متابع للمنتدي منذ عامين واكثر تقريبا ولي طلب بعد اذنكم لان جبت عربية اوبل فيكترا2001c

**mohm2000** · 18-04-2011 12:00 AM

السلام عليكم ورحمة الله وبركاته
أخوكم محمد رجب
اولا انا اتقدم لهذا المنتدي بكل الشكر والامتنان لكل ما وجدته على مدار سنتين او اكثر من معلومات عن الاوبل وارجوا ان تقبلوني عضو معكم لكي استفيد من خبراتكم في العربية دي لان اول مره اركب عربية اوبل فيكترا وعلى فكره انا اشتريت العربية وسافرت خارج لانني اعمل محاضر باحد الجامعات الخارجية بره مصر ومقيم في الجيزة
العربية اللي اشترتها هي 2001اوبل فيكترا cdx بس فيها شويه حاجات وعاوز مساعدتكم ضروري وعاوز ارقام المهندس محمد طناني لان اتصلت على الرقم الموجود في المنتدي لقيته مقفول ونمره الاخ فاضل فادي ونمرة الاخ الفاضل تامر لا ن بصراحة العربية فيها شغل كتير بالنسبة اللي انا شايفة واعتقد ممكن الاخوان يفيدوني بعد اذنكم .
اولا نفسي اكشف على العربية فيها ايه بالضبط لان انا عندي عربية مرسيدس زلموكه وبصراحة لقيت الفرق كبير جدا بين الاوبل والمرسيدس المرسيدس حاجة تانية ونفسي الاوبل تكون كده لان انا اعتقد ان امكانيتها احسن من اللي انا شايفة
العربية فيها سخونة عجيبه يعني في البطيء ما بتسخن اما في المشي السريع بتخسن مع العلم المفروض العكس ورحت شلت الياداتير ونظفته ونظفت دورة التبريد بس يوم ورجعت الحرارة تاني 98بدون تكييف والمياة بتاع الياداتير بتنقص واعتقد المروحة الثانية في درجة الحرارة العالية مش شغاله في المرسيدس بيقولوا الحساسات مش عارف في الاوبل اسمها ايه وممكن اعرف تمن المروحة كام لو عاوزه تتغير وطبعا ماء الياداتير بينقص بس مش كتير .
فيه لمبه اعطال الماكنة في التابلوه شغاله علطول مش عارف من ايه
فيه تاخير في الدوراة جامده جدا مش من اول لقطه
فيه العربية حاسس انها مش قويه في الشد مع العلم واحد جربها جنبي جاب 170
وحاسس انها بتاكل بنزين كتير
ولما جيت اغير زيت لقيت زيت الماكنة ناقص جدا مع العلم مفيش تسريب من تحت
اخواني انا ما عندي مشكله انا عاوز اصلح صح وعاوز العربية تكون صح وارجوا منكم الافادة لان اخوكم مزنوق جدا وبفكر ابيع العربية لان مش زي ما انا كنت متوقع فارجوا منكم ان تدلوني على الصح في العربية وايه اللي ممكن اعمله لان عاوز اركب عربية كويسه احس ان راكب اوبل فعلا ولكم مني كل التحية والتقدير

اخوكم
الدكتور / محمد رجب

**mohm2000** · 18-04-2011 12:07 AM

نسيت اقول لحضراتكم حاجة مهمة العربية اتوماتيك 2000سي سي وكانت في اول يوم اخذتها كانت بتبطل مني وكان الهواء بتاع العربية بيهرب منها بتبطل ورحت لواحد نظف لي الانجكشن وكان فيه سواد غريب ومن ساعتها العربية صوتها بقى عالي ومش بتبطل بس انا خايف يكون فصل الماف زي ما فهمت من المنتدى علشان يعلي صوت العربية ولا التنظيف الانجكشن بيخلي الهواء يعلي وتبقة 8او 9في المؤشر بتاع ضغط البنزين الموجود على الشمال في التابلوه
وشاكر جدا لكم مسبقا

