رابطة مالكى الاكسيل-الجزء الأول

اقتباس:

---

المشاركة الأصلية كتبت بواسطة hesham1111

عندى مشكلة فى التكييف وهى الكمبروسر اتحرق وغيرته وغيرت ماسورة تانى مش فاكر اسمها سعرها حوالى 200 جنيه والمشكلة بعد كده ان التكييف يشتغل يوم او اثنين وبعد كده الفريون يسرب وحصل الموضوع ده 3 مرات الكهربائى قالى مرة ان البلف ضرب ومره جلبة ضربت وبعد كده قال ان العيب فى السربنتينة ولازم تتغير فانا عايز اعرف المشكلة دى حلها تغيير السربنينة ولا حاجة ثانية
وارجو الرد سريعا للاهمية
وشكرا
ومع العلم عربيتى اكسل 1500 موديل 95

---

اعرضها على فني متخصص في التكيف والتبريد مش كهربائي.

يا ريت يا اخ نادر لما تكون موجود بإذن الله ترجاوب على سؤالى

لسلام عليكم
انا لسه شارى اكسل 95 1500سى سى كورى
بقالى شهر وبحاول اضبط امورى فى السواقه والحمد لله المستوى بيتحسن
المهم العربيه كويسه جدا والحمد لله
بس من يوم واحد فقط وانا لما باجى الف الدريسكيون شمال او يمين بسمع صوت غريب عالى
الصوت بيروح لما يبقى اتجها الدريسكون فى الوضع العادى (الصوت بسمعه لما بكون بلف ملف بالعربيه فقط و) وبمجرد لما العربيه تكون ماشيه للإمام الصوت بيختفى كأنه مش موجود وكمان لما يكون الصوت موجود بحس ان الدركسيون بيتقل قوىىىى على غير الوضع الطبيعى وبيرجع يكون خفيف لما بخلص الملف
يا ترى ايه المشكله دى تقريبا وهل لو حغير حاجه بكام وافضل مكان ممكن اشتريه منه اي[/b]ه
تحرير/حذف الرسالة

y_ammar2000


فوجهة نظري الضعيفة
هتبقي حاجة من اتنين
يا اما في حاجة فالكبالن
يا اما حاجة فالباور
ماهو لو طقطقة تبقي كبالن مفيش كلام
ياريت توصفلنا الصوت انت حاسه ايه ؟

يا جماعه مساعده بليز
انا خلاص نازل يوم الجمعه سوق مصر اجيب اكسيل
دلوقتي انا فهمت ان في كوري و مصري و خليجي
ازاي اقدر افرق بينهم كلهم
عشان ميضحكش عليا
و متوسط الاسعار دلوقتي كام تبع حالة السوق
بسرعه الرد رايكم يهمني جدا جدا جدا جدا

اقتباس:

---

المشاركة الأصلية كتبت بواسطة y_ammar2000

يا ريت يا اخ نادر لما تكون موجود بإذن الله ترجاوب على سؤالى

لسلام عليكم
انا لسه شارى اكسل 95 1500سى سى كورى
بقالى شهر وبحاول اضبط امورى فى السواقه والحمد لله المستوى بيتحسن
المهم العربيه كويسه جدا والحمد لله
بس من يوم واحد فقط وانا لما باجى الف الدريسكيون شمال او يمين بسمع صوت غريب عالى
الصوت بيروح لما يبقى اتجها الدريسكون فى الوضع العادى (الصوت بسمعه لما بكون بلف ملف بالعربيه فقط و) وبمجرد لما العربيه تكون ماشيه للإمام الصوت بيختفى كأنه مش موجود وكمان لما يكون الصوت موجود بحس ان الدركسيون بيتقل قوىىىى على غير الوضع الطبيعى وبيرجع يكون خفيف لما بخلص الملف
يا ترى ايه المشكله دى تقريبا وهل لو حغير حاجه بكام وافضل مكان ممكن اشتريه منه اي[/b]ه
تحرير/حذف الرسالة

---

لو العربية باور ستيرنج يبفى دة صوت طرمبة

الباور ودة معناة انها قربت تودع.


اما الكبالن فبتعمل صوت طقطقة.

اقتباس:

---

المشاركة الأصلية كتبت بواسطة magdy_momo

يا جماعه مساعده بليز
انا خلاص نازل يوم الجمعه سوق مصر اجيب اكسيل
دلوقتي انا فهمت ان في كوري و مصري و خليجي
ازاي اقدر افرق بينهم كلهم
عشان ميضحكش عليا
و متوسط الاسعار دلوقتي كام تبع حالة السوق
بسرعه الرد رايكم يهمني جدا جدا جدا جدا

---

الكوري اخر اللي نزل مصر كان سنة 94 وقليل جداً

اللي نزل بعد كدة لانة كان بينزل بصورة فردية.

شوف رقم الشاسية لو لقيت مكتوب علية بالكوري

والانجليزي ورقم الشاسية رقم كبير تبقى دي كوري



السعر حالياً من 33 الف ل39 الف لو فابريكة بالكامل

برة وجوة و مش محتاجة اي مصاريف.

يا نهار ابيض ده انا كان معايا واحده كوري موديل 94 استيشن و بعتها للاسف ب 30 الف بس

كان اول حرف في الشاسيه k

و كنت لما افتح الباب الاقي مكتوب هذه العربيه صنعت حسب المواصفات الخليجية القياسية

والله العربيه كانت دواخل فابريقه بالكامل و نضيفه جدا يلا نصيب

طب دلوقتي في موديلات فيها عداد RPM ده موديلات كام

الأخ نادر
إنت قصدك رقم الساشيه اللى موجود على اللوحة السودا اللى فى حوض العربية واللا اللى على القايم اللى ناحية كرسى السواق

اقتباس:

---

المشاركة الأصلية كتبت بواسطة magdy_momo

يا نهار ابيض ده انا كان معايا واحده كوري موديل 94 استيشن و بعتها للاسف ب 30 الف بس

كان اول حرف في الشاسيه k

و كنت لما افتح الباب الاقي مكتوب هذه العربيه صنعت حسب المواصفات الخليجية القياسية

والله العربيه كانت دواخل فابريقه بالكامل و نضيفه جدا يلا نصيب

طب دلوقتي في موديلات فيها عداد RPM ده موديلات كام

---

الـRPM موجود بكل الموديلات الفول اوبشن.

اقتباس:

---

المشاركة الأصلية كتبت بواسطة dr_winner

الأخ نادر
إنت قصدك رقم الساشيه اللى موجود على اللوحة السودا اللى فى حوض العربية واللا اللى على القايم اللى ناحية كرسى السواق

---

رقم الشاسية في حوض العربية.