بسم الله الرحمن الرحيم
غير زيت الفتيس بزيت نوعه ايه؟؟؟
والصوت عالي ازاي يعني ... نعره جايه من الفتيس ولا ايه بالظبط
عرض للطباعة
عادي تركب جنوط طول ما انت مغيرتش الاوفست ( او يعني مبيقاش طالع لبره الرفرف)
وتزودش عن 14 بالكتير و يكون مقاسه 14x j6 و الكاوتش يكون 185*60 R14
وابعد عن الصيني تماما علشان الجنط ده "ربنا يقينا ويقيكم الشر " ممكن يودي في داهيه بالنسبه للأسعار نستنى الأخوه الأعزاء من اللي لسه في السوق قريب
ازيكم يا اخواتى
انا الاكسيل بتاعتى مبتفصلش فى العادى بس وانا باجى الف يو ترن بلاقى العربية فصلت وبلاحظها اوى انى لما بلف الدركسيون للاخر يمين او شمال بس للاخر
والمشكلة بتظهر وانا بالف على الاول وبتقل وانا بالف على التانى بس اسرع بحاجة بسيطة والواحد بقى بيقلق من كل يو ترن:36_1_31:
فمش عارف ايه المشكلة
بسم الله الرحمن الرحيم
غالبا الموضوع ده ليه دعوه بالطرمبه بتاعت الباور انت عربيتك 1500 صح؟؟؟
المفروض الدوره بتاعه الباور تكون شغاله تحت ضغط معين ميزيدش عن قيمه معينه وفي فالف في الطرمبه بتاعه الباور لما الضغط بيزيد (بتلف الدركسيون على الاخر) بيفتح وميخليش الضغط يزيد جوه الطرمبه وبالتالي تتقل وتبقى حمل زايد على الموتور مش حيستحمله في السلانسيه وبيطفي و ممكن ده يكون فيه مشكله ومبيفتحش ... دي حاجه
والحاجه التانيه ان الطرمبه لما بتشتغل المفروض بترفع سرعه السلانيه بفاكيوم راكب جمب الكابيراتير تحت العمه (زي فكره بتاع التكييف .. بس اخف شويه علشان بيعوض زي ما بيسموه الحمل الكهربي و الهايدروليك .. يعني النور العالي والباور)
ممكن متكونش بتشغله وهي بتشغله بسيلك طالع منها ورايح على مفتاح الفاكيوم ...
لو كده شوف برضه حتلاقيها بتفصل لو انت واقف وجبت الدركسيون للأخر يمين او شمال ... خلي حد يشوفلك دوره الباور بتاعتها علشان الفالف و يشوف الطرمبه لما بتشتغل بتشغل الفاكيوم اللي بيعلي السلانسيه بتاع العربيه عشان متفصلش..
و ان شاء الله بسيطه
يا اخوانى لية مافيش حد بيرد علياالعربية بتنتش وانا على 2و 3 قالولى كهرباء و غير المشط
واحد قال شيل المشط و اضع بدالة ابلاتين و كونتدنسر اية رايكم في الحكاية اعمل اية افيدونى افادكم الله
بسم الله الرحمن الرحيم
معلش ممكن محدش خد باله وانا منهم
بص ياباشا مبدأيا موضوع ابلاتين وكندنسر ده مرفوض تماما .... لأنه مش حيديلك الأداء المطلوب ولا استهلاك البنزين الصح ومن الأخر غير الفابريكه بتاعه العربيه المهم شوف الكهربا وجرب غير الامشط بواحد استيراد وخده على تجربه علشان لو مش هو المشكله تقدر ترجعه
بسم الله الرحمن الرحيم
الف الف مبروك لمـــــــــــــــــــــــ ــــــصر
السلام عليكم
يا ترى ينفع اركب كاوتش 185 / 70 على جنط 13 ولا مينفعش الا على جنط 14
اقصد الافضل مقاس 14 ???
وهل يوجد تبديل الجنوط بالكاوتش القدام بطقم جنط وكاوتش اخرين مقاس اكبر ويا ترى الفرق يكون كام
وياريت تفهمونى مدى تأثير الجنط ع العفشه وايه حكاية تغيير الاوفست دى
ولكم جزيل الشكر
بالنسبه للجنوط الافضل ال 13 الاشيك ال 14 و ال15
انا لسه مجنط جايبهم ب 850 تايوانى من عند علاء موسى اللى فى احمد سعيد المشكله ان الابعاد اليابانى مش موجود اشكال كتير منها بس