نداء الي شركه الامل والانسه داليا

السلام عليكم ورحمة الله وبركاته اتصلت اليوم الخميس لحجزميعاد للصيانه فوجدت الانسه داليا في اجازه وردت علي انسه محترمه اسمها مروه وطلبت ميعاد للصيانه ليوم السبت فأذ بها تحدد لي ميعاد يوم الاربعاء 9 صباحا وسألتها سوألين الاول ليه الميعاد بعيد كده قالت لان كل الايام محجوزه قلتلها مش في عدد للاجره واخر للملاكي قالت لا كله علي بعضه
السؤال التاني قلتلها كده ممكن اعدي ال11 الف قالت كان لازم تتصل بعد ال9000 ك
السؤال هنا لشركه الامل النهارده يادوبك مرحله احلال للتاكسى والعمليه زادت والميعاد بقي بعد اسبوع امال لما ربنا يفتح بكذا مرحله مش هنلاقي مكان نعمل الصيانه لازم يبقي فيه مكان للملاكي ومكان للتاكسي مش قله احترام لاسمح الله ولكن لان عددهم كبير وبعدين ازاى احجز قبل الميعاد بألف ك المفروض اني عارف امتي هتم ال10000 وبعدين الالف الزياده دلوقتي مش هتبقي غلط في الصيانه لو احنا عملناها الدنيا هتقوم ومش هتقعد وشكرا

أبقى أعمل حسابك بعد كدة يا حاج أيمن في الحجز زي ما قالت ليك .. وبعدين أنا سامع أن فيه مركز صيانة تاني حيتفتح .. وربنا يسهل .. فعلاً العربية زاد انتشارها جامد وخصوصاً في التاكسي .

ولو عديت العشر تلاف بألف كيلو كمان مش مشكلة قوي .. المهم متنساش تقولنا تقرير عن الصيانة وعن أداء العربية الفترة اللي فاتت .

أبقى أعمل حسابك بعد كدة يا حاج أيمن في الحجز زي ما قالت ليك يا باسم انا ممكن امشي بالعربيه 150 ك في اليوم وايام امشي 30ك ازاى هحسبها وبعدين شئ منطقي ان يكون فيه عدد للملاكي وعدد للتاكسي مش يبقي كله علي بعضه بعد كده مش هلاقي مكان احجز للصيانه اما عن العربيه فهي لازالت والحمد لله احسن عندي من اى عربيه تانيه في فئتها السعريه

انا كنت بعمل صيانة الالف وكان العداد عامل 1250 كم ... إن شاء الله مافيش مشكلة لما الكيلومتر يزيد شوية ... واهم حاجة انة ما يكونش فية مشكلة على العربية ... اما بالنسبة لمركز الصيانة فهم عارفين الضغط اللى عليهم واكيد مش ها يتكلمو فى اى كيلومترات زيادة .... لان هى غلطتهم ... وعلى رأى باسم ابقى اعمل حسابك شوية فى الصيانات اللى بعد كدة ... مش ضرورى بالف كم ممكن تعمل حسابك فى 300 او 400 كم ... ولو كلام باسم صحيح بخصوص المركز الجديد ... يبقى دى حاجة كويسة وربنا يسهل ...
انا كنت سمعت يا باسم ان فية مركز ها يتفتح فى غمرة ... هو ده اللى قصدك علية ؟؟؟؟

الاخوه الافاضل
تحياتى
مركز القطاميه لصيانه الملاكى والتاكسى للصيانات 5000/ 10000/ 15000/ 20000 الى 100000 وهكذا
اما مركز العباسيه لصيانه الف كم فقط وهى غيار زيت وتربيط ولا يوجد قطع غيار لكل الصيانات ( صيانه محدوده)
وقريبا جدا سيفتتح مركز صيانه غمره بجوار قسم الشرابيه خلف شارع الشركات للصيانه للملاكى والتاكسى ايضا بى واى دى
اما بالنسبه للصيانه قبل الاجازات والاعياد فلابد الحجز قبل الصيانه بمده كافيه لرغبه العملاء دائما لعمل الصيانه قبل الاجازات والسفر مباشره

اقتباس:

---

المشاركة الأصلية كتبت بواسطة ehabpopo

انا كنت سمعت يا باسم ان فية مركز ها يتفتح فى غمرة ... هو ده اللى قصدك علية ؟؟؟؟

---

بالظبط كدة .

