الكويت تقرر ابعاد المقيمين الذين يتجازون الاشارة الضوئية الحمراء

**Sameh** · 16-04-2008 03:40 PM

الكويت (ا ف ب) - قال مسؤول في وزارة الداخلية الكويتية الثلاثاء ان الوزارة اصدرت تعليمات تقضي بابعاد اي مقيم يتجاوز الاشارة المرورية الحمراء حسب وكالة الانباء الكويتية (كونا).
ونقلت الوكالة عن وكيل وزارة الداخلية المساعد لشؤون المرور اللواء ثابت المهنا قوله الثلاثاء ان "تعليمات وزير الداخلية تقضي بضرورة ابعاد المقيم الذي يتجاوز الاشارة الضوئية الحمراء ويتم ضبطه من قبل رجال الشرطة مع وجود سوابق لمرتكب المخالفة".
واكد اللواء المهنا ان القانون يهدف الى "حماية مستخدمي الطريق من العابثين بأرواح الناس والممتلكات العامة والخاصة".
الا انه لم يشر ما اذا كان تم تشديد العقوبات على المواطنين الكويتيين الذين يرتكبون نفس المخالفة حيث يدفع المخالفون منهم حاليا غرامات كبيرة وربما يقضون وقتا في السجن اذا ما تسببوا بوقوع حوادث مميتة.
ويبلغ عدد المقيمين من عرب واسيويين في الكويت نحو 2,35 مليون شخص.
ويتعين ان يكون المقيم حاصلا على شهادة جامعية وتصريح اقامة ساري المفعول ليتمكن من الحصول على رخصة قيادة سيارات.

**Ahmed Samy** · 16-04-2008 05:37 PM

صح 100 في ال100
عايز تروح بلد يبقى تحافظ على أهلها
استهتر في بلدك (اهي بلدك و هاتستحمل بلاويك) بس في بلاد الناس خليك محترم
و ياريت نكون ملتزمين جوا بلدنا و برا بلدنا

**mohamed_88sk** · 16-04-2008 05:47 PM

للأسف الكلام ده بعتبره خيار وفقوس ....
عندهم المواطن مهم والمقيم مش مهم
عندنا المواطن مش مهم والمقيم مهم...
أنا عارفهم وعايش معاهم ..
هو طبعا قرار كويس بس مش لدرجه الأبعاد وأسقاط الأقامه ..يعني أسجن ماشي خالف ماشي لكن مش للدرجادي .. حتقولولي أنت بتقول كده عشان يعتبر أكل عيشك هناك حقولكم أه طبعا ..مش حخبي..
بس طبعا كلام العاقلين مش لدرجه أنا بني أدم(مقيم)والتاني بني أدم (مواطن)نعمل نفس المخالفه والجزاء مخالف..

**Sameh** · 16-04-2008 06:06 PM

المشاركة الأصلية كتبت بواسطة mohamed_88sk

للأسف الكلام ده بعتبره خيار وفقوس ....
عندهم المواطن مهم والمقيم مش مهم
عندنا المواطن مش مهم والمقيم مهم...
أنا عارفهم وعايش معاهم ..
هو طبعا قرار كويس بس مش لدرجه الأبعاد وأسقاط الأقامه ..يعني أسجن ماشي خالف ماشي لكن مش للدرجادي .. حتقولولي أنت بتقول كده عشان يعتبر أكل عيشك هناك حقولكم أه طبعا ..مش حخبي..
بس طبعا كلام العاقلين مش لدرجه أنا بني أدم(مقيم)والتاني بني أدم (مواطن)نعمل نفس المخالفه والجزاء مخالف..

بالطبع القرار متعجرف فعلاً وأنا نقلته عشان أظهر الإفترا اللى الناس دى فيه مش إشادة بالقرار

تخيلوا واحد مكون أسرة وأولاد فى المدارس ووظيفة ومرتب حياته بالكامل وبعدين فجأة يهدموا كل اللى عمله ويرحلوه عشان كسر الإشارة !!

