دكتور نفسانى .

**خالدابوالنجا** · 03-06-2007 01:50 PM

اعتقد ان موضوع الاسبرانزا وملاكها وصل لمنتهاه الان . بين المؤيد والمعارض وكل واحد قال الى عنده ولكن تبقى نقطه اخيره اعتقد انها سوف تقطع الشك باليقين .
انا اطالب بعرض ملاك الاسبرانزا او من عنده هاجس لشرائها او حتى حجزها على دكتور نفسانى لمعرفه دوافعهم لهذه الفعله الشنعاء .
1-هل عندهم مشاكل عائليه تدفعهم للقيام بالانتحار المقنع وشراء السياره.
2- فيه حد وقع على دماغه مثلا وهو صغير فاصيب لدرجه انه معدش عارف يميز للدرجه الى دفعته يشترى الاسبرانزا
3- سبب فرحتهم بالسياره بعد شرائها هل هذا راجل للسياره نفسها ام هى وسيله للهروب من الواقع المرير الذى تعيشه البلاد.
4- هل شرائهم للسياره نابع من حبهم للتفرد والقيام بافعال غير معتاده ام لقناعتهم بالسياره.
5- سبب التغير فى المزاج العام لدى الكثير منهم بعد اقتنائهم للسياره هل هو راجع لاكتشافهم شىء لا يعلمه الاخرون فى عالم السيارات ولا همه بيدضحكوا من شده ما حدث لهم والى همه عارفينه بس وشر البليه ما يضحك .
6- سبب التغير فى نمط الملابس التى يرتديها ملاك السياره فانا ملاحظ انه اتغير بعد امتلاك السياره
7- فيه احد اعضاء اعترف انه بيحب يركب السياره كتير من حبه لها وده طبعا اكيد مؤشر خطير لان مش معقول يوصل بيه الحب للدرجه دى.
8- الدفاع المستميت عن السياره قال يعنى همه مقتنعين بها قوى كده.
اعتقد ان هذه التساؤلات وغيرها مطلوب الاجابه عليها وبشده الان والقادر على الاجابه هو دكتور نفسانى ويكون موثوق بيه كمان . فياريت المشرفين يشوفوا الاقتراح ده وانا عارف ان د/ ايهاب يؤيد الاسلوب العلمى لتناول الموضوعات وكذلك الاستاذ وائل .

السلطان ابو النجا الاول

**وائل عطية** · 03-06-2007 02:06 PM

يا خالد باشا الموضوع أبسط من كده ويتلخص في كلمتين:
صلي على رسول الله الأول:
صليت؟
ماشي
بص ياسيدي العربية حلوة قوي بـ 60 أو 64 ألف تمنها فعلاُ هاتاخد بيهم عربية حلوة على قد فلوسها ومعاك ضمان ممتاز
لكن لو مثلاً هايرفعوا سعرها لـ 85 ألف أقولك لأ ستوب فكر شوية
حالة الدفاع اللي كانت مستميتة وبدأت تهدأ شوية دي تبرير مقبول للقانون الثالث لنيوتن !!! فهذا رد فعل طبيعي لكم الهجوم الهائل اللي الناس بتعاني منه
الناس اللي بتهاجم برده معذورين ماهو الواحد دفع 90 ولا 100 ألف في عربية كوري ماهيش بعيدة قوي عن الصيني ويجي يدور على الكماليات اللي فيها يلاقيها مش موجودة وهو دافع 100 ألف، في حين إن اللي دفع 60 ألف عنده abs وجنوط ومكن رفع و أر بي إم وبلاوي زرقة كتير مش عنده إذاً الحل إنه يقنع نفسه داخلياً إن اللي دفع 60 ألف ده رماهم على الأرض وخد عربية معفنه (مجرد عايز يقنع نفسه بكده) في حين إنه لو فكر بشوية إنصاف هايلاقي إن اللي دفع الـ 60 ده مش غلطان بالعكس دا هو وفر أكثر من 40 ألف وجاب عربية معقوله تقعد معاه سنتين تلاتة وبعد كده يغيرها !!
أظن ياخالد باشا دا تحليل ولا أجدع دكتور نفساني

