للبيع سياره مرسيدس بحاله شاذه فعلا

**OmaR_FekrY** · 20-04-2011 12:56 AM

المشاركة الأصلية كتبت بواسطة magdykorashy

اه لو كنت في مصر، كنت خلصت فيها على طول. انا نفسي في حاجة نظيفة زي ما بتوصف كده. لو كانت لسه متاحة بعد ٦ شهور سأكون من المتحمسين لشرائها.
ربنا يوفقك في بيعها كما تتمنى.

يا باشا متغلاش على حضرتك .... اوعد حضرتك لو ربنا منفخش فى صورتها و اتباعت فى خلال ال 6 شهور اللى جايين ... هاوصلها لحضرتك بنفسى لحد باب البيت
و شكرا لدعوه حضرتك الجميله دى

**الصيداح** · 20-04-2011 01:29 AM

أدعو الله أن ييسر لك بيعها
والله الواحد نفسه فعلا في حاجة جميلة زي دي
دعواتك معانا يمكن تكون من نصيبنا لأننا بنفكر بدل ما نشد عربيتنا وتكلفة على الفاضي نشتري حاجة
من الزمن الجميل ده
ربنا يوفقك يا رب
معلش لو ترفعلنا شوية صور الله يكرمك

**MASERATI** · 20-04-2011 02:24 AM

السلام عليكم و رحمة الله و بركاته

أنا من رأيى أنك ماتستهونش بيها خالص لأنك فى أسوأ الأحوال لو نزلت سوق الجمعة و حطيت رجل على رجل هتبيعها و بسهولة ان شاء الله, أمتع حاجة أنك تنزل السوق بعربية لقطة و تتنك على التجار و اللى ييجى يقولك سعر مش على مزاجك, بصله من فوق لتحت و ماتردش عليه.

**OmaR_FekrY** · 20-04-2011 03:47 AM

المشاركة الأصلية كتبت بواسطة الصيداح

أدعو الله أن ييسر لك بيعها
والله الواحد نفسه فعلا في حاجة جميلة زي دي
دعواتك معانا يمكن تكون من نصيبنا لأننا بنفكر بدل ما نشد عربيتنا وتكلفة على الفاضي نشتري حاجة
من الزمن الجميل ده
ربنا يوفقك يا رب
معلش لو ترفعلنا شوية صور الله يكرمك

ان شاء الله ربنا ييسر الاحوال
يا باشا متغلاش على خضرتك واذا فعلا فى نيه جديه فى الشراء تقدر حضرتك تتصل بالاستاذ احمد (خالى) لانى سايبها عنده لسهوله الوصول الىيه (وسط البلد ) لكن انا فى اكتوبر ف مشوار علشان حد يجى يتفرج على العربيه ,,تتفرج عليها و ربنا يقدم اللى فيه الخير
والهى يا باشا انا مبعرفش ارفع صور على المنتدى خالص بس صورتها موجوده عندى فى ال profile picture للمنتدى

المشاركة الأصلية كتبت بواسطة MASERATI

السلام عليكم و رحمة الله و بركاته

أنا من رأيى أنك ماتستهونش بيها خالص لأنك فى أسوأ الأحوال لو نزلت سوق الجمعة و حطيت رجل على رجل هتبيعها و بسهولة ان شاء الله, أمتع حاجة أنك تنزل السوق بعربية لقطة و تتنك على التجار و اللى ييجى يقولك سعر مش على مزاجك, بصله من فوق لتحت و ماتردش عليه.

هههههههههههه من تواضع لله رفعه يا باشا
و بعدين ان مبفضلش سوق الجمعه ابدا ..... انا عندى اسنتى على بيعها و لا انزل بيها السوق من اللى بشوفه من النقع طول اليوم فى الشمس و الناس ال..... اللى بتتفرج على العربيه بطريقه غلط و غبيه تحرق الدم و المشكله انه فاكر انه كده فاهم .... من سنه كنت مع والدى فى سوق الجمعه عارضين عربيته للبيع (نيسان صنى 2002 ) و كانت متتخيرش عن المرسيدس كده بس كانت فبريكه بره كمان و جم 2 شكلهم تجار يتفرجوا على العربيه المهم قعدوا يقلبوا و يلفوا و من فوق و تحت يمين و شمال بطريقه رخمه شويه لحد م مسكت واحد منهم ماسك مفتاح فى ايده و بيخربشللى الرفرف اليمين ورا علشان يشوف العربيه كانت مرشوشه قبل كده ولا لا ..... والهى السوق ماكنش عارف يخلصه من ايدى اليوم ده
الحمد لله على كل شىء

**SYD** · 20-04-2011 04:00 AM

المشاركة الأصلية كتبت بواسطة ahmed1718

مش محتاجا اسف بينا وبين بعض بس انا من غير معرفك برد واتمنى متكونش زعلت

بس الغريب ان ديما لما تيجى تبيع بتسمع اسعار غريبة ف السوق ولو حبيت تشترى نفس عربيتك تانى بتسمع اسعار خرافيه

