الموضوع: كبالن , على ضفيرة , على فرامل على مساعدين

تامر باشا الف مبروك على ترخيص الماتور والحمد لله انة اداك الورق بتاعك

بالنسبة للمشكلة الاولى : دية مشكلة سلك ملمس بيعمل قفلة مع باقى الاسلاك ولازم تعملة فورا

بالنسبة للمشكلة التانية : دة انت عندك السوست ضعيفة هتجيب سوستتين استيراد لازم يكونوا طالعين من عربية واحدة عاشن يبقوا عمر واحد وقوة واحدة ولما تعمل المشكلة دية هتحل معاها موضوع الحدفة

المشكلة الرابعة : موضوع السحب ابقى نظف فلتر البنزين وفلتر الهواء وغير طقم بوجيهات وهتلاقى الدنيا بقت احسن اوعى تلعب فى الكربراتير

المشكلة الخامسة : انت دلوقتى بتقول الدواسة خفيفة والفرامل مابتكلبش يبقى قبل ماتعمل وتغير اى حاجة اعمل الاتى :
1: تسحب هواء من الاربع عجلات , واتاكد ان مافيش تسريب

لو مافيش تحسن يبقى ماستر الفرامل العمومى ضغطة ضعيف

المشاركة الأصلية كتبت بواسطة tamertito88

الله يبارك فيك يا سمسم باشا
الف شكر ليك يا سمسم , ازيك عامل ايه واحشني والله
انا ماعنديش سوست قدام اصلا يا سمسم ( المساعد بس )

و هل تقترح عليا اغير المساعدين بمساعدين عربية تانية هوندا برده بس موديل اعلى ؟؟ , و ازاي اعرف ان المساعدين كويسة ولا ضعيفة ؟؟

سؤال تاني ياباشا بعد اذنك : المقصات ازاي احافظ عليها ؟؟؟؟ انا كنت مقير مقصات من كام شهر و ببص دلوقتي لاقيت الكاوتش بتاعها متقطع
وازاي اعرف اصينها

بعيد عنك صنايعية العاشر بهايم و نصابين فبسأل كتير عشان ما حدش يشتغلني :)

ياباشا ماينفعش يبقى فية عربية من غير سوستة انت عندك السوست ضعيفة بس غيرها وان شاء الله الموضوع هيتحل بتاع الحفة مع البنزين بالنسبة للمساعدين خليها بتاعة العربية الاصلى بس غير السوست وانت بتغيرهم المساعد هيتحل شوف قوتة لازم المساعد ينزل بقوة ويطلع بسرعة طبعا الكلام دة هيتعمل لما تحطة على الارض وتضغط علية بايدك

بالنسبة للمقص مافيش حاجة اسمها تحافظ على المقص هو انت بس عشان تحافظ على العفشة عموما لما يكون فية مطبات امشى بالراحة بس

ايوة صح ياباشا معلش انت فعلا معاك الشكل اللى فية torism bar وتقدر تعلى وتوطى المساعد اصل انا جت فى دماغى الشكل الاقدم

بس على فكرة انت اللى عندك اسمها سوستة بس سوستة عرضية وبتتسمى stablizer spring bar , وعشان تظبطها صح

فية عندك فى طرفها كاوتشتين بيتغيروا , وعندك بيضة الشمعدان بتاعة الجنبين بردة بيتغيروا , وكاوتش الميزان بردة تغيرة