ومش مشكلة حتى لو في العادي معدي 200 أو 300 كيلو زيادة عن ميعاد الصيانة الدورية .

اقتباس:

---

المشاركة الأصلية كتبت بواسطة emad habib

الاخوه الافاضل
تحياتى
مركز القطاميه لصيانه الملاكى والتاكسى للصيانات 5000/ 10000/ 15000/ 20000 الى 100000 وهكذا
اما مركز العباسيه لصيانه الف كم فقط وهى غيار زيت وتربيط ولا يوجد قطع غيار لكل الصيانات ( صيانه محدوده)
وقريبا جدا سيفتتح مركز صيانه غمره بجوار قسم الشرابيه خلف شارع الشركات للصيانه للملاكى والتاكسى ايضا بى واى دى
اما بالنسبه للصيانه قبل الاجازات والاعياد فلابد الحجز قبل الصيانه بمده كافيه لرغبه العملاء دائما لعمل الصيانه قبل الاجازات والسفر مباشره

---

أستاذ /عماد .. وحشانا مداخلاتك من زمان

وبعد أذنك وأذن أعضاء القسم هنا .. كنت بقترح أنه يكون فيه عدد معين للملاكي والتاكسي .. ويتم تحديد هذا العدد طبقاً لنسبة المبيعات الموجودة في الشركة .

وبعد افتتاح مركز الصيانة الجديد إن شاء الله يتم العمل بنفس النظام (كوتة لسيارات الملاكي والأجرة) .. أو لو كان مركز صغير يتم تخصيصه للسيارات الملاكي فقط .

أرجو توصيل هذا الاقتراح لإدارة الشركة بعد مناقشته من الأعضاء لمعرفة مدى جدواه من عدمه .

السلام عليكم واسف لانى لم اكتب منذ يومين امبارح اتصل بيا الاستاذ عماد نائب رئيس مجلس اداره شركه الامل وكان عندي حق من زمان اني اقول اد ايه الشركه دى محترمه لانها بمجرد سماع شكوي عميل تتصل بيه عشان تحلها والراجل اد ايه كان ودود وقالي الوقت الي يريحك تعالي اعمل فيه الصيانه حتي لو النهارده وبعدين اتصلت الانسه داليا عشان تحدد الميعاد وده ان دل يدل علي مدي خدمه ما بعد البيع والاهتمام البالغ للعميل واخيرا شكرا لشركه الامل

سلام عليكم
اولا احب اسلم واطمن على جميع اعضاءنا الكرام
وثانيا اعتذر لفترة غيابى عن المنتدى
اما باش مهندس ايمن يا باش مهندس احنا تحت امر حضرتك وجميع العملاء ..........
ومعلش يا باش مهندس لان صديقتى ماتعرفش نظام شغلى بالضبط وماتقصدش اى شى
ومع ذلك اتشرف بحضرتك وبجميع العملا سواء فى حجز ميعاد السيارة او اى مشكلة فيها
وتقبلوا مرورى

اقتباس:

---

المشاركة الأصلية كتبت بواسطة emad habib

الاخوه الافاضل
تحياتى
مركز القطاميه لصيانه الملاكى والتاكسى للصيانات 5000/ 10000/ 15000/ 20000 الى 100000 وهكذا
اما مركز العباسيه لصيانه الف كم فقط وهى غيار زيت وتربيط ولا يوجد قطع غيار لكل الصيانات ( صيانه محدوده)
وقريبا جدا سيفتتح مركز صيانه غمره بجوار قسم الشرابيه خلف شارع الشركات للصيانه للملاكى والتاكسى ايضا بى واى دى
اما بالنسبه للصيانه قبل الاجازات والاعياد فلابد الحجز قبل الصيانه بمده كافيه لرغبه العملاء دائما لعمل الصيانه قبل الاجازات والسفر مباشره

