معلش مفيش مشكلة، بس عموماً انا ملاحظ ان الناس هنا
نادراً ما حد بيرد على التاني الا لو عاوز حاجة!
عرض للطباعة
معلش مفيش مشكلة، بس عموماً انا ملاحظ ان الناس هنا
نادراً ما حد بيرد على التاني الا لو عاوز حاجة!
أخونا نادر بلاش تشاؤم ربنا أعلم بالظروف , المشكلة ان تقريبا حضرتك اللى عندك خبرة فينا لأننا تقريبا كلنا مبتدئين و اول عربية لينا , ودائما لا ترد سائل ( عن معلومة ) و بتساعد , ربنا يجازيك عننا خير ويكتر من اصحاب الخبرة لتعم الفائدة ....
انا مش بتكلم علشاني، ابداً والله، انا اعرف اصرف نفسي كويس
انا بتكلم على ان موضوع مكون من اكتر من 40 صفحة
مينفعش يكون واحد بس هو اللي بيرد فية.
في الاول كانت الناس نشيطة وبتشارك، لكن حالياً الكل كسل.
كنا متفقين في الاول ان اي احد يشتري اي قطعة غيار او اكسسوار حتى
يقول على سعرها وجابها منين وجديد ولا استيراد وركبها فين.
بس زي ما بقول الناس كسلت.
السلام عليكم انا لسه مغير عفشة العربية 1500\95 و دي الاسعار
مساعدين امامي ب475 ياباني
كوبلن ب 470
شداد موتور ب 35
طقم بارات ب 60
و بعد المتنوعات سعرها خفيف
السلام عليكم
اخ / tamer13
ألف مبروك على الحاجات الى انت غيرتها ربنا يحفظك ويحفظهالك ويحفظلك العربيه كلها بإذن الله
بقولك انت ايه الاعراض الى انت بسسبها غيرت الحجات دى كلها ؟
وبعد لما غيرتها حست بالفرق ؟
معلش اصل انا مش عندى خبره قوى والعربيه الى معايا اول عربيه اركبها وشاريها تقريبا من شهرين ونصف او 3 اشهر بالكتير
هى اكسل 95 1500 سىسى تقفيل كورى
وحالتها الحمد لله كويسه جداا بس مش عارف ليه حاسس انى داخل على دور عفشه
هههههههههههههه على فكره انا مش دكتور
يا ريت ترد ليا ان امكن فى اسرع وقت
السلام عليكم
الى الاخ الجميل نادر
من حقك تضايق طبعا بس تقول ايه كلنا فعلا لسه فى كجى عربيات وبالفعلا معظم الناس
هنا اول عريبه ركبوها فعشان كدا كلنا بنرجع ليك فى كل صغيره وكبيره خصوصا ان حضرتك بسم الله ما شأ الله بتكمل وصف المشكله قبل ما بتوصف الحل
بجانب كمان انا بضم صوتى لصوت الاخ Kamalina2000
وخالى بالك يا باش مهندس انا بذاكر كل حاجه تقولها عشان بإذن الله اوصل لنصف مستواك فى خبرة العربيات
وكل سنه وانت طيب وكل رد انت بترد عليه متتخيلش صاحب الرساله بيكون مستنى الرد بفارغ الصبر وربنا يجعله فى ميزان حسناتك
[quote=y_ammar2000;423510]السلام عليكم
اخ / tamer13
ألف مبروك على الحاجات الى انت غيرتها ربنا يحفظك ويحفظهالك ويحفظلك العربيه كلها بإذن الله
الله يبارك لك و مبروك ليك انا بردوا مش خبرة في العربيات هي بقالها معي سنه اول انتاج مصري -بالنسبة للعفشة كنت حاسس ان العربية مفككة في المطبات و لما رحت اربط عفشة الراجل قالي علي اللي فيها و اشتريت الحاجة من المنير في اول شارع فيصل علي فكرة انا دكتور .
السلام عليكم و رحمة الله وبركاته
الحمد لله ربنا قدرنى و جبت شوية حاجات
كربراتير استيراد 550 جنيه يخص عربية 1500 cc كهرباء على الرغم من انى 1300 cc عاده و مجبتوش الا لما اتصلت بالميكانيكى وقالى مفيش مشاكل و فعلا جبتهوله و عمل له و صلة كهرباء وجربتها و هوه جربها فالحمد لله تمام
سير كاتينه ألمانى 45 جنيه
سير تكيف كورى 25 جنيه
فلتر هواء هيونداى 15 جنيه
فلتر بنزين هيونداى 20جنيه
زيت شل 87 جنيه هيلكس اصفر
مساحات زجاج يابانى 25 جنيه الكهربائى ركبها ب 5 جنيه
بطارية Ac delco سعودى 500 جنيه
الحاجات دى ركبتها عند الميكانيكى ب 80 جنيه
خلاص الجمعية راحت و الميزانية خربت نسألكم الدعاء بالستر وربنا يبارك فى الحاجات دى
و السلام عليكم و رحمة الله وبركاته
السلام عليكم و رحمة الله وبركاته
معلش نسيت اقول ان الحاجات دى من المنصورة ش حسين بك لأنى من المنصورة ,
و ان شاء الله الفتره الجاية عاوز اجيب مساعدين خلفى لأنهم خفوا قوى وهيه نفس ملاحظة الميكانيكى مش عارف اجيب مونرو غاز يابانى ولا مساعدينها الأصلين و أجيبهم جداد ولا استيراد مش عارف وأهم حاجة بكام !!!
وبرضة فى جلدة بتركب فى الرفارف قدام وورا عشان الحماية و الشتا قادم تقريبا اسمها كرتيرة مش عارف دى تتكلف كام ؟؟
والله المستعان
و السلام عليكم و رحمة الله وبركاته