رابطة مالكى الاكسيل-الجزء الأول

**maro2007** · 25-06-2011 10:32 PM

المشاركة الأصلية كتبت بواسطة maro2007

ياجماعه اكون شاكر جدا لو حد يكون عنده علم بأسعار الحاجات دى بسعر النهارده :

1/ طابلوه الى هيه القشره الى فوق بس بدون عدادات

2/ جلد الصالون بتاع الباب والسقف وبتاع المجرى الى بيمشى فيه الزجاج

3/ وبالمره فرش الباب الداخلى زجاج كهربا

ايه يارجاله مستنى مشاركتكم

هوه مفيش حد غير الحاجات دى قبل كده وعنده علم بيهم

**Tarek_Swelm** · 26-06-2011 10:52 AM

المشاركة الأصلية كتبت بواسطة beshomilan

دلوقتى الميكانيكى فكلى الريداتير ووداه لواحدة نضفه وسلكه وركبته والدنيا تمام
بس المية بتنقص ربع القربة كل مشوار اخرج فيه رغم ان ده مكانش بيحصل قبل فك الريداتير وتسليكه وكان ربع القربة كان بينقص وبزوده كل شهر مثلا او اكتر
ومفيش خروج للمية من القربة او الريداتير ولا اى حاجة بتنقط ولا اى خرطوم بيطلع اى حاجة
علما انى حاطط مية موبيل وبزود ميه مقطرة
بس بشغل التكييف فكل خروجه..فيمكن هو اللى بيستهلك المية دى ولا ايه؟؟

مش عارف العيب ف ايه

وفيه مشكلة تانى بهد اذنكم

العربية اكسيل وبتكركر بعد rpm 3000 على كل الغيارات علما انى بستخدم بنزين 80 ومظبط الكهربا ومبقدرش احرق على اى غيار اكتر من كده لان الكركرة بتعلى..ياترى المشكلة فين؟؟؟

طيب اخبار السخونية اية ؟ يعني فية فرق علي مؤشر الحرارة قبل التنضيف و بعدة ؟
و غطيان الريداتير و القربة محكمين الغلق ولا فية واحد فيهم محتاج يتغير .

**beshomilan** · 26-06-2011 02:52 PM

طيب اخبار السخونية اية ؟ يعني فية فرق علي مؤشر الحرارة قبل التنضيف و بعدة ؟
و غطيان الريداتير و القربة محكمين الغلق ولا فية واحد فيهم محتاج يتغير .

لا مفيش اختلاف ملحوظ قبل التنضيف او بعده والمؤشر دايما فى الوسط او قبل الوسط بشوية
غطا الريداتير غيرته من مده بواحد يابانى ضغطه 0.9 والقديم كان ضغطه 15 بس كان اتهلك..قلت العيب يمكن من الغطا ركبت القديم يوم لقيت المية نقصت كتير جدا فرجعت للجديد تانى
وغطا القربة محكم الغلق جدا وانا بقرص عليه يمين وشمال لما بقفله يعنى بقفله جامد جدا
مش عارف كده العيب فين

**wael6** · 26-06-2011 03:11 PM

السلام عليكم
ممكن اعرف سعر بايونير 3150 كام جديد ؟
وايه رايكم فيه ولا 2150 ؟؟؟ كامكانيات وهل جديد ولا 3150 مستعمل
معروض عليا ب 400 ج مستعمل لمدة سنه ومحل الكاسيتات بيشكرلي فيه وبيقولى انا فتحته ونضفته بس ومش معمول فيه تصليحات
وياريت كمان اعرف ايه اقل سعر بايونير فيه امكانية تركيب شاشة عرض عليه
وايه معنى كاسيت جرافيك ؟ هل بيعرض ميديا على شاشه ولا رسومات على شاشة الكاسيت نفسه فقط اثناء الاغنيه ؟
اسف للاطاله
وشكرا جزيلا

**ABOASSEM** · 26-06-2011 03:48 PM

المشاركة الأصلية كتبت بواسطة ahmedzizo131

بسم الله الرحمن الرحيم
بالنسبة للاستاذ / ماجد
كان بيسال عن سعر البربريز الامامى
انا لسة سالت علية علشان انا لسة طاع من حادث تانى بسبب البلطجة اللى فى شوارع مصر و اللى بقت منتشرة بشكل عجيب
و كان الحادث بسبب ميكروباص غبى ابن تيتتتتتتتتتتتتتتتتتتتتتتت
بيرجع بظهر بسرعة عالية جدا من غير مايبص و يشوف الله اللى وراة و اتصلت بالشرطة 4 مرات دون اى جدول و كمان للاسف الجيش نفس الطريق " لا حياة لمن تنادى " فوضى
لكن الحمد لله على كل شيئ و كويس انها جت فى العربية عندى و مجتش فى بنى ادم كان بيعدى او واقف
لكن البلطجة بقت منتشرة و الفوضى فى كل مكان و عادى
المهم
انا عارف انا طولت عليكم سعر البربريز ب
280 فرز ثالث
300 فرز ثانى
350 فرز اول
و نصيحة بجد منى ممها حصل و حد زنق عليكم بالعربية فوتم و كان مفيش حاجة حصلت و محدش يشد مع حد ولا يتنرفز لان البلد مفيهاش حاكم ولا شرطة ولا حاجة خالص غير البلطجة " للاسف "
واضح ان كلام الجرائد كوم و الشارع و الواقع كوم تانى
يا ريت تخلى بالكم من نفسكم
و ربنا يسترها مع الجميع
اخوكم / احمد عبد العزيز

