انا عندى اكسل 1500 مو 1998 و كنت شاريها زيرو و عايز ابيعها او اركبلها اوتوماتيك اية رايكم و لو ركبت الاوتوماتيك حيتكلف كام
عرض للطباعة
انا عندى اكسل 1500 مو 1998 و كنت شاريها زيرو و عايز ابيعها او اركبلها اوتوماتيك اية رايكم و لو ركبت الاوتوماتيك حيتكلف كام
مطلوب هيونداى اكسل هاتشباك حالة جيدة تكيف جيد كاسيت انذار فابريقة بالداخل والأتصال على تليفون 0105321008 ولو حد يعرف حد عاوز يبيع يبعتلى
كلام سليم
والتحويل ممكن يتكلف اقل من كده كمان لانى حولت الاكسيل من اوتوماتيك الى مانيوال
هتلاقى الفتيس الاوتوماتيك موجود كتير بسعر من 800 جنيه الى 1200 جنيه
وممكن اقل
وكمان هتحتاج شويه حاجات
ايد فتيس كامله بالواير بتاعها
مارش لان الفتيس الوتوماتيك المارش مختلف عن المانيوال فهيعمل معاك صوت مزعج
راسين كوبلن لان مقاسهم مختلف وممكن متحتاجهمش
بس المهم انك لما تشترى الفتيس لازم تاخد ميكانيكى شاطر
ولازم هو اللى يحله من على الماكينه بالضفيره كامله
علشان اى سلك ناقص ممكن تدوخ عليه والصنايعيه يفتكسوا فيها
وتتأكد انه على تجربه علشان ميكونش مخلوع من عربيه تانيه وفيه مشكله
وصدقنى هترتاح جدا فيها بس المهم متكونش ناوى تبيع لانك ساعه البيع كله هيقولك اوتوماتيك لاء
واى خدمه وابقى طمنا عملت ايه
ممكن تحتفظ بالفتيس القديم بتاعك وعند البيع ابقى غيرة!
استاذ نادر
ممكن تقولى عربتك كربراتير ولا انجكشن
علشان انا فاكر انك قولتلى ان استهلاك البنزين ندك 300-350 كم فى الصفيحة
انا عندى 160 فى الصفيحة والاسطى سيد الميكانيكى قال لى احتمال اغير طقم اصلاح الكربراتير
صحيح ولا؟؟؟ وياترى ممكن يكلف كام
اسف للاطاله- مشكور
عمرو(ابو كريم)
لا لا مش 350 ابداً:) يا ريت
انا بعمل 300 كم تقريباً في الصفيحة 95% من الاستهلاك خارج البلد
على الدائري، الي بتعمل 350 كم واكتر الاونو:)
الاكسيل 1300 سي سي كريبراتير، افتكر داخل البلد كانت بتعمل
من 220 لـ 240 على حسب استخدام التكييف.
انت لو 1500 واستهلاكك داخل البلد يبقى الفرق مش كبير هيبقى فرق 20 او 25 كم
في الصفيحة وللاسف طقم الاصلاح مش هيفرق بعد فترة هترجع المشكلة تاني فلو
عربيتك 1500 استحمل شوية لحد ما يجيب اخرة معاك واشتري واحد استيراد بيكون
في حدود 350 لـ 450 حسب حالتة وتأكد انة استيراد مش مفكوك ومتصلح "خلي
الميكانيكي بتاعك يكشف علية".
الف شكر يا نادر على المعلومات وارجو ان تفيد باقى لاعضاء
بس انا عربيتى 1300
-------------------
عمرو(ابو كريم)