---

استاذ/ عماد
ازيك وحشتنا كتييييييييير ... يا يريت تعرفونا على النت باستمرار اخر التطورات لمركز الصيانة الجديد اللى ها تفتتحوة فى غمرة .... وشكرا ليك على مداخلاتك ... وعلى زوق حضرتك ... وشكرا للاستاذة / داليا على زوقها وحسن تصرفها

بسم الله الرحمن الرحيم ذهبت اليوم لعمل صيانه ال10000 وكان ميعادي ال9 ص كنت هناك5و8 الفنين كانوا هناك التاسعه وبدؤا استلام السيارات في ال9,15 عندك ايه صيانه عاديه وتغير زيت وكوعه كانت بتخر مياه المهم كان فيه ميكانيكي بيحوم حول السياره قالي فيها ايه قلتله علي الي فيها قالي وميه البطاريه قليله المهم قال لمهندس الاستلام عملت الjob قال له لسه فيه تاكسي خده الورشه المهم خلص الjob وقلت ابص علي ميه البطاريه عشان لو نسيوا يزودوها ابقي اجيب ميه وازودها المهم جاء ميكانيكي تاني اخد العربيه وفضلت ابص عليها من فوق لقيت الراجل بيعمل كل الي طلبته واكتشفت ليه العربيه بعد الصيانه بتبقي عايزه تتطير زي مقال ايهاب لقيت انهم بينضفوا فلتر الهواء بتاع العمه الي اكيد من كتر التراب الي شفته لازم يقلل من سحب العربيه المهم خلصت العربيه ودفعت ال205 وجيت استلم العربيه فوجئت بالميكانيكي الاول الي كان عايز ياخدها من الاول واقف جنبي وبيقول عملتلك كل حاجه انت عايزها وزودتلك ميه البطاريه طبعا انا شايف من فوق مين الي اشتغل في العربيه وكان واحد غيره خالص وطبعا كشفت كدبه لما فتحت عيون البطاريه لقيت الميه زي ما بصيت عليها قبل ما تدخل قلتله انت زودت الميه دي قالي ايوه يبيه دي كانت ناشفه فهمت طبعا انه عايز يحلل اي حاجه وقالك ده زبون ما يعرفش اني مهندس تكيف وعملي كله فني طبعا سيبته ومشيت المهم العربيه خلصت والساعه11 وده اخر التقرير وشكرا

عزيزى الاستاذ عماد حبيب المفروض الصيانة للملاكى له اولوية فى الحجز وياريت من ياتى من محافظة بعيدة مثل حالاتى ياتى من محافظة المنيا من اجل ان اصل الساعة الثامنة لازم اخرج الساعة الرابعة صباحا ودى امور خطر فى هذه الايام وان كانت حدة الخطورة قلت
ثانبا وبعد تجربة ارجو ان لا يفرض على تغيير زيت معين لانى كرهت الزيت ال xhp لانى افرغته من السيارة بعد ثلاث الاف كيلو لونه اسود فاحم وقد فقد لزوجته تماما يعنى بصراحة اريد ان اذهب ومعى زيت شل الترا 10000 او يترك لى تغيير الزيت وفلتر الزيت بحريتى خارج التوكيل ويترك باقى المجهود فى المركز لتربيط العفشة ولشكاوى اخرى هل هذا ممكن فالخص طلباتى كالاتى
اولا من هم من محافظات بعيدة خارج القاهرة يكون لهم اولوية بدون حجز
ثانيا تترك حرية تغيير الزيت وفلترالزيت للعميل سواء باحضار الزيت معه او تغييره خارج التوكيل وطبعا يكون زيت ملائم للسيارة ولا يفرض على زيت معين لانى وجدت ان زيت شل بيهدى من صوت الموتور العالى واكثر كفائة من ال hxp اوهناك طلب غريب شوية تحملنى ان تعرفونى على فندق معقول فى القطامية امكث فيه للراحة لانى لا اتحمل السفر 350 كيلو ذهابا وايابا يعنى 700 من اجل عمل الصيانة احد معارفى ذهب الى مركز صيانة الاسكندرية وكان مرهقا جدا والعمال هناك دلوه على فندق قريب وارتاح من عناء سفر الف كيلو واخيرا شكرا لسيادتك وارجو تقبل مقترحاتى بصدر رحب