**خالدابوالنجا** · 03-06-2007 02:18 PM

تمام ياباشا والحساب عندى هههههههههههههه

السلطان ابو النجا الاول

**ehabbadr** · 03-06-2007 02:33 PM

جبت الخلاصه و الله ياوائل

**وائل عطية** · 03-06-2007 02:39 PM

تمام ياباشا والحساب عندى هههههههههههههه

عيب ياراجل انت بتقول إيه الكشف مجاني المرة دي :lol: :lol: :lol:

جبت الخلاصه و الله ياوائل

يعني أنفع يا دكتور ؟؟ ممكن نفتح عيادة مشتركة :lol:

**خالدابوالنجا** · 03-06-2007 02:43 PM

لا والله لازم تاخد حقك . دحنا بقالنا سنه ونص ومحدش وصل للتحليل ده وتقلى مجانا .

ابدا . عليه الاسبرانزا لانته واخد الفلوس.

ههههههههههههههه

السلطان ابو النجا الاول

**ايهاب** · 03-06-2007 02:45 PM

والله تسلم يا استاذ/وائل
DR/EHABABDELHAFEEZ
اسبيرانزاوي 32

03-06-2007 02:45 PM

بمناسبة التحليل النفسي لمالكي الاسبيرانزا تفتكروا كون ان العربية صيني وتجميع مصري والهجوم الشرس عليها ده مخوف اصحابها منها يعني انا شوفت موضوع الكراتين وشوفت تصرفات مبالغ فيها جدا من اصدقاء ليا معاهم الاسبيرانزا لدرجة اني بحس انهم جواهم احساس بضعف العربية وده بيخليهم يبالغوا في الحفاظ عليها تفتكروا ده صحيح !!؟

ولو صحيح هل ينفع اني ادفع في عربية قرابة ال 70 الف جنية واديها اجازة يومين في الاسبوع مثلا او اخد كل المطبات بالعرض وعلي الغيار الاول واخاف اجرب ال ABS وافرشها كراتين واخاف اركنها في الشمس الخ الخ مما اراه من تقاليع الحفاظ علي الاسبيرانزا !!!

بيتهيئلي انا لو فعلا خايف من جوده عربية مقدرش اركبها لاني بكده هجيب لنفسي المرارة

03-06-2007 02:45 PM

بمناسبة التحليل النفسي لمالكي الاسبيرانزا تفتكروا كون ان العربية صيني وتجميع مصري والهجوم الشرس عليها ده مخوف اصحابها منها يعني انا شوفت موضوع الكراتين وشوفت تصرفات مبالغ فيها جدا من اصدقاء ليا معاهم الاسبيرانزا لدرجة اني بحس انهم جواهم احساس بضعف العربية وده بيخليهم يبالغوا في الحفاظ عليها تفتكروا ده صحيح !!؟

ولو صحيح هل ينفع اني ادفع في عربية قرابة ال 70 الف جنية واديها اجازة يومين في الاسبوع مثلا او اخد كل المطبات بالعرض وعلي الغيار الاول واخاف اجرب ال ABS وافرشها كراتين واخاف اركنها في الشمس الخ الخ مما اراه من تقاليع الحفاظ علي الاسبيرانزا !!!

بيتهيئلي انا لو فعلا خايف من جوده عربية مقدرش اركبها لاني بكده هجيب لنفسي المرارة

**baher** · 03-06-2007 02:53 PM

انا ليا وجه نظر وهي ليه الناس بتهاجمها بهذه الشراسه والضراوره هل الصين اكلت اكل عيالكم وهل شيري دي بالذات دايقتكم في حاجه قبل كده متسيوا اللي يشتري يشتري ماهو في ناس بتروح تدقع 15 الف جنيه في رقم لوحه سياره مميز واحد اشتلاى ملاكي غربيه 10 ب15 الف جنيه وفي السعوديه واحد اشترى ق م ر 014 ب20 الف ريال وفي الي بيشتري نمره موبايل بالف جنيه وبميه الف كل واحد عقله في راسه يعرف خلاصه ولا ايه؟

الموضوع: دكتور نفسانى .

LinkBack

أدوات الموضوع

عرض

دكتور نفسانى . - انشر الموضوع فى :

-

-

-

-

-

المواضيع المتشابهه

حد جرب دكتور خالد

دكتور مخ واعصاب

دكتور للكلى

دكتور عظام

الكلمات الدلالية لهذا الموضوع

المفضلات

المفضلات

ضوابط المشاركة