ربنا يسترها علي الجميع يا زيزو ومعلش وربنا يعوض عليك ويستر طريقك يارب

**alaamousa** · 26-06-2011 05:57 PM

الى اعضاء الرابطة الكرام اذا كان حد عايز يبيع عربيته وتكون كويسة وبيتي وفابريكة دواخل انا شاريها لاني اتفرجت على عربيات معيوبة كتيير ولثقتي في اعضاء المنتدى الكرام فحبيت اسيب طلبي لمالكي الاكسيل في الرابطة وفي انتظار الردود

**Tarek_Swelm** · 27-06-2011 01:44 PM

المشاركة الأصلية كتبت بواسطة wael6

السلام عليكم
ممكن اعرف سعر بايونير 3150 كام جديد ؟
وايه رايكم فيه ولا 2150 ؟؟؟ كامكانيات وهل جديد ولا 3150 مستعمل
معروض عليا ب 400 ج مستعمل لمدة سنه ومحل الكاسيتات بيشكرلي فيه وبيقولى انا فتحته ونضفته بس ومش معمول فيه تصليحات
وياريت كمان اعرف ايه اقل سعر بايونير فيه امكانية تركيب شاشة عرض عليه
وايه معنى كاسيت جرافيك ؟ هل بيعرض ميديا على شاشه ولا رسومات على شاشة الكاسيت نفسه فقط اثناء الاغنيه ؟
اسف للاطاله
وشكرا جزيلا

البيونيير 4250 عامل 900 و اول فئة في البيونير اللي تقريبا 2150 بتبتدي ب 560 اقل او اكتر شوية
بس انا مش مش مركبهم عندي بس اعرف ان البيونيير ممتاز
انا مركب سوني اكسبلود 500 و دة عمل 650 و سماعات 400 وات عملة 300 و اتنين ادام مش فاكر كام وات عملو 130 و صوتة حلو و شكلة شيك بس مش بيشغل شاشات عرض
علي فكرة الشاشات الجديدة بيركب عليها فلاشة علي طول و بيبيق فيها فتحة aux و توصلها للكاسيت علشان يشغل الصوت , دة نظام الاكسبلود اللي عندي
بالنسبة للكاسيت اللي اتفتح و اتنضف , هو الموضوع دة حسب معرفتك و ثقتك في كلام صاحب الكاسيت او المحل
بس نصيحتي , ابعد عن المستعمل و غنيلة طالما انك تقدر تشتري جديد , بالتوفيق ان شاء الله

**kmfb78** · 27-06-2011 02:38 PM

المشاركة الأصلية كتبت بواسطة Eng.Geo

هههههههههههه
حبيبي يا هندسة :)
بص ..انا هقولك الفولة
المفروض بيبقي في نسبة هوا لبنزين وتوقيت شرارة معين
أزاي بقي نعملها !
الخلطة ده بتبقي نسبة البنزين فيها قليلة بالنسبة للهوا
يعني مثلا .. كل جرام بنزين قدامهم 10 جرام هوا
بتتعمل أزاي ؟
قتفل مسمار البنزين لغاية ما تلاقي العربية هتبطل .. كأنه مقفول بس مش قوي
وبعدها تلعب في الهوا لغاية ما يوصل ال rpm للشرطة اللي قبل الواحد
مفيش rpm ... شوف عربية تانية جنبها وأسمع صوت الأتنين
لقيت العربية ملخبطة سنة وحاسس ان الموتور في زي نتشة بسيطة علي السلانسيه .. هتقوم مقلل كهربا شوية
بس :)

حكاية التزويد والتقليل ده مش لازم بعقارب الساعة ... خليها بالصوت
هو عامة زي المسامير العادية .. لما بتفتح المسمار( عكس عقارب الساعة ) بتزود البنزين أو الهوا
والعكس
ولما اظبط الهوا ده و اعلى او اوطيه له تاثير على استهلاك البنزين بالرغم من انا مجتش جمب مسمار البنزين

**kmfb78** · 27-06-2011 03:38 PM

المشاركة الأصلية كتبت بواسطة tamer_a7

الف سلامه يا باشا والحد لله علي كل شيء وربنا يكرمك يا رب ويعوضك خير ان شاء الله
اخرجك بقي من الزعل انا هاعمل موضوع في منتدي التعديل قريب وهاحط اللينك لان خلاص الخطوات تمت وان شاء الله
قريب جدا هاركب شدادات علوي وسفلي انا النهارده رفعت العربيه والمقاسات جاهزه بس هادور علي حاجه اروجينال الاول لو ما اتوفقتش ان شاء الله هاصمم الموضوع
هاوريك الشكل اللي ينفع عندنا في الاكسيل

لانه هيركب علي المسامير اللي في الركبه والبار التاني هيركب علي مسمار المقص اللي قدام
والاهم بار من فوق وكده نمسك العربيه فوق وتحت وتبقي حمايه للركب وحمايه للحوض من ان الشرخ الشهير يفتح اكتر او انه يحصل لانه عندي الحمد لله لسه ما حصلش

ايه هو الشرخ الشهير ده