ألف ألف شكر يا رجالة ..بجد أنا مكنتش أتخيل إنى هلاقى كل الإهتمام دا ..وعتاولة المنتدى كمان اللى بيرودو..أحرجتونى بجد :tumb:
عرض للطباعة
ألف ألف شكر يا رجالة ..بجد أنا مكنتش أتخيل إنى هلاقى كل الإهتمام دا ..وعتاولة المنتدى كمان اللى بيرودو..أحرجتونى بجد :tumb:
انت بس تشاور وبإذن الله ستجد ماتريد ... وبالنسبة للصور لو عايز الصورة تظهر ابقى انسخ الرابط اللى بيكون مكتوب عليه رابط المنتديات ( code for forums ) وليس رابط التحميل وتنسخه فى المشاركة هتلاقى الصورة ظهرت زى كده
http://disk03.arb-up.com/i/00036/wg844nt7z8hg_t.jpg
طبعا الفرامل الأمامية هى الأساس .. ده بالنسبة لإيقاف المكنة تماما وخصوصا لو السرعة عالية والتوقف فجائى لأن الفرامل الأمامية لما تدوس عليها هتلاحظ ان المساعدين الأماميين ضغطوا بإتجاه الأرض وفى نفس الوقت العجلة توقفت عن الحركة بالبلدى كده المكنة بتكلبش فى الأرض وطبعا لازم يبقى بمساعدة الفرامل الخلفية ولكن بقوة اقل من قوة الضغط على الأمامية .... بالنسبة للدبرياج هو يقصد استخدام الإنجن بريك أو الكبح الذاتى للمحرك بمعنى ان انت لو شلت ايدك من على البنزين من غير ما تمسك دبرياج المحرك بفقد قوة الدوران تدريجيا وبالتالى المكنة تفقد سرعتها تدريجيا وده بيساعد على خفض السرعة بعكس لو مسكت دبرياج هتلاقى المكنة تاخد وقت طويل حتى تفقد سرعتها .. بس فى حاجة مهمة انك تستحدم الانجن بريك فى السرعة العالية فقط بغرض التهدئة اما فى السرعة البطيئة جدا يجب امساك الدبرياج علشان المكنة متبطلش ..
جزاكم الله خير ..بدل إنتو طلعتو كرما كده بأه هنستغل الكرم دا و نسأل تانى معلش .. النهاردة و أنا رايح الشغل بالمكنة عديت على زيت أو جاز معرفش ..بس كانت حاجة بسيطة أوى ..المهم العربية اللى أدامى وقفت مرة واحدة وجيت أفرمل المكنة غزلت منى تانى و إتزحلقت برضو (موعود أنا بالزحليق دى) بس الحمد لله وقفت.. عاوزين نعرف بس الواحد يعمل إيه الصح فى المواقف اللى زى دى؟ وإيه الطريقة الصح للملفات ناخدها على سرعة و أميل بالمكنة ؟ و لا أهدى اوى ؟
طبعا الوقاية خير من العلاج يعنى لازم تسيب مسافة بينك وبين اللى قدامك علشان متضطرش تدوس فرامل فجأة وهى دى الوقاية وتبقى دى فايدة تخليها فى بالك دايما وانت سايق
فى الحالة اللى انت ذكرتها اولا لو فى مسافة تخليك تفادى العربية يمين او شمال بدون ميل للمكنة يبقى تفاديها لو مفيش يبقى استخدم الإنجن بريك والفرامل الأمامية بسيط جدا جدا واكرر الفرامل الأمامية بسيط جدا ورجليك الأثنين على الأرض علشان تعمل اتزان للمكنة فى حالة الميل ولو الموضوع مفيش فايدة سيب المكنة ونط من عليها
كلام سليم ....طب تعمل ايه بقى لو انت ماشي على 120 واتفاجئت بحاجة قطعت عليك الشارع فى مسافة 10 متر تقولى هتعمل ايه ...........حصلتلى بال400 بس انا المساعدين عندى شحن هواء من على الغيار الثالث كنت ماشي 120 نزل للغيار التانى مع تحميل على المكابح الامامية الموتوسكل العجله الامامية بقت تزحف بس بدون ماتحدف منى بس دى بتبقى تمكن فى القيادى شوية مش اى حد يعملها وفى لحظ كان الموتوسكل واقف وانا كنت هنط لعى الاسكرينة من سرعه التوقف بس بردوا فى ثبات عملتها فى مرة وكانت ورايا واحدة صديقتى لاقيتها على كتفى ساعتها كنت هموت من الضحك