الموضوع: رابطة مالكى الاكسيل-الجزء الأول

المشاركة الأصلية كتبت بواسطة aso

اشتريت متور1500cc كامل بكل مشتملاته 3800 جنيه وجبت مساعدين امامي650وخلفي250 ومقصات 280 وبلي عجل امامي 130 وطرمبه بنزين 95وموبينه كهرباء 175جنيه وريداتير جديد 350 جنيه

الف مبروك عليك الحاجات اللى اشتريتها و علينا باول مشاركة ليك
والموتور اشتريته منين وهل ده كان اول السعر ولا فاصلت ومعاه الفتيس بعصايته ب كونصوله؟؟؟؟

و المساعدين نوعهم ايه ؟ و باقى الحاجات كورى ولا يابانى و اشتريتهم منين ؟؟
و نورت اعضاء الرابطة

جزاكم الله خيرا
البطارية دى سائلة قعدت حوالى سنه واربعة اشهر
هل يجوز ان يكون الدينامو سليم والبطارية بايظه ولا لابد ان يكون بينهما علاقه ؟
بتاع البطاريات والكهربائي اجمعوا على ان شحن الدينامو سليم حوالى 13.9 الى 14.1 وهى ع السلانسيه
وبيقولوا رعشة النور دى ملهاش علاقة بشحن الدينامو ده عيب كتاوت بس لكنه لا يؤثر على الشحن الصادر من الدينامو الى البطارية؟ هل هذا صحيح ؟؟؟
وشاهد اثبات الكهربائي ان العربيه طول ما هى ماشيه البطارية شغاله تمام نتيجة شحن الدينامو لها اثناء الحركة// لكن عندما تترك العربيه 3 او4 ساعات العربيه بتنتع لان البطارية افرغت شحن؟
هل لو قمت بشحن البطارية ممكن تمشي شوية شهرين او تلاته ولا الشحن لا يجدي لبطارية بها ربع ضارب ؟
شكرا جزيلا لاهتمامكم وسعة صدركم

صباح الفل علي احلي موضوع واجدع ناس موجوده.....انا من حوالي سنه ونص مدخلتش علي الموضوع الجبار ده إلي مستغرب لحد دلوقتي الادمن ليه معملش تثبيت للموضوع..........عموما يعني... الجروب ده انا عمري ما قصدت الرجاله إلي فيه في سؤال ولا طلب إلا وخرجت منه بالجواب الوافي وكمان معاها أفكار جديده.....والحمد لله كنت بساعد ناس كتير كانت بتسأل علي قد خبرتي فيها...وكان فيه رجاله معايا هنا مش عارف لو كانت لسه متواجده ولا الزمن اخدها مننا وانشغلت عننا :-))) ؟؟؟؟

المهم انا الأكسيل بتاعتي عايز اعمل لها عمره لان الموتور بيدخن......عايز اعرف تكاليف العمره كام دلوقتي وأسعار العفشه كمان لانها عايزه تتغير كلها المقصات بالجلب والمساعدين والياي والرمان بلي وكل الفرح ده...

شكرا يا رحاله :-)))

يااااااااااااااااااه
واحشني جداااااا :)
واحد واحد والله
فين الناس ؟
انا شايف المشاركات بعيدة عن بعضها !
عامة انا جاي أقولكوا اني بعت العربية ونسيت أقول
وأتشرفت بأجمل وأحلي رابطة في المنتدي
هتوحشيني يا اكسي :)

السلام عليكم ورحمة الله

ايه رايكم
فى البطاريات
اي سي ديلكو السعودى الامريكي ولا بلزر التركى ولا بانر النمساوى
دول المتاحين هنا فى المنصورة وقوتهم 70 امبير
وهل كل بطارية لها قدرة مختلفه فى التقويم والتدوير عن الاخرى
مثلا واحد قالى ان البلزر التركي قوتها عند التقويم 455 امبير واي سي ديلكو 255 امبير فقط عشان كده هو مبيشتغلش فيها
ناس هنا بتؤيد اى سي ديلكو وانا جربتها مره كان كويسه
وناس بتشكر فى المنتج التركي
السعر متقارب 450 ج للتركي والسعودى 470 والنمساوى 500 ج

نرجو الافادة العاجله وشكرا جزيلا

...................

المشاركة الأصلية كتبت بواسطة eng.geo

يااااااااااااااااااه
واحشني جداااااا :)
واحد واحد والله
فين الناس ؟
انا شايف المشاركات بعيدة عن بعضها !
عامة انا جاي أقولكوا اني بعت العربية ونسيت أقول
وأتشرفت بأجمل وأحلي رابطة في المنتدي
هتوحشيني يا اكسي :)

أنت فين يا جو والله ليك وحشه المهم الف الف مبروك بس قولنا بعت بكام وهتشترى ايه وهل هانت عليك تبعها