اقتباس:

---

المشاركة الأصلية كتبت بواسطة memos

بسم الله الرحمن الرحيم ذهبت اليوم لعمل صيانه ال10000 وكان ميعادي ال9 ص كنت هناك5و8 الفنين كانوا هناك التاسعه وبدؤا استلام السيارات في ال9,15 عندك ايه صيانه عاديه وتغير زيت وكوعه كانت بتخر مياه المهم كان فيه ميكانيكي بيحوم حول السياره قالي فيها ايه قلتله علي الي فيها قالي وميه البطاريه قليله المهم قال لمهندس الاستلام عملت الjob قال له لسه فيه تاكسي خده الورشه المهم خلص الjob وقلت ابص علي ميه البطاريه عشان لو نسيوا يزودوها ابقي اجيب ميه وازودها المهم جاء ميكانيكي تاني اخد العربيه وفضلت ابص عليها من فوق لقيت الراجل بيعمل كل الي طلبته واكتشفت ليه العربيه بعد الصيانه بتبقي عايزه تتطير زي مقال ايهاب لقيت انهم بينضفوا فلتر الهواء بتاع العمه الي اكيد من كتر التراب الي شفته لازم يقلل من سحب العربيه المهم خلصت العربيه ودفعت ال205 وجيت استلم العربيه فوجئت بالميكانيكي الاول الي كان عايز ياخدها من الاول واقف جنبي وبيقول عملتلك كل حاجه انت عايزها وزودتلك ميه البطاريه طبعا انا شايف من فوق مين الي اشتغل في العربيه وكان واحد غيره خالص وطبعا كشفت كدبه لما فتحت عيون البطاريه لقيت الميه زي ما بصيت عليها قبل ما تدخل قلتله انت زودت الميه دي قالي ايوه يبيه دي كانت ناشفه فهمت طبعا انه عايز يحلل اي حاجه وقالك ده زبون ما يعرفش اني مهندس تكيف وعملي كله فني طبعا سيبته ومشيت المهم العربيه خلصت والساعه11 وده اخر التقرير وشكرا

---

مبروك الصيانة يا بشمهندس ... وعقبال صيانة ال 100000 كم ...
بس انا لية تعليق على تقرير حضرتك ... فية حاجة خطيرة اتكلمت فيها وهى اخطر من ان فنى او صانيعى يحاول انة يحلل قرشين من عميل ... والحاجة الخطيرة دى هى عدم متابعة المهندسين لما تم الاتفاق علية من اعمال صيانة ... والاخطر عدم تركيز الفنيين لما طلب منهم ...
يعنى لو حد تانى اخد العربية بدون ما يراجع مية البطارية زى ما ايمن عمل ... وده وارد طبعا ... هايكون اية الحل ؟؟؟؟
وهل ممكن ده يحصل فى حاجات تانية غير مية البطارية ؟؟؟؟ اعتقد ان دى حاجة تخوف

سلام عليكم

طيب هاقلوكوحاجة مش هاتصدقوها

اناعندى صفارة خفيفة جدا فى سير البور لما اكسر الدركسيون

على الآخر شرط يكون التكييف شغال

وببلغ بيها التوكيل من يوم ماشريت السيارة وللأسف السيارة عاملة

دلوقت 30000 كيلو ولم يتم عمل حاجة فى السير وكل الصيانات

اللى روحتها مكتوب فى الجوبات موضوع السير اللى بيصفر

إيه رأيكو فى الموضوع ده

اقتباس:

