كل حاجة عن النيسان تيدا

**MTAK** · 18-04-2008 10:00 AM

المشاركة الأصلية كتبت بواسطة Dr_Smart

طيب ليه في الكويت تقفيل صيني ؟ او كوري بس غالبا صيني وأرخص من sunny( الشكل الجديد طبعا )

انا خايف يكونو بينصبو علينا في مصر وتكون مش تقفيل ياباني

يوجد مع السيارة عند استلامها
اوراق الافراج الجمركى و شهادة المنشأ
و يكون مكتوب فيهم "مش فاكر مين بالضبط" بلد المنشأ و تاريخ الصنع

**Hassan Khalil** · 29-05-2008 10:33 PM

مفيش في مصر تيدا غير الياباني .. و لا اعتقد في الخليج كمان .. فقط الصني الشكل الجديد هي اللي كوري..
التيدا - ما شاء الله - عربية من الاخر .. تحفة ..
الهاتشباك بتاعها شكله ممتاز ..
الاتساع محترم جدا .. للارجل و الاكتاف و الراس
سحبة الموتور رائعة لاصحاب القيادة المعتدلة ( الاوتوماتيك )
تكييف ممتاز
استهلاك بنزين عادي لفئة 1600
نعومة فائقة
فتيس ناعم جدا cvt
اماكن تخزين متعددة
الكنبة الخلفية تتحرك للامام و الخلف بالكامل .. و مساند الظهر تتحرك للامام و الخلف كالكراسي الامامية .. كما يمكن طيها ..
الموديل ( السيدان ) شنطته واسعة جدا ..
التقفيل الداخلي عااااااااااااااااااااااال ي الجودة ( الخامات و الشطيب )
الوان الصالون .. بلا استثناء .. رائعة .. سواء البيج او الرمادي او الموف
تابلوه شيك جدا يشعرك بالانتماء لفئة اعلي من فئة السيارة .. و عدادات دائرية شيك جدا
نور العدادات بينور مع ادارة العربية .. مش بالليل بس ( زي الهوندا السيتي ال 1500 )
عزل ممتاز
سيارة صامتة .. مش حتسمع صوت الموتور
**************
من الحاجات اللي ممكن تكون مش و لا بد فيها ..
* القوائم الامامية تخينة و طويلة .. ممكن تعوق الرؤية الجانبية عند الالتفاف و الدوران .. و لكنها مسألة تعود ( نفس قوايم و المرايات الجانبية للهوندا السيتي و السيفيك )
*دراعات التحكم في حركة الكراسي الامامية موجودة في الجهة الداخلية للكرسي ( ناحية اليمين و ليس ناحية الباب .. ) فممكن تكون مزنوقة شوية لاصحاب الكفوف المحترمة .
***********
اما بالنسبة لموضوع السعر فالفرق حيبان بعد 3 او اربع سنين .. و ساعتها يعرف الفرق بين الصيني و الياباني و الكوري ..

تحياتي

**hesham2004** · 30-05-2008 10:04 PM

المشاركة الأصلية كتبت بواسطة amruso

ya gama3a el tida gayalna men masna3 nissan fe france
hya ta2feel fracawy

التيدا تصنيع و تقفيل يابانى 100% و بتتشحن من اليابان فقط
اسأل مجرب !

**TIIDALOVER** · 01-06-2008 02:38 PM

يا جماعة أنا معايا العربية دي الهاتشباك و اللي عايز يسأل على أي حاجة فيها يقوللي

**malshawaf** · 25-06-2008 12:36 AM

shabaab deh a2oel mara akteeb 3ala el montada dah , ele fe3lan mofeed gedan la2y wahed naoi yesteheree 3arabia , 3andy so2al ma7arny ya reet as7ab el khebra fel yabany yegbowni 3aleeh : ya tara ashtree Nissan TIDA A/T wala Mazda 3 A/T ma3 el 3elm en eltneen se3rohom 2orieb gedan men ba3d , wa shokran lel game3

**aswelam** · 27-06-2008 06:55 PM

العربيه التيدا انا أجرتها لمدة شهر فى الأمارات و كانت ماشيه9000كم يعنى تقريبا زيرو بصراحه ماشاء الله عليها عربيه محترمة جدا جدا و موتور شرس جدا على فكره هى هنا لاتعتبر رخيصه العربيه تمنها تقريبا 60000 درهم و طبعا دة سعر غالى جدا اذا ما عرفتم ان ألتيما نمرة ثلاثه تمنها 70000