**osamaelbaz** · 16-04-2008 07:06 PM

هو اكيد قصدة على المصريين الى بيمشوا والاشارة حمرا وبيقفوا والاشارة خضراء خوفا من اى مصرى ماشى والاشارة حمراء

**mohamed_88sk** · 16-04-2008 07:32 PM

بالعكس يا أستاذ أسامة الباز المصرين هناك تلاقيهم خايفين جدا جدا على أكل عيشهم..
وكل المقيمين عمتا ...
بجد يا أستاذ سامح هناك أينعم بيحترموا أدمية البشر والناس عمتا بس برضضو تحس قوي بالطبقية ..
يعني المواطن طبعا هناك التوب ...سواء عمل صح أو غلط هو والوافد(المقيم) بيكون دايما الجزاء في صالح المواطن..
لو في مثلا زيادة رواتب مبتكونش غير للمواطنين بس
على عكس مثلا الأمارات لما يزيودو بيزودوا المواطن والوافد بس طبعا بنسبة مختلفه لصالح المواطن
.................................................. ...................
على فكرة أغلب المخالفات هناك في الكويت من المواطنين مش الوافدين لأنهم متأكدين إنهم حيسلكو منها ولو عوقبوا بيكون أخف من الوافد...

**mohamed_88sk** · 16-04-2008 07:36 PM

حتى لو في حبس لو في أي قضيه قسم بالله بيكون مثلا لو فيها حبس سنه الوافد ياخدها كامله والمواطن شهر أو كفاله مثلا أو يجيله عفو أميري يقولوا أنت واد 100 100 يلا أطلع من السجن ..
بصراحه دي بس الحاجات اللي تؤخذ على الخلايجه مع إني معجب بسلوكياتهم وبتحضرهم حاليا ..

**mokhtar** · 17-04-2008 03:17 AM

القرار متعسف جدا يعنى ايه ابعاد فيه عقاب فورى انما قطع عيش لا
انا مش عارف الجماعه دول بيكرهونا ليه كده لله فى لله

..mokhtar..

**د-احمد عبد اللطيف** · 17-04-2008 07:41 AM

ردا على الاخ mokhtar
هما يعني قاصدين المصريين بس بالقرار ده واللا ايه
هو صحيح قرار قاسي نوعا ما
ولكن دول الخليج تعاني من خطر حقيقي يتمثل في زيادة نسبة الاجانب عن اهل البلد الاصليين و هذا سوف يشكل مشكله سكانيه خطيره لهم
صحيح القرارات دي تبدو نقطه في بحر ولكن الترحيل بعد معظم المخالفات هو اجراء شبه روتيني في هذه الدول.

**أبو عبدالله** · 18-04-2008 04:04 PM

يا أخواني على راي المثل يا داخل بين البصله وقشرتها

عاوزين نحط كل حاجه في مكانه
هيا بلدهم وهما حرين واللي مش عاجبه ميروحش
الموضوع بسيط
اما بقه ان احنا ندخل ونقول ونغلط فيهم فده اظن ان مش من حقنا خالص
لأن ببساطه لو احنا عملنا قرار في بلدنا لأي حاجه تانيه وحد اتكلم من الخارج هنقول وانتم مالكم احنا حرين في بلدنا

يعني اللي مرضهوش لنفسي لا ارضاه لغيري
الموضوع بسيط هما حرين ومحدش بيضرب حد على ايده علشان يروح هناك ويقعد ويقطع الأشارة الحمراء وبرضه يرجعوه يعني لم يقتلوه او يسجنوه او يعدموه
الناس دي بلدنا وهما حرين

الموضوع: الكويت تقرر ابعاد المقيمين الذين يتجازون الاشارة الضوئية الحمراء

LinkBack

أدوات الموضوع

عرض

-

-

-

-

-

المواضيع المتشابهه

هل ابعاد جنوط ابيزا نفس ابعاد الكورى

عاوز اعرف قيمة غرامة كسر الاشارة الحمراء

مساعدة من الأخوة المقيمين فى الكويت

صور كابل الألياف الضوئية البحري الذي سبب انقطاع الإنترنت

الكلمات الدلالية لهذا الموضوع

المفضلات

المفضلات

ضوابط المشاركة