ياجماعه نفسى البس نضارة شمس ياريت تساعدونى ياريت اصحاب الخبره يدخلوا

**Ralliart** · 15-04-2011 11:53 PM

المشاركة الأصلية كتبت بواسطة ahmed ezz

انا بعمل موضوع تاني دلوقتي

هعمل عدسات لاصقة و البس فوقيها نضارات الشمس الي انا عايزها

انا كنت في الاول ناوي اعمل زي ما انت بتقول بس لقيتة مش هيبقي حلو

لاني محدد بتصميمات معينة

و كمان مثلا لو اشتريت نضارة ray-pan او اي ماركة محترمة تانية

هستغني عن اغلي حاجة فيها و هي العدسات عشان اركب العدسات النظر

+1
انا عامل كدة
العدسات الرؤية منها احسن من النضارة بكتير بالذات في السواقة

الرأى الطبى :
لا تعمل عدسات شمس - نظر عمولة لأن غمقان العدسة يسبب اتساع حدقة العين و دخول الاشعة الضارة الى الشبكية و جودة العدسات فى مصر لا تسمح ان تكون uv protection اعلى من 90% و اللى يقول غير كده بيضحك عليك.

الرأي ده سمعته من دكاترة كتير
العدسات دي خطر وبدل ما تحمي العين هتضرها زيها زي النضارات الشمس اللي ب5 جنيه
إلا طبعاً لو ماركة محترمة زي هويا اكيد عاملين حسابهم

**eletr** · 16-04-2011 01:23 AM

انا عندي نفس الحلم و المشكلة ان انا مابشوفش لو قلعت النظارة

**A_H_M_A_D** · 16-04-2011 03:34 AM

فيه حلين
يا تعمل عدسات نظر فوتو براون أو فوتو جراي ودي بتلون في الشمس و بتبقى فاتحة في الضل و تمنها اغلى من العادية شوية

الحل التاني انك تعمل عدسات شمس نظر بس لازم تجيب شنبر بلاستيك سميك عشان العدسات السميكة متبقاش بارزة قوي منه و مايبقاش شكلها غريب

**MOUSTAFA_SAAD** · 16-04-2011 07:06 AM

المشاركة الأصلية كتبت بواسطة m.alaa92

فى فرع فى سان استيفانو للمغربى و فى c&co
بس وانا بعمل النضارة كنت عايز اعمل زيك و قاللى العدستين ب 110

سعرهم معقول جدا ده انا بعملها العدسات العاديه المضغوطه فى المحلات التعبانه اللى عندنا اغلى من كده

المشاركة الأصلية كتبت بواسطة japrulez

الرأى الطبى :
لا تعمل عدسات شمس - نظر عمولة لأن غمقان العدسة يسبب اتساع حدقة العين و دخول الاشعة الضارة الى الشبكية و جودة العدسات فى مصر لا تسمح ان تكون uv protection اعلى من 90% و اللى يقول غير كده بيضحك عليك.

حاسال واشوف وححاول اعمل عدسات ماركه نضيفه لو الموضوع نفع اساسا

المشاركة الأصلية كتبت بواسطة ahmed_mamdouh

مقدرش افتي لكن انا عملت في مكان المفروض انه محترم و عدسات مخصوص للموضوع ده و اكدلي انها هتبقى زي الأصلية بالظبط (عدسة ماركة hoya)

اعتقد كده برده

المشاركة الأصلية كتبت بواسطة cheetos_892005

انا عملت نضاره rayban السنه اللي فاتj من c&co
النظاره لوحدها 1200 جنيه + عدسات نظر 200 جنيه

1400 جنيه + خصم من c&co + خصم exclusive card =

850 جنيه .....بس كده

نظري حوالي ناقص 2

المشكله ان نظرى زى مانت شايف حوالى ناقص 6 ودية هى المشكله الكبيره بس انا مش حقدر اعمل نضاره بالسعر ده انا عاوز حاجه فى حدود 500 جنيه ولو حاجه لقطه وعجبتنى اوى وشكلها لايق عليا فعلا وحاسيت انها تستاهل ممكن ادفع ازيد مش مشكله بس اعتقد انى مش حلاقى الطلب ده بسهوله علشان المقاس عندى صعب

المشاركة الأصلية كتبت بواسطة musiccairo

انا بلبس نضاره شمس - نظر وعلى شمبر نضاره شمس
العدسات نظر عادي وملونه بلون غامق
فكرة الفريم لس حلوه وممكن تعمل العدسات زي ما انت عاوز
بس وانت بتلون العدسات اختار لون رمادي غامق جدااااااااااااااااااااااا
لاني لفيت على محلات كتير ومفيش حد عنده اللون الاسود للعدسات ( بيقولوا الموضوع ده مستحيل )