---

المشاركة الأصلية كتبت بواسطة kokyjoon

سلام عليكم

طيب هاقلوكوحاجة مش هاتصدقوها

اناعندى صفارة خفيفة جدا فى سير البور لما اكسر الدركسيون

على الآخر شرط يكون التكييف شغال

وببلغ بيها التوكيل من يوم ماشريت السيارة وللأسف السيارة عاملة

دلوقت 30000 كيلو ولم يتم عمل حاجة فى السير وكل الصيانات

اللى روحتها مكتوب فى الجوبات موضوع السير اللى بيصفر

إيه رأيكو فى الموضوع ده

---

الواضح انة ما فيش فنيين او مهندسين محترفين يصلحولك المشكلة دى ... ودى حاجة تخوف اكتر من اللازم

هو للاسف موضوع الصنايعي الفهلوي دي مشكله كبيره وان كانت قلت عن الاول (انا ليا تجربه مريره معاهم http://www.nilemotors.net/Nile/197934-byd.html ).....
و العيال اللي شغاله جوه تقف تبحلق في العربيه منتظر انها تنطق و اول ما يمسك ال job يسيبه تاني كأنه إما ما بيعرفش يقرأ او يا إما انه لا يفقه ما وظيفه امر الشغل اساساً!!!!
الحق يقال المركز تطور عن الاول كتير بس محتاج تطوير في تنظيم العمل و النواحي الفنيه و المسلكيه.. و يا سلام لو في جدول زمني للتسليم و التسلم للعربيه بحسب الصيانه الدوريه (مثلا صيانه 5000 ساعه إن لم يكن هناك شكاوي اخري).....
و تقبلوا مروري

اقتباس:

---

المشاركة الأصلية كتبت بواسطة elmanahry

عزيزى الاستاذ عماد حبيب المفروض الصيانة للملاكى له اولوية فى الحجز وياريت من ياتى من محافظة بعيدة مثل حالاتى ياتى من محافظة المنيا من اجل ان اصل الساعة الثامنة لازم اخرج الساعة الرابعة صباحا ودى امور خطر فى هذه الايام وان كانت حدة الخطورة قلت
ثانبا وبعد تجربة ارجو ان لا يفرض على تغيير زيت معين لانى كرهت الزيت ال xhp لانى افرغته من السيارة بعد ثلاث الاف كيلو لونه اسود فاحم وقد فقد لزوجته تماما يعنى بصراحة اريد ان اذهب ومعى زيت شل الترا 10000 او يترك لى تغيير الزيت وفلتر الزيت بحريتى خارج التوكيل ويترك باقى المجهود فى المركز لتربيط العفشة ولشكاوى اخرى هل هذا ممكن فالخص طلباتى كالاتى
اولا من هم من محافظات بعيدة خارج القاهرة يكون لهم اولوية بدون حجز
ثانيا تترك حرية تغيير الزيت وفلترالزيت للعميل سواء باحضار الزيت معه او تغييره خارج التوكيل وطبعا يكون زيت ملائم للسيارة ولا يفرض على زيت معين لانى وجدت ان زيت شل بيهدى من صوت الموتور العالى واكثر كفائة من ال hxp اوهناك طلب غريب شوية تحملنى ان تعرفونى على فندق معقول فى القطامية امكث فيه للراحة لانى لا اتحمل السفر 350 كيلو ذهابا وايابا يعنى 700 من اجل عمل الصيانة احد معارفى ذهب الى مركز صيانة الاسكندرية وكان مرهقا جدا والعمال هناك دلوه على فندق قريب وارتاح من عناء سفر الف كيلو واخيرا شكرا لسيادتك وارجو تقبل مقترحاتى بصدر رحب

