمد ان
اولا : مفيش داعى نرفض طرح المشاكل دى
ثانيا : لو حد طرح مشكلة ، مش لازم نهرج ، لان اى انسان اما يلاقى حد بيسخر من مشكلته او بيتعامل فيها باستخفاف بيتالم اكتر ووجودنا هنا علشان نساعد بعض مش نضايق بعض

احمد باشا ازيك يا رايس

لينا فتره متقابلناش ولا اتناقشنا

انتا عارف ان الاعضاء هنا بيربطهم كل احترام ببعض

والمنتدي نفسه الجو بتاعه مختلف عن جو اي منتدي تاني

اديك شايف المقابلات واخرها عيد ميلاد المنتدي

مش عايز ابعد عن موضوعنا الاساسي

الموضوع مش موضوع تهريج وهزار

غالبا صاحب الموضوع محدش يعرفه من الي علقوا علشان يهزر معاه

انا بتكلم في غرابة المواضيع دي عن جو المنتدي

هترد عليا وتقولي طيب ليه غريبه ما ممكن نتناقش فيها عادي

لا يا احمد باشا صعب المناقشه في المواضيع دي مع كم التجاوزات الي بيكون فيها

مواضيع حبيبي راح وحبيبي جه

وخرجت مع حبيبتي وسافرنا وروحنا وجينا

مش هوا ده الي اتربينا عليه او اتربينا اننا نشوفه

ولو سمحنا بالمواضيع دي

اتفرج هيكون شكل الاجتماعي كمان كام شهر ايه

ومش بعيد وانتا معدي واحد يقولك اتنين ليموت وشجره لو سمحت

ولو نزل موضوع ديني يقولك يا عم ايه الخنقه دي

الشق التاني او النقطه التانيه ان المحتوي نفسه او طريقة طرح المشكله بتكون مكتوبه بطريقه مستفزه

لو كلنا شباب وقعدة شباب مفيش مشاكل

بس لازم ناخد بالنا ان في حريم معانا في المنتدي

هيجي الي يقولي طيب ما التليفزيون مليان والنت والمنتديات التانيه مليانه

لا يا سيدي مجتمع نايل موتورز بيحاول بقدر المستطاع يحافظ علي قيمه الدينيه وطابعه الشرقي

طبعا افكاري مش مترتبه لاني بكتب بسرعه شويه

فمعلش يا احمد بيه اعذرني :)

A.Yakout

**yascro** · 17-04-2011 12:18 AM

المشاركة الأصلية كتبت بواسطة otefa

http://www.nilemotors.net/Nile/213803-a.html

فصدق رسول الله عليه الصلاة والسلام إذ قال :
( تُنكح المرأة لأربع لمالها , وحسبها , وجمالها , ولدينها فاظفر بذات الدين
تربت يداك) رواه البخاري .
وقال عليه الصلاة والسلام :
( الدنيا متاع وخير متاع الدنيا المرأة الصالحة) رواه مسلم

جزاك الله خير

**No Comment** · 17-04-2011 12:58 AM

الموضوع ده يحتوى على وجهتين نظر مختلفين .
وجهة من خلال زميلنا صاحب الموضوع وده كان المفروض يعرض الموضوع فى المكان المناسب تحت مبدأ الموضوع المناسب فى المكان المناسب ... يعنى هنا اجتماعى عام فيه كافة الطوائف الغالبة من طبائع المصريين وهو كان المفروض يعرض الموضوع ده فى اجتماعى خاص بالبايكرز لانهم اكثر من يستطيعون نصحه لتشابه ظروفهم وحياتهم بشكل ما .
اما وجهة النظر الاخرى فخاصة بالغالبية العظمى هنا فى المنتدى الاجتماعى والتى غفل صاحب الموضوع على ان معظم الاشخاص ممكن ان يكونوا كباراً فى السن أو من اصحاب ضغط الدم المرتفع أو السكر أوالقولون العصبى (مش تريقة ) ويستفزهم مثل هذه المواضيع بتفاصيلها لبعدها عن نمط حياتهم كأغلب المصريين الشرقيين ويكون نتيجته ظهور جمل المنتدى المشهور بصبره دائماً .
وخلاصة القول انت حر مالم تضر بمعنى انك من حقك ان تستشير وتعرض مشاكلك كما تشاء بحرية ، ولاكن اذا تسبب هذا العرض لمشكلتك فى استهجان الغالبية العظمى فليكن عرضك فى اطار خاص بك فى قسم البايكرز حتى لا يحدث خلافات حول وجهات النظر المختلفة .
وتقبلوا رأيي ومرورى ... وربنا يهديك الى ما فيه خير وصواب .

-

-

الموضوع: اول موضوع ليا هنا فى القسم

LinkBack

أدوات الموضوع

عرض

-

-

-

المواضيع المتشابهه

اول موضوع في القسم

موضوع مش تبع القسم لكن لة علاقة بالدايو

دا اخر موضوع ليا ف القسم

اول موضوع فى القسم (شحن الفريون)

الكلمات الدلالية لهذا الموضوع

المفضلات

المفضلات

ضوابط المشاركة