لو سمحتم يا جماعه عايز اعرف اسعار بيع الشقق فى مدينة بيتكو اللى فى شارع الهرم محطة مشعل بعد جامع الصباح وعايز افهم سعر المتر بكام بالظبط متشطب او مش متشطب ؟؟؟؟
عرض للطباعة
لو سمحتم يا جماعه عايز اعرف اسعار بيع الشقق فى مدينة بيتكو اللى فى شارع الهرم محطة مشعل بعد جامع الصباح وعايز افهم سعر المتر بكام بالظبط متشطب او مش متشطب ؟؟؟؟
بلاش مدينة بيتكو
اقتباس:
المشاركة الأصلية كتبت بواسطة sara2001
ايوه وكمان عايز اعرف بلاش ليه رغم انى شايفها عاديه
بلاش علشان التعامل في اغلب الأحوال هيبقى في المحاكم
حضرتك ممكن تتعاقد معاهم على شقه مساحتها 250 متر مثلاً وبسعر وطريقة سداد متفق عليهم
وبعدها بفتره جالهم سعر افضل او طريقة سداد اسرع
التصرف من الملاك بيكون كالآتي:
شقة حضرتك فجأه تنقص غرفه وده بيتم بالليل والمساحه تصبح 200 متر مثلاً بدل 250 متر
فيلا لها مدخلين مدخل منهم يتبني من غير ما تعرف او شباك يتقفل
وهكذا
ده مثل بسيط لما يحدث في مدن بيتكو بصفه عامه
اقتباس:
المشاركة الأصلية كتبت بواسطة sara2001
لا انا بتكلم عن شقه واحد استلامها وخلص تمنها مع الشركه وعاملها كلها حديد بس هو عايز يبيعها ومش عارف تمنها علشان مفيش سماسره قريبين والناس بتوع الامن هناك غلسين ومبيدوش اى تفاصيل يعنى ان حد باع بتمن معين علشان كده انا بتكلم لو تعرفى اى عيوب تانيه من ناحية مستوى الناس مثلا عيوب فى التشطيبات عيوب فى الصرف الصحى مثلا وياريت لو تعرفى تمن تقريبى للمتر تفيدينى ضرورى وربنا يجازيكى كل خير
بخصوص السعر هسأل لحضرتك وارد عليكاقتباس:
المشاركة الأصلية كتبت بواسطة sakr84
مش فاهمه المقصود بعيوب من ناحية مستوى الناس
وبخصوص التشطيب بيكون تجاري
هو صديق حضرتك اشتراها متشطبه ولا لسه عايز يشطبها
اقتباس:
المشاركة الأصلية كتبت بواسطة sara2001
متشكر جدا لاهتمام حضرتك بالرد عليا وعايز اوضحلك عيوب من ناحية مستوى الناس انى اقصد المستوى الاجتماعى للجيران يعنى الطبقه الغالبه ناس كويسه ومحترمه ولا ناس مستواها الاجتماعى وحش؟؟
وبخصوص التشطيب هو اشتراها وشطبها سيراميك لكن بعيد عنك شوية سيراميك لونهم عجيب بمبى زى اللى فى محلات القصب
ومعلش عايز اسئل سؤال تانى بالنسبه للجراج الشقق ليها حصه فيه ولا ده خارج تمن الشقه ؟؟؟
ومره تانيه متشكر جدا لحضرتك
ليه مفكرتش في هضبة الهرم
اكيد طبعا فكرت فيها لانى بموت فى حدايق الاهرام لكن مفيش مانع انى اخد حاجه اكبر بنفس التمن فى بيتكو لو طلعت كويسه علشان كده بسئل عن عيوبها انا ليا كمان واحد صاحبى بيبنى فى حدايق الاهرام وعنده كذا عماره وحاجات حلوه جدا وتسهيلات كويسه بس برده عايز اعرف نظام بيتكو وبصراحه شايف انها اقرب بالنسبه لطلعة الدائرى بتاعت المنصوريهاقتباس:
المشاركة الأصلية كتبت بواسطة mohamedbook
اعتقد مستقبليا هضبة الهرم هتكون ممتازةاقتباس:
المشاركة الأصلية كتبت بواسطة sakr84
ياريت تقلي علي التسهيلات الي عملها صحبك عشان فعلا ناوي اشتري في الهضبة
بص يا سيدى هو عنده انظمه مختلفه وكلها مرتبط بميعاد التسليم بمعنى ان لو هتستلم فورى هتكون تسهيلات اقل لو هتستلم فى ميعاد قدام شويه هتكون تسهيلات اكتراقتباس:
المشاركة الأصلية كتبت بواسطة mohamedbook
وبجد شخصيه محترمه جدا جدا وواحد قريبى فضل يلف الحدايق وغير الحدايق وفى الاخر اشترى من عنده لو عايز تروح تتفرج وتشوف ايه الحاجات المتاحه والاسعار قولى والفرجه ببلاش يعنى مش هتخسر حاجه ولا هتدفع طبعا تمن الفرجه زى ما بيحصل مع السماسره لانك مش بتتعامل مع سمسار انت بتتعامل مع المالك مباشرة نمرتى 0100800303
وربنا يجعلنى سبب ان شاء الله للخير
انا شاكر ليك وجزاك الله خيرا انا مسافر في شعل لمدة اسبوع وان شاء الله هرجع واكلمك وانزل اتفرج وان شاء الله خيراقتباس:
المشاركة الأصلية كتبت بواسطة sakr84
يا اخونا المشاهدات كتيره اوى ومفيش ردود محدش عارف حاجه عن بيتكو دى ولا ايه ؟؟؟؟؟؟
العفو لا شكر على واجباقتباس:
المشاركة الأصلية كتبت بواسطة sakr84
الشركه كانت عارضه سعر المتر ب 1800 جنيه
المستوى الإجتماعي شعبي شويه
والمبنى من الداخل متاهات
بالإضافه الى وجود محلات كتير تحت غير مباعه
وبخصوص الجراج مش عارفه لازم حضرتك تسأل المالك بنفسه
وان كنت أرجح انهم بيستغلوا الجراج في انشطه اخرى غير انهم يستخدموه كجراج
لو حضرتك قررت تشتري منهم استشير محامي كويس في صيغة التعاقد
حدائق الأهرام افضل بالتأكيد بس فيها عيب عدم وجود جراج
كل العمارات الدور الأرضي فيها بيتباع فيلا
بيكو مبنية من سنين طويلة يمكن 15 سنة ومفيش اقبال عليها
انا دخلتها من 5 سنين مثلا والله خوفت منها
المحلات المهجورة كانت في الارضي والاول وكانت عبارة عن ملاجيء للكلاب
ده غير ان ممكن اي حد يستخبى في المحلات دي وفعلا زي بيت جحا متاهة وقذارة
جايز تكون دوقت احسن واهتموا بيها !
انا رأيي حدايق الاهرام والرماية افضل
بس الرماية اسعارها اعلى
متشكر جدا ليكم يا جماعه على الردود والافاده وجزاكم الله خيراً