الموضوع: عايز اعرف اسعار الشقق فى مدينة بيتكو (الهرم)

المشاركة الأصلية كتبت بواسطة sara2001

بلاش مدينة بيتكو

ايوه وكمان عايز اعرف بلاش ليه رغم انى شايفها عاديه

المشاركة الأصلية كتبت بواسطة sara2001

بلاش علشان التعامل في اغلب الأحوال هيبقى في المحاكم
حضرتك ممكن تتعاقد معاهم على شقه مساحتها 250 متر مثلاً وبسعر وطريقة سداد متفق عليهم
وبعدها بفتره جالهم سعر افضل او طريقة سداد اسرع
التصرف من الملاك بيكون كالآتي:
شقة حضرتك فجأه تنقص غرفه وده بيتم بالليل والمساحه تصبح 200 متر مثلاً بدل 250 متر
فيلا لها مدخلين مدخل منهم يتبني من غير ما تعرف او شباك يتقفل
وهكذا
ده مثل بسيط لما يحدث في مدن بيتكو بصفه عامه

لا انا بتكلم عن شقه واحد استلامها وخلص تمنها مع الشركه وعاملها كلها حديد بس هو عايز يبيعها ومش عارف تمنها علشان مفيش سماسره قريبين والناس بتوع الامن هناك غلسين ومبيدوش اى تفاصيل يعنى ان حد باع بتمن معين علشان كده انا بتكلم لو تعرفى اى عيوب تانيه من ناحية مستوى الناس مثلا عيوب فى التشطيبات عيوب فى الصرف الصحى مثلا وياريت لو تعرفى تمن تقريبى للمتر تفيدينى ضرورى وربنا يجازيكى كل خير

المشاركة الأصلية كتبت بواسطة sara2001

بخصوص السعر هسأل لحضرتك وارد عليك
مش فاهمه المقصود بعيوب من ناحية مستوى الناس
وبخصوص التشطيب بيكون تجاري
هو صديق حضرتك اشتراها متشطبه ولا لسه عايز يشطبها

متشكر جدا لاهتمام حضرتك بالرد عليا وعايز اوضحلك عيوب من ناحية مستوى الناس انى اقصد المستوى الاجتماعى للجيران يعنى الطبقه الغالبه ناس كويسه ومحترمه ولا ناس مستواها الاجتماعى وحش؟؟
وبخصوص التشطيب هو اشتراها وشطبها سيراميك لكن بعيد عنك شوية سيراميك لونهم عجيب بمبى زى اللى فى محلات القصب
ومعلش عايز اسئل سؤال تانى بالنسبه للجراج الشقق ليها حصه فيه ولا ده خارج تمن الشقه ؟؟؟
ومره تانيه متشكر جدا لحضرتك

المشاركة الأصلية كتبت بواسطة mohamedbook

ليه مفكرتش في هضبة الهرم

اكيد طبعا فكرت فيها لانى بموت فى حدايق الاهرام لكن مفيش مانع انى اخد حاجه اكبر بنفس التمن فى بيتكو لو طلعت كويسه علشان كده بسئل عن عيوبها انا ليا كمان واحد صاحبى بيبنى فى حدايق الاهرام وعنده كذا عماره وحاجات حلوه جدا وتسهيلات كويسه بس برده عايز اعرف نظام بيتكو وبصراحه شايف انها اقرب بالنسبه لطلعة الدائرى بتاعت المنصوريه