عرض للطباعة
السلام عليكم ورحمة الله وبركاته
ان شاء الله انا حجزت صيانة الام 11 في ابو رواش السبت الجاي لل 35000 و كنت بس عاوز استفسر لو حد من الرجالة عمل الصيانة ديه قبل كدة .
ايه يعني المفروض يتتغير و يتتكلف كام مع العلم ان عندي معظم الاصوات اللي منتشرة في الام 11
صوصوة العفشة و زنة الشكمان و تزييق الازاز و ساعات دبدبة قدام .
بصراحة انا طاحن العربية شغل و الحمد لله ربنا يحفظها عجباني ومعظم الحاجات اللي بتطلع مش رئيسية و بتطلع في اي عربية المهم بس ربنا يديمها نعمة و يحفظها من الزوال .
[color="rgb(46, 139, 87)"]ربنا يبارك لك و للجميع ان شاء الله[/color]اقتباس:
المشاركة الأصلية كتبت بواسطة teha
متشكرين يا هيما باشا وجزاكم الله خيرا على المعلومات اليبة ديه .
بالنسبة للدبدبدة اللي قدام انا رحت مركز الاهرام في صيانة ال 30000 و قالي المساعد هيتغير على الضمان بس همه معندهمش فقلت اروح انا ابو رواش في صيانة ال 35 يشوفوا ايه النظام.
بس محدش من الرجالة بيعرف بتتكلف كام و بيغيروا ايه .
ياريت يا جماعه لو سمحتم نمرة ابورواش علشان احجز
مش المفروض ان الحجز من نمرة توحة العادية المختصرة ؟؟؟اقتباس:
المشاركة الأصلية كتبت بواسطة alshahba
اللي هيا كام ؟؟؟؟
رقم الحجز :
0128834255
^^^^^^^^^^^^^
الف شكر
'الحمدلله عملت صيانة ال 35000 في ابو رواش واليكم التفاصيل :
كنت حاجز قبلها و كان ميعادي الساعة 8:30 والحمدلله بعا صحيت من النجمة عشان انا ساكن في التجمع و الطريق طويل شوية
المهم كنت في الميعاد بالظبط طبعا كنت مفكر اني من اول الناس اللي واصلين التوكيل
كان رقمي 1622 لقيت ان الرقم اللي وصلوله كان 1607.
المهم قعدت استنى زي باقي الناس و فجاه كدة على الساعة 9 كدة او اقل شوية ندهوا هوه مين حاجز تاني طبعا رفعت ايدي قلت فرجت و بدات اتكلم مع المهندس على الصيانة بتاعتي و على فكرة انا اللي الحرامي كان كسر الازاز و اخد كل حاجة ليها علاقة بالضمان بس الحمد لله طلعوا محترمين و قالولي مادم معاك فواتير من الصيانة الدورية كدة تقضي الغرض.
طبعا قلتلهم على كل المشاكل و منها ان اللمبة امامي يمين طافية و بصوا لقوا القربة بتاعت المية مرشحة
طبعا ده بخلاف المشاكل اللي انا ذكرتها فوف .
المهم العربية دخلت و فضلت ملطوع لحد الساعة 3:30 و بعجها قالولي كل حاجة تمام ماعدا وصلة الشكمان مش موجودة ممكن تيجي يوم الخميس تركبها
طيب و القربة قالي اتغيرت على الضمان طيب و اللمبة قالي تمام اتغيرت طيب و صوت العفشة قالي اتشحمت و الصوت اتمنع طيب و تزيق الازاز قالي اتعمل بس مكترتش و قلت اجرب و اشوف
المهم كام الفلوس يا باشا قالي 160 جنيه
102 صيانة ا35000
35 لمبة
17 مصنعية
وشوية فكة ضرايب و حاجات مش عارف ايه هيه
بس المهم اخدت العربية فعلا لقيت القربة جديدة والعفشة صوتها مش موجود لحد دولقتي طبعا و صوت التزييق بتاع الازاز قل بنسبة كبيرة و يكاد يكون مش مسموع و اللمبة الامامي شغالة وكله تمام بس صوت زنة الشكمان قل مع انهم لسة ميغيروش الوصلة و يمكن المشكلة فيه انا .
بس كنت في البيت على الساعة 6 المغرب يادوب اقل حاجة يعني 11 ساعة عشان الام 11 حبيبتنا و ايه يعني كلنا فدى الام 11
المهم لحد دولقتي ربنا كرمنا لو في جديد ان شاء الله نوافيكم به.
بالنسبة اني كان عندي مكنة الازاز اللي ورا بايظة رحت لواحد افتكسلي افتكاسة كدة بس شغالة عسل و عملها لاكتر من واحد في الام 11 و كنت دفعت عنده 70 جنيه والى الان المكنة شغالة حلاوة و ربنا يحفظنا و يحفظ جميع اخوانا المسلمين
اسف على الاطالة والسلام عليكم ورحمة الله وبركاته.
ميروك عليك الصيانه...وانشاء الله تتحل مشكلة الشكمان قريب جدا
بس ياريت تقولنت ايه هيه الافتكاسه بتاعت الزجاجالخلفي لكي تعم الفائده
بصراحه العربيه مع والدي... وعمري ماسمعتو بيشتكي منها من حاجه ,,, لا صوت تزييق ولا عفشه ولا تعليق ولا حاجات من دي خالص
الحمد لله وربنا يحفظهالو
بص يا باشا بالنسبة للافتكاسة بتاعت مكنة الازاز :
اولا المشكلة ان في بتاعة بلاستيك كدة اللي بيمر فيها الواير بتاع المكنة ، القطعة البلاستيك عندي اتكسرت في المكنتين الازاز اللي ورا و اتكسرت من المكان اللي بيمر منه الواير و الحتة ديه ضعيفة جدا انها تتلحم مثلا فلازم بلاتسيكه جديدة و الله اعلم موجودة و لا لأ ولو موجودة الله اعلم ممكن تكون في نفسة جودة القديمة فتتكسر برده.
المهم الراجل جاب مسمار الووز و خرمة من تحت الودنة بتاعته بشوية صغيرين اوي و ثيت المسمار مكان حتة البلاستيك اللي اتكسرت و على فكرة هوه في مكان انك تربط مسمار في الحتة ديه في المكنة فطبعا المسمار اتربط في المكنة مع قطعة البلاستيك و بعدين قام الراجل فدخل الواير في الخرم اللي خرمه في المسمار فاصبح الواير متثبت في المسمار و الفتحة اللي هوه عاملها تعدي الواير رايح جاي من غير مشاكل المهم ركب المكنة .
جرب يا جدع هوبا المكنة شغالة طيب جرب تاني شغالة حلاوة و لا صوت تزييق و لا اي مشاكل فبريكة.
طيب جرب تاني يوم ثالث يوم ، ركب حد غيرك يجرب كله تمام .
و خد 70 جنيه
20 جنيه عشان البكرة كانت عاوزة تتجلخ .
20 جنيه واير جديد عشان القديم كان باظ
30 افتكاسة المسمار ديه .
بس ياسيدي بس اهم حاجة ان قطعة البلاستيك المكسروة تبقى معاك و هوه يظبط.
جميل جدا
الف مبروك