لو سمحت ممكن تفيدوني

**medo111** · 16-04-2011 08:56 PM

انا قدامي 406 موديل 2001 او 2003 مش فاكر اوي 2000 سي سي مانيوال ب 51000 رشه برا هل السعر دا كويس ولا غريب لان انا مستغرب السعر ويا ربت تفيدوني في سعر قطع غيرها يعني الفانوس والتيل وكدا وهل الفتيس المانيوال فيه مشاكل والكمبيوتر بتاعها ظروفه ايه يعني انا بسمع ان الكمبيوتر بتاع ال 307 لما الكاسيت بيبوظ العربيه مش بتدور وانها حساسه وياريت لو حد يعرف ترخصيها في المرور بكام يعني بدفعلها كام كل سنه او كل 3 سنين ومتشكر اوي

**medo111** · 18-04-2011 05:31 AM

هو محدش عارف العربيه دي خالص ولا ايه ارجوا المساعده

**medo111** · 18-04-2011 04:43 PM

هو في ايه يا جماعه محدش بيتكلم ليه؟

**زهير فكري** · 18-04-2011 05:48 PM

والله مش عارف , هو السعر ممكن يقلق شويه لو موديل 2003 , لأن ممكن يكون فيها عيب كبير هيكلف تصليح او عامله حادثه لا قدر الله و هي لو هتشتريها من تاجر يبقي تقلق جامد, لكن لو من حد تعرفه حاول تكشف عليها جامد في اي مركز خدمه , و يا ريت الاخوه اللي معانا في المنتدي المالكين لها يفيدوك بخصوص اعطالها وقطع الغيار. .

**medo111** · 19-04-2011 07:33 AM

هو شكله تاجر فعلا لانه بيقولي انه كان بايع واحده من اسبوع 67 بس مش رشه برا لكن دي رشه

**medo111** · 19-04-2011 07:38 AM

اقصد بايعها ب 67 الف

**زهير فكري** · 19-04-2011 12:54 PM

ما انا بقول لحضرتك , لو تاجر تخاف منه , اعتقد رش العربيه ما ينزلهاش 16 الف جنيه !!!! , علي العموم لو حب المغامره واخدك قوي امشي معاه للآخر و حاول تشوف حد من اصحابك او معارفك بيشتغل في تجاره السيارات و بيفهم فيها , لو مفيش يبقي تجتهد انت و تفحص العربيه فحص دقيق , و ما تدفعش ولا مليم ليه سواء عربون او ربط كلام , و لو لقيته بدأ يتضرر من رغبتك في فحص السياره او بدأ يتهرب منك يبقي اكيد فيها حاجه , جرب و شوف مش هتخسر حاجه و اهو تبقي اتعلمت .

**aboomar22** · 20-04-2011 12:56 AM

بص يا باشا حضرتك تاخد العربية وتطلع على توكيل بيجو وتطلب تقرير عن حالة اسيارة سيبك من الميكانيكى والكلام ده بيبص على الموتور وخلاص العربية مو 2003 كانت عندنا فى الشركة بجد تحفة رائعة فيها كل حاجة وفخامة ايه بس هى كانت اتوماتيك والموديل ده بيسموه الكريستالة وعن نفسى مشفتش منها مانيوال ولما سالت اللى ركبها هى تساوى كام قال لما عرضوها كانت من 70 الى 73 الف فكده سعر حضرتك ده يقلق الا لو كانت موديل اقدم 99 مثلا ربنا يوفقك بس لو ناوى ضحى واطلع على مركز اليانة وخد تقرير بحالتها وربنا يوفقك