الحمد لله ..... العربية اللى حيلتى باظت ... باظت ... باظت

بصو بقى . انا عارف انى عكيت . بس ياريت تساعدونى

بصراحة انا متعود اغسل الموتور كل اسبوعين عشان بيضرب زيت بافترى
المهم كل مرة بغسل فيها بعمل الاتى :
بغطى علبة الفيوز - ومكان كتاوت النور ورا النور الامامى يمين لما تفتح كبوت العربية - وبغطى حساس البنزين ورا الموتور يمين ولازق فى الاسبراتير - وكمان بغطى جزء لازق فى الموتور نفسه يمين ماعرفش اية هوة .
الكلام ده عندى فى جنينة البيت عشان ابقى بمزاجى

وبديها جاز ومية وبتبقى مراية

من شوية نزلت اغسل وغطيت كل حاجة ما عدا الجزء اللى لازق فى الموتور يمين ( لو انت واقف قدام كبوت العربية وباصص للموترو هاتلاقية على اليمين )

ادور . مش عايزة تلقط بنزين . ازود بنزين ابدا
سيبتها تنشف وحاولت ادور عند اخواتى على بلاور يطرد هوا عشان انشفها مالاقيتش
وانا ديلوقتى سايبها تنشف وربنا يستر

تعاطفك لوحدة مش كفاية . اتبرع ولو بعلومة . او ادعيلى انها ماتكونش باظت ويقومهالى بالسلامة

نضف حساس الكرنك يا فالح
الفيشة اللى ورا غطا الزيت
بس خلاص

شوف سلوك البوجيهات والمبوينة ممكن يكون فيها ميه

انشرها في الشمس ولما تنشف هتدور ماتقلقش

اقتباس:

---

المشاركة الأصلية كتبت بواسطة hellboy

انشرها في الشمس ولما تنشف هتدور ماتقلقش

---

حلوة . والله احلى تعليق . انا فعلا عملت كدة . فاتح الكبوت وسايبها فى الجنينة لغاية الصبح وتتطلع الشمس وتنشفها
وربنا هو الستار

اقتباس:

---

المشاركة الأصلية كتبت بواسطة tananybasha

نضف حساس الكرنك يا فالح
الفيشة اللى ورا غطا الزيت
بس خلاص

---

كتر الف خيرك يا طنانى . يا اخوانا طنانى ده جدع قوى بمجرد ما سمع ان فى مشكله اتصل بيا . الف شكر يا كبير

انا عملت زى ما انت قولت ونضفت حساس الكرنك وسلك الموبينة والفيشة اللى فى الاسبراتير وجربت لاقيتها لقطت لمدة ثانية بس عملت امبلاية ( بم ) ومارضيتش تعمل حاجة تانية . فكيت تانى ونضفت ونشفت وسايبها ديلوقتى لما تطلع عليها الشمس وتنشفها

خير ان شاء الله
كده ميه دخلت اسبراتير
او ما تسخن و حظك حلو الجو نار لوحده
هتقوم و تبقى زى الفل
بس طمنا

ربنا يستر يا طنانى . انا سايب الكبوت مرفوع وسايبها فى الجنينة وقافل الباب وخايف ارجع الاقيها نشفت خالص لدرجة انها ما تبقاش موجودة .
انت سألتنى امبارح عن الانوار اللى فى التابلوة . هما ارع انوار اللى منورين ( لمبة الكهربا + لمبة الزيت + لمبة الكمبيوتر اللى هى الصفرا + لمبة الفرامل ) كدة يبقى كويس ولا فى لمبة تانية وانا مش واخد بالى ؟

هما دول
لازم اللمبة الصفرا تطفى عشان العربية تدور

والله واشتغلت اشتغلت . والله واشتغلت اشتغلت

الحمد لله رجعت من الشغل . سميت بالله . دور . عصلجت شوية . واشتغلت . صوتها على قوى لدرجة انى كنت هاطفى بس لقيته ابتدا ينزل لغاية اما رجع للاول

الف مليون شكر لمحمد طنانى ولكل من ساعدنى بمعلومة
عايزكو بقى تساعدونى فى موضوع تانى ناوى علية

الموتور بتاعى بايظ
أعراضه : بينطر زيت من الشكمان - دخنه بيضة - بينطر زيت من حوالية - بينقط زيت - الزيت بيقل بمعدل ربع لتر كل 300 كيلو - الصبح لما بدور بيبقى فى صوت تكتكة - بياكل بنزين بافترى ( بمعدل 150 كم فى الصفيحة فو سط البلد من غير تكييف - بالتكييف تقريبا مابيكملش ال 100 كم ) - لما بطفى العربية الموتور بيترج بشدة فى خلال ثوانى ويطفى

الحل :
1 - عمرة
2 - اشترى موتور

طبعا الميكانيكية اختلفو : منهم اللى يقول العمرة احسن عشان يكون الموضوع على عينك يا تاجر وياعالم الموتور اللى هاييجى كويس ولا لا . ومنهم اللى يقول لو فتح على الواسع هات موتور تانى

لو امكن تقولولى على رأيكو

شيل و ارمى
و هات استيراد
و بيع الموتور القديم خرده او خليه قطع غيار لو هتجيب نفس الموتور