وبعدين انا كنت بتكلم على التمساحا انتا بتقول ان اتعرض عليك بأقل من كده اقولك اه ماشى فيه منها مش بيعدى 30 الف لحلوح بس بطة بلدى

تفرق اوى الحالة ف العربيات دى علشان لما بتتهان بتبقا صعبة زيها زى اى عربية من الاجيال السابقة

زى الجالنت زى الزلموكا زى ال الفا روميو والبيجو والرينو طبعا مش بتكلم على الحديث منهم

الحجات دى لو متحافظ عليها كويس والله اركبها برقبه اى حاجة من الجديد الف مرة

طبعا ده كلام للى عايز عربية عملية وده ميمنعش حبنا ف مواكبة التكنولوجيا يعنى الاوبشن يعنى السي دى تشانجر يعنى الجنط كبير لدرجة انه راكب معايا والنس بتبص عليه وانا مش عارف استمتع من كتر نشوفيه العربية

حضرتك معاك حق
انا بايع لادا 2107 موديل 2005 فابريكة برة وجوة اول يد جنوط اسبور كاوتش جديد بطارية جديدة فرش الفابريكة كاسيت وسماعات سوني ب 24000 جنيه مصري لاغير
بصراحة عزت عليا بس هعمل ايه ؟ فشلت اركبلها باور وتكييف وتقيلة اوي
انا عارف ان المرسيدس حالة مش موديل
بس الي انا بتكلم عليها دي فابريكة برة وجوة من سنة 83 وانا عارف صاحبها وعارف استعماله ومجربه قبل كدة فعربية تانية اشتريتها منه والمرسيدس بتاعة والده
انا اشتريت منه دايو سيليو 95 من سنتين فابريكة برة وجوة حالة شاذة لأن بردو خلي بالك السيليو من العربيات التايهة وحاجة من اتنين يا تجيبها نظيفة اوي وبيتي يا اما تجيبها متهانة وكنبة بلدي
علي العموم فرصة سعيدة اوي استاذ احمد
اخوك محمد سيد مهندس شبكات

**magdykorashy** · 22-04-2011 12:29 PM

متابع معاك، ربنا يسهل.
الغريب إن الواحد لما ييجي يشتري يتعب ولما ييجي يبيع يتعب برضه؟
حاول تتصل بأستاذ شريف وهبة يمكن يكون فيه حد طلب منه عربية زي بتاعتك.
موفق بأذن الله.

**OmaR_FekrY** · 22-04-2011 03:39 PM

المشاركة الأصلية كتبت بواسطة magdykorashy

متابع معاك، ربنا يسهل.
الغريب إن الواحد لما ييجي يشتري يتعب ولما ييجي يبيع يتعب برضه؟
حاول تتصل بأستاذ شريف وهبة يمكن يكون فيه حد طلب منه عربية زي بتاعتك.
موفق بأذن الله.

والهى فعلا انا مش عارف ايه ده .... ده انا ببيع عربيه لقطه
امال لو كانت اى كلام

هو مين الاستاذ شريف وهبه ده يا باشا ؟؟

و شكرا لرد حضرتك

**magdykorashy** · 22-04-2011 09:00 PM

استشاري تثمين السيارات في المنتدى
ده صاحب اطول مواضيع في قسم البيع و الشراء.

**MASERATI** · 22-04-2011 11:07 PM

السلام عليكم و رحمة الله و بركاته

و الله يا باشا و مالك على حلفان, أنا لو كنت ناوى أستقر فى مصر, كنت اشتريتها بدون تفكير.

عالعموم, ربنا ييسرلك أمرك و تبيعها بأفضل مما تتمنى و ماتقلقش لأن كل شئ بأوانه و كل تأخيرة فيها خيرة.

بس, أنا من رأيى أنك تجرب برضه و تنزل السوق و ان شاء الله ربنا هيرزق الرزق الحسن و ممكن تاخد واحد من أصحابك الشباب أو من قرايبك معاك و أنت رايح السوق و لو لقيت القعدة مش عجباك هناك, ابقى ارجع, و فعلا, أغلب اللى فى السوق تجار, بس فيه برضه ناس ركيبة بتدور على عربية بيتى نظيفة يشتروها من صاحبها مباشرة, أنا من رأيى أنك تنزل السوق الجمعة الجاية و ربنا -ان شاء الله- هيكرمك, بس ابقى خد بالك لحد يخربشلك البوية بمفتاح و لا حاجة .

-

الموضوع: للبيع سياره مرسيدس بحاله شاذه فعلا

LinkBack

أدوات الموضوع

عرض

-

-

-

-

-

-

المواضيع المتشابهه

سياره جين 2 للبيع بحاله فوق الممتازه

للبيع مرسيدس s280 حاله شاذه

للبيع زلاموكه بحاله شاذه جدا جدا

سياره 126 بحاله ممتازه للبيع

سياره كيا سيفيا 99 بحاله جيده جدا للبيع

الكلمات الدلالية لهذا الموضوع

المفضلات

المفضلات

ضوابط المشاركة