الافراح اللى فى الشوارع ....اكبر مثال على التخلف

**besso** · 17-04-2011 02:53 AM

ياجماعه انا قرفت من حاجه اسمها افراح
عندنا فى الشارع اللى جنبنا واحد عامل عيد ميلاد (جمعيه يعنى)وجايبين مزيكا حصبلله
وبصراحه انا تعبت منهم
والصوت ايه كانه معايا فى الشقه
والفرح بطول شارع كامل وبيرا بقى ومخدرات
لو انا كلمت الجيش يجى يعملهم حاجه؟

**eslam_wega** · 17-04-2011 02:58 AM

الجيش هيقولك اتصرف

**besso** · 17-04-2011 03:20 AM

انزل اضربهم يعنى!!!!!!!!!!!!!!!!!!!!!!!!!!!!!!!

**cheetos_892005** · 17-04-2011 03:25 AM

حضرتك محسسني انها اول مره تحصلك مثلا .....

ربنا معاك

**besso** · 17-04-2011 03:32 AM

لالالا المره دى اوفر بجد
وفى ضرب نار حصل من شويه وتقريبا فيه رصاص جه ناحه بيتنا لانى سمعت صوت طوب صغنن بيقع
انا مبصتش من البلكونه لحد دلوقتى (العمر مش بعزقه)

**cheetos_892005** · 17-04-2011 03:34 AM

المشاركة الأصلية كتبت بواسطة besso

لالالا المره دى اوفر بجد
وفى ضرب نار حصل من شويه وتقريبا فيه رصاص جه ناحه بيتنا لانى سمعت صوت طوب صغنن بيقع
انا مبصتش من البلكونه لحد دلوقتى (العمر مش بعزقه)

حضرتك ساكن فين؟

**besso** · 17-04-2011 03:40 AM

شبرا الخيمه
العنوان بالتفصيل 4ش الملكى متفرع من مصطفى عامر مدينه التعاون شبرا الخيمه
الشارع اللى فيه الدوشه بقى جنبنا على طول

ايه يااستاذ cheetos892005حضرتك ممن تساعدنى؟؟؟؟؟؟؟؟؟؟؟؟؟
وانا اتصلت بالدليل علشان اقولهم الشكوى ادونى نمره القوات المسلحه علشان اكلمهم .
مرفوع من الخدمه!!!!!!!!!!!!!!
وفيه نمر بقى بس موبايل وطبعا مفيش رصيد كالعاده

**رزق** · 17-04-2011 04:32 AM

ده أنا كل يومين فرح من نوع 8 ل 3 الصبح و أعلى صوت ممكن وأغاني في غاية الإنحطاط و العاب نارية بتفرقع زي ماتكون مدافع
وال Sub زي مايكون راكب فالعمارة تحسه زلزال من هزة الحيطان والشبابيك
والموضوع ده مش ابن امبارح ده بقاله سنين
حنقول إيه بس

شعبنا فيه ناس جاهلة عايزة تطهير في غرف الغاز
كل فرح من دول بدعي على العروسة والعريس بالحرق قبل الدخلة
الظاهر إن دعائي مش مستجاب

الصبر من عندك يا رب

**shaddadfalcon1** · 17-04-2011 04:07 PM

مره كنت مروح وجاي من عند اهلي وداخل الشارع وعمارتي في اول الشارع ومكنش فيه مكان قصاد العماره والبشوات كانو حاطين طرابيزات في نص الشارع اقولهم حركوها سنه عشان اعدي اركن العربيه مرضيوش وكانو هيتخانقو معايا والصبح لقيت العربيه رفرفها معجون بعد مالفيت من شارع تاني ومش عارف هما اللي عملو كده ولا حد تاني