**tananybasha** · 18-04-2011 12:40 AM

منورنا يا باشا
و الف مبروك
و تزيدنا شرف

و انا مش مهندس و لا يحزنون
انا محاسب قانونى
يعنى بتاع ضرايب و تأسيس شركات و الذى منه
ورقم تليفونى 0119995031
ال 010 اتلغى لأسباب فنية
ولا يفتى فى البى و فادى و تامر موجودين
بس من معرفتى الواضح عندك شوية عك
يعنى
1. السخونية دى من حاجتين
ترموستات كوعه ملغى
ريادتير وحش
و احتمال يكون الدورة واخده هوا او فيها تسريب
و فى كل الحالات لازم يتكشف صح
عليها

2. موضوع اكل البنزين و السواد و كل الهبل ده
- حساس كولنت اللى هوا حساس المية
- رشاشات حالاتها متأخرة قوى
- ماف ضايع
و انت بتقول لمبة الأعطال منوره على طول
يبقى لازم يتكشف عليها على جهاز عشان نعرف العيب منين
مش طالبه عك

يعنى ايه الهوا بيهرب
انت بتتعامل مع ميكانيكى ولا بتاع كاوتش
فيه ايدل
تى بى اس
حساس كولنت
ماف
لو موتورك 16 صباب ايكوتك مش الموتور الأسود ال 8 صباب يبقى فيه حساس نوك
حساس كرنك
حساسات الفرامل الأية بى اس

من الواضح ان العربية حالاتها مش قد كده
لأن نقص الزيت الغير مبرر ليه كذا احتمال
جوانات مهربة
كبس موتور ضعيف مهرب زيت من الشنابر
تبخير زيت عالى نتيجة سوء نوع الزيت

العربية دى لازم يتكشف عليها صح قوى
و اللى فيها يتعمل
العربية دى جراية بهبل
يعنى تقفل عداد مستريح قوى

ارجو انى اكون عرفت افيدك

**فادى محمد** · 18-04-2011 01:11 AM

اهلا بيك يا دكتور محمد... اعتقد ان العربيه دي اتلعب فيها يعني راحت لحد زي بليه كده ,انصح حضرتك تروح بيها لمركز (مقار) يكشف عليها مهندسين متخصصين في الاوبل واللازم يتعمل وممكن علي فكره تشتري قطع الغيار من بره وتركب عندهم لان العربيه اللي معاك ماشاء الله جوهره ونادره كمان علشان تستمتع بيها لازم تكون حالتها ممتازه..وتحت امرك في اي سؤال تليفوني هو 0102720009

**tananybasha** · 18-04-2011 02:09 AM

يا باشا ليا الشرف اشوفك
و فى اى وقت
اتصل بس

**tamertamer** · 26-04-2011 01:22 PM

طيب يا طنانى انت وفادى اقول اة طيب طبعا بعد محمد وفادى فعلا الكلام مظبوط العربية عيزة حد بيفهم وعلى فكرة الاوبل بذات لو اتعك فيها بتتلغبط وصعب ترجع تانى بس انا شايف ان مشكلك مش صعبة وممكن بشوية مصاريف ترجع بس اهم حاجة تروح لحد بيفهم
انت خدها مقار خليهم يحددو العيبوب وجيب قطع غيارك وصلح برة
اولا اعمل صيانة المتور السرفيس كامل وتجيب اجندة وتكتب الكيلوهات والبصيانة بتعتها بلية كتينة وسيور وفلاتر ونشوف طرنبة المية والجونات يتبص عليها كدة انت بتخلى المتور يتنفس
واى حاجة انا تحت امرك ومبروك على العربية واى حاجة انا تحت امرك نمرتى 0123534022

**tananybasha** · 26-04-2011 05:21 PM

منورنا يا عم تامر
عاش مين شافك

الموضوع: متابع للمنتدي منذ عامين واكثر تقريبا ولي طلب بعد اذنكم لان جبت عربية اوبل فيكترا2001c

LinkBack

أدوات الموضوع

عرض

-

-

-

-

-

المواضيع المتشابهه

متابع متابع متابع متابع متابع متابعة

اوبل فيكترا2.0cc b تقريبا كم تستغرق من 0 الي 100

ركبت في عربية المدام ماروتي 2008 التكيف تقريبا شهر 4 الي فات

جنرال موتورز الى شركة اصغر واضبط واكثر تركيزا

عايز أشتري عربية مستعملة في حدود من 75 إلى 85 تقريبا ..أرجو المساعدة

الكلمات الدلالية لهذا الموضوع

المفضلات

المفضلات

ضوابط المشاركة