ربنا يسهل وحاشوف

المشاركة الأصلية كتبت بواسطة ralliart

+1
انا عامل كدة
العدسات الرؤية منها احسن من النضارة بكتير بالذات في السواقة

العدسات الاصقه مشكله كبيره جدا انا اختى كانت بتستخدمها على طول وعامللها مشاكل كتير قبل ماربنا يكرمها وتعمل الليزك

الرأي ده سمعته من دكاترة كتير
العدسات دي خطر وبدل ما تحمي العين هتضرها زيها زي النضارات الشمس اللي ب5 جنيه
إلا طبعاً لو ماركة محترمة زي هويا اكيد عاملين حسابهم

انا ان شاء الله حاعمل حاجه معقوله فى مكان محترم يعنى مش حاجيب عدسه وارشها بويه

المشاركة الأصلية كتبت بواسطة sherife

انا عندي نفس الحلم و المشكلة ان انا مابشوفش لو قلعت النظارة

الحال من بعضه

**MOUSTAFA_SAAD** · 16-04-2011 07:09 AM

المشاركة الأصلية كتبت بواسطة a_h_m_a_d

فيه حلين
يا تعمل عدسات نظر فوتو براون أو فوتو جراي ودي بتلون في الشمس و بتبقى فاتحة في الضل و تمنها اغلى من العادية شوية

الحل التاني انك تعمل عدسات شمس نظر بس لازم تجيب شنبر بلاستيك سميك عشان العدسات السميكة متبقاش بارزة قوي منه و مايبقاش شكلها غريب

الفوتو بروان كنت باستخدمه الاول لغاية اخر نضاره قبل الحاليه من سنه وللاسف عدساته بتبقى تخينه لانه مش مضغوط وكمان لونه بلليل مابيفتحش ويبقى ابيض فعلا فبيدارى شكل العين والنضاره بتبقى شكلها عواجيزى ولما عملت الشفافه لاقيتها احلى بكتير

**JapRuleZ** · 16-04-2011 04:02 PM

يا جماعة hoya ماركة عدسات ملهاش علاقة بالUV لأن ال ultraviolet يضاف على العدسة فى مصر و مفيش تقنية تسمح بكفائة عالية فى منع الاشعة الضارة
النصيحة :
اشترى عدسة شمس factory made تكون uv protection 100% و polarized من اجل عدم تشتيت الاضائة و رؤية فائقة بالنهار
و شكرا

**MOUSTAFA_SAAD** · 16-04-2011 04:44 PM

المشاركة الأصلية كتبت بواسطة japrulez

يا جماعة hoya ماركة عدسات ملهاش علاقة بالuv لأن ال ultraviolet يضاف على العدسة فى مصر و مفيش تقنية تسمح بكفائة عالية فى منع الاشعة الضارة
النصيحة :
اشترى عدسة شمس factory made تكون uv protection 100% و polarized من اجل عدم تشتيت الاضائة و رؤية فائقة بالنهار
و شكرا

انا مش فاهم حاجه ممكن توضح اكتر لانى معنديش فكره عن الاسامى دية

**kono** · 16-04-2011 05:50 PM

انا عملت نضارة k-actor من سنتين كده وشغالة معايا كويس ونظرى مضعفش
بس بم انى مش بشوف من غير نضارة لازم النضارة الشمش يبقى مفيش فيها كيرف ولازم يبقى الفريوم بتاعها عريض عشان يدارى السمك بتاع العدسات
لو حضرتك فى سن الشباب هتلاقى كذا نضارة تنطبق عليها المواصفات دى وشكلها حلو

**M7amD_7amDy** · 16-04-2011 10:27 PM

بص ياباشا

المقاس ده هتجيبه مضغوط كامل وخد بالك فى حاجة اسمها نص مضغوط

وبالنسبة لمقاسك المضغوط (الكامل) هيبقى سعره . العدسات + التلوين (طبعا غامق ) 400 جنيه

وعشان كمان تكون فى الأمان والمنظر الجمالى يكون تمام

أرجحلك يكون الشنبر بنفس الشكل ده عشان التخانات تكون جوه ومتبنش حاجة

وتحت أمرك فى اى حاجة :)

-

الموضوع: ياجماعه نفسى البس نضارة شمس ياريت تساعدونى ياريت اصحاب الخبره يدخلوا

LinkBack

أدوات الموضوع

عرض

-

-

-

-

-

المواضيع المتشابهه

طلب ياجماعه ياريت تساعدونى

ياريت حد يفيدنى من اصحاب الخبره

محتار بين 3 انواع من العربيات - ياريت الافاده من اصحاب الخبره جزاكم الله كل خير

بيقولو اشد من الهوندا ياريت ياجماعه تساعدونى وتردو عليا جزاجكم الله خيرا

ياريت تساعدونى

الكلمات الدلالية لهذا الموضوع

المفضلات

المفضلات

ضوابط المشاركة