---

أنا فى صيانة ال10 ألاف أخذت معايا وأنا رايح زيت شل 10000 وفى دماغى إنى مش هحط زيت موبيل .. وطلبت منهم إنهم يحطوه بدل الزيت اللى موجود أو لو مش عايزين أغيره انا بره...
مش عايز اقول إيه اللى حصل وكمية النقاشات والجدالات وخلاص حسسونى إن العربية هتفرقع منى لو حطيت زيت شل.. طبعا بشوية كلام منطقى للغاية بتخلص النقاش وبتثبت إن اللى بيقولوه ده مالوش اى اساس لا علمى ولا حتى منطقى فى أقل من 5 دقائق ... المشكلة بقى إنك لازم تخوض نفس الحوار ده مع خمسه ستة وفى الأخر بيمضوك كذا مرة على إنك مسؤول مسؤلية كاملة عن أى شئ يحصل فى الموتور نتيجة إنك إستخدمت زيت شل بدل زيت موبيل ..
يعنى لو عايز تحط زيت شل إعمل حسابك على نص ساعة شد وجذب لحد ما تخليهم يغيروا الزيت و تمضى كمان على الإقرار مرتين

اقتباس:

---

المشاركة الأصلية كتبت بواسطة mostafa123

أنا فى صيانة ال10 ألاف أخذت معايا وأنا رايح زيت شل 10000 وفى دماغى إنى مش هحط زيت موبيل .. وطلبت منهم إنهم يحطوه بدل الزيت اللى موجود أو لو مش عايزين أغيره انا بره...
مش عايز اقول إيه اللى حصل وكمية النقاشات والجدالات وخلاص حسسونى إن العربية هتفرقع منى لو حطيت زيت شل.. طبعا بشوية كلام منطقى للغاية بتخلص النقاش وبتثبت إن اللى بيقولوه ده مالوش اى اساس لا علمى ولا حتى منطقى فى أقل من 5 دقائق ... المشكلة بقى إنك لازم تخوض نفس الحوار ده مع خمسه ستة وفى الأخر بيمضوك كذا مرة على إنك مسؤول مسؤلية كاملة عن أى شئ يحصل فى الموتور نتيجة إنك إستخدمت زيت شل بدل زيت موبيل ..
يعنى لو عايز تحط زيت شل إعمل حسابك على نص ساعة شد وجذب لحد ما تخليهم يغيروا الزيت و تمضى كمان على الإقرار مرتين

---

سؤال معلش هو ايه وجه تمسكهم و احساسهم ان زيت موبيل هو الاحسن؟؟؟ في سبب واضح مثلاً قالوا لحضرتك عليه؟ انا اللي اعرفه ان التوكيلات بتتعاقد مع الشركات موزعه الزيوت للحصول على سعر ارخص مقابل جعل زيت الشركه هو الزيت الرسمي ليهم (مثال هيونداي اخدت فتره موبيل و حالياً شيل و الحياه ماشيه) فهل هناك سبب هندسي او مثلاً انه احسن نوع ولا سياسه تسويق و بيبرر و خلاص؟

اقتباس:

---

المشاركة الأصلية كتبت بواسطة emad habib

الاخوه الافاضل

---

اقتباس:

---

المشاركة الأصلية كتبت بواسطة emad habib

تحياتى
مركز القطاميه لصيانه الملاكى والتاكسى للصيانات 5000/ 10000/ 15000/ 20000 الى 100000 وهكذا
اما مركز العباسيه لصيانه الف كم فقط وهى غيار زيت وتربيط ولا يوجد قطع غيار لكل الصيانات ( صيانه محدوده)
وقريبا جدا سيفتتح مركز صيانه غمره بجوار قسم الشرابيه خلف شارع الشركات للصيانه للملاكى والتاكسى ايضا بى واى دى
اما بالنسبه للصيانه قبل الاجازات والاعياد فلابد الحجز قبل الصيانه بمده كافيه لرغبه العملاء دائما لعمل الصيانه قبل الاجازات والسفر مباشره

---

أ/ عماد حبيب



الكل في إنتظار تحديد موعد ولو تقديري لإفتتاح المركز الجديد الذي مما لا شك فيه أنه سيعمل علي تهدئة حدة الزحام خاصة أن التاكسي في أعداد متزايدة بسم الله ما شاء الله


مشكور جدا لتعاونك الدائم والفعال مع الجميع


خالص تحياتي

قريبا جدا فى التشطيبات النهائيه والتاخير بسبب البيروقراطيه الحكوميه و سيعلن عن الافتتاح قريبا جدا:welcome2::welcome2::welcome2: