الموضوع: ياجماعه نفسى البس نضارة شمس ياريت تساعدونى ياريت اصحاب الخبره يدخلوا

انا اعرف ان فى عدسات بلاستيك نظر بتكون مضغوطة بس مستوردة
ان شاء الله حد من الزملاء يكون عندة تجربة يقولك عليها

طبعا ينفع..في عدسات اسمها شمس نظر..العدسات دي بتتلون في معامل وتركب على شنبر النظارة..المهم تختار طبقا لمقاس النظر بتاع حضرتك..الأفضل تجيب شنبر مافيهوش base curve او frame-less...في عدسات اسمها transition دي بتقبى بيضا وبتغمق في الشمس بسرعة..بس العدسات دي غالية جدا جدا جدا عند المغربي وجهار وكدا (حسب مقاس النظر ممكن توصل ل2000 جنيه) وممكن تلاقيها عند بتوع الشنابر الكوبي في باب اللوق ارخص (في حدود 600 جنيه)..طبعا الاسعار تقريبية وممكن تكون اغلى او ارخص

المشاركة الأصلية كتبت بواسطة elrasy

انا اعرف ان فى عدسات بلاستيك نظر بتكون مضغوطة بس مستوردة
ان شاء الله حد من الزملاء يكون عندة تجربة يقولك عليها

شكرا ياباشا وان شاء الله اجد الافاده من احد الاعضاء

المشاركة الأصلية كتبت بواسطة ecybrarian

طبعا ينفع..في عدسات اسمها شمس نظر..العدسات دي بتتلون في معامل وتركب على شنبر النظارة..المهم تختار طبقا لمقاس النظر بتاع حضرتك..الأفضل تجيب شنبر مافيهوش base curve او frame-less...في عدسات اسمها transition دي بتقبى بيضا وبتغمق في الشمس بسرعة..بس العدسات دي غالية جدا جدا جدا عند المغربي وجهار وكدا (حسب مقاس النظر ممكن توصل ل2000 جنيه) وممكن تلاقيها عند بتوع الشنابر الكوبي في باب اللوق ارخص (في حدود 600 جنيه)..طبعا الاسعار تقريبية وممكن تكون اغلى او ارخص

شكرا اخ ecybrarian بس العدسات دية غاليه عليا اوى ده انا كده اكمل عليها واعمل عملية ليزك اريح انا امكنياتى فى النضاره والعدسات فى حدود 500 جنيه مش عارف ينفعوا ولا لا وبعدين انا سمعت فعلا ان الشنبر يفضل يكون مافيهوش كيرف مش عارف هوو ده اللى انت قصدك عليه ولا لا ( base curve ) وطبعا انا شايف انه الاحسن يكون له فريم رغم ان نضارة النظرعندى هاف فريم وكويسه برده
وتفتكر مين المحلات اللى ممكن تشتغل فى الحاجات دية وتطلع شغل نضيف واسعار معقوله لانى مش عاوز حاجه اصليه يعنى هو شنبر شيك هاى كوبى والسلام

انا شخصيا على طول باعمل نضارات شمس نظر..أكثر عملية وكمان ارخص (بالنسبة لي)..سعر العدسات شمس نظر تقريبا نفس سعر العدسات العادية..لأنها في الاصل عدسات عادية وبتتلون..انا فعلا باتكلم على إن الشنبر مايبقاش فيه كيرف ومايبقاش بدوين فريم.. النضارة الـفريم-لس (بدون إطار) بيكون شكلها كدا


ابعد عن الاتنين دول (الكيرف والفريم-لس)..شرفنا في القاهرة في اي يوم غير يوم الأحد..وانا انزل مع حضرتك باب اللوق نشوف الشنابر والعدسات..وإن شاء الله تلاقي إللي حضرتك عاوزة

ان شاء الله ياباشا لما انزل القاهره حاتصل بيك ومنتظر برده اراء باقى الاخوه لعل احد يكون عنده التجربه مع مقاس نظر مشابه لمقاسى
وياريت لو فيه حد عمل الموضوع ده فى اسكندريه يقولى لانها اقرب من القاهره بكتير

ياجماعه ياريت لو حد قريب من باب اللوق ياخد الصوره بتاعت المقاس بتاعى اللى فى الموضوع ويسال اذا كان ينفع يتعمل ويبقى شكله ظريف ولا عدساتها حتبقى تخينه وخلوا بالكم انا دماغى كبيره ووشى كبير يعنى مقاس النضارات الصغيره زى ما احد المحلات عندنا فى دمنهور جابهالى وبيقولى علشان يقدر يصغر مقاس العدسات مش حينفع معايا

انا بعمل موضوع تاني دلوقتي

هعمل عدسات لاصقة و البس فوقيها نضارات الشمس الي انا عايزها

انا كنت في الاول ناوي اعمل زي ما انت بتقول بس لقيتة مش هيبقي حلو

لاني محدد بتصميمات معينة

و كمان مثلا لو اشتريت نضارة Ray-Pan او اي ماركة محترمة تانية

هستغني عن اغلي حاجة فيها و هي العدسات عشان اركب العدسات النظر