قمة التخلف

**dode2002** · 29-05-2010 02:48 AM

امبارح في الطريق الواقع بين مركز بسيون محافظة الغربيه ومدينه طنطا وقعت حادثه راجل بيعدي الطريق عربية خبطته يحص ايه بقي من اهل القريه
يقفلوا الطريق ويولعوا في اتوبيس ركاب المشكله انا ماشي انا وجماعه اصحابي لاقيت واحد عسكري بيشورلي اقف وقفت لاقيته بيقولي لف وارجع بسرعه ياباشا قلتله ليه قالي لو عديت عربيتك هتتكسر قلتله مش الشرطه موجوده قالي اه بس محدش عارف يعمل حاجه ببص لاقيت اكثر من عشر عربيات شرطه وقوات كثيره وحدش عارف يعمل حاجه العسكري قالي علي العموم انت حر لو عاوز تعدي عدي واحد صاحبي قالي لف ونأخد طريق اخر احسن واحد يرمي علينا حجر ويكسر العربيه لفيت ونظري متعلق بقوات الامن المصري والشعب الهمجي واااااااااااااااااااااااا ااااااااه يابلد

**Eng_Mostafa_89** · 29-05-2010 02:52 AM

اصل باقى بتوع الشرطة كان بيأمنوا موكب ولا حاجة
والباقى كان بيدور على السبوبة

**shooter123** · 29-05-2010 02:54 AM

دي العادة ولو بصيت حتلاقي انك في بلد فلاحين ( انا من طنطا ) والفلاحين بيقوا جهلاء او منقادين وراء جهلاء فتبقي دي النتيجة الطبيعية وعمار يا مصر

**Mzeid** · 29-05-2010 02:56 AM

انا كنت موجود ساعة الحادثة بس لفينا مع العربيات و عدينا من البلد من جوة

**dode2002** · 29-05-2010 03:27 AM

المشاركة الأصلية كتبت بواسطة shooter123

دي العادة ولو بصيت حتلاقي انك في بلد فلاحين ( انا من طنطا ) والفلاحين بيقوا جهلاء او منقادين وراء جهلاء فتبقي دي النتيجة الطبيعية وعمار يا مصر

ده مش جهل بس ده خليط من الجهل والتخلف والغباء والحمق

**dode2002** · 29-05-2010 03:28 AM

المشاركة الأصلية كتبت بواسطة mzeid

انا كنت موجود ساعة الحادثة بس لفينا مع العربيات و عدينا من البلد من جوة

انا كمان عملت كده انت منين ياباشا

**بحري** · 29-05-2010 07:31 AM

المشاركة الأصلية كتبت بواسطة dode2002

ده مش جهل بس ده خليط من الجهل والتخلف والغباء والحمق

أضف لكل ما سبق..بل والأهم منها جميعا...غياب دور الدولة..وإحساس الناس بضياع حقوقها لو انتظرتها بالطرق القانونية..
أشد لحظات الضعف والانحطاط حينما تكون كل أجهزة الدولة منشغلة بتأمين فرد في حين تترك ملايين الناس يسوون خلافاتهم فيما بينهم كيفما اتفق

**the-hero** · 29-05-2010 08:51 AM

حسبنا الله ونعم الوكيل

**dr_abooody** · 29-05-2010 09:27 AM

على كدا لو الواحد لاقدر الله خبط حد بيعدي الطريق يجري و ما يوقفش
اذا كانوا و لعوا في الاتوبيس اكيد اللي خبطة لو وقع في ايديهم هيقطعوه حتت
لا دة مش بعيد يقتلوه و يمثلوا بيه زي المصري اللي اتقتل في لبنان في كترمانيا ...................

**DR/WAFEK** · 29-05-2010 10:48 AM

انا كنت موجود والاهالى كانت حاطه حجر اساسا متعرفش تعدى لازم تاخد طريق كده عند كفر سليمان وسمعت انه اللى اتخبط طفل عنده 10 سنين والسواق يقال انه مستهتر وبيجرى فى قلب البلد والمطافى مكنتش عارفه تتدخل الاتوبيس اتفرتك

الموضوع: قمة التخلف

LinkBack

أدوات الموضوع

عرض

-

-

-

-

-

المواضيع المتشابهه

آفاق جديدة للابداع فى ساحة التخلف العقلى

الحجاب مظهر من مظاهر التخلف!؟

الافراح اللى فى الشوارع ....اكبر مثال على التخلف

مجرد حادثة من ألف حادثة لكن تجلى فيها كل التخلف

الكلمات الدلالية لهذا الموضوع

المفضلات

المفضلات

ضوابط المشاركة