[QUOTE=turboman;3873432645] تدفع كام واقولك على طريقة علمية لمعرفة جودة المادة الفعالة فى المنتج باستخدام ادوات بسيطة فى الصيدلية او العيادة
بس خلى بالك دى اسرار شركات
عرض للطباعة
هههههههههههههه طيب ما انا ر...........ص .......... أ . :d:d وعلى العموم انا ممكن اكون فهمت غلط وساعتها اكوون بعتزر :)
شرقاوي كريم عظيم
انا مش بدلل على حاجة انا بس حبيت اضحك معاكم
على فكرة الموقف دة حصل مع زميلى بس لو كنت كتبت كدة كانت الناس هنا استنتجت انة حصل معايا فقلت باكتبها كدة
تانى حاجة هو طبعا يستاهل اللى حصلوا بس هو بيحكيلى لما كان بيقولهم شوية وهاترجع زى الاول كانوا فاكرينة بينيمهم علشان يهرب من تحت ايديهم
الموقف دة حصل من سنيييييييين طويلة بس لغاية النهاردة كل ما اشوفة واتخيلة زى العصفورة فى ايديهم والبت تبكى والستات تصوت بابقى هاترمى على الارض من الضحك
السلام عليكم و رحمة الله و بركاته
مؤيد للكلام ده.
لأن مش كل اللى واقفين فى الصيدليات دكاتره يعنى ممكن البنت دى تدينى الدواء عن طريق الغلط و أنا فاهم انه بديل.
ثم انا برتاح للدواء اللى كاتبهولى الدكتور و مبرتاحش للبديل حتى لو كان أحسن.....
يبقى من حقى انى اعرف انه مش موجود و مفيش غير البديل.
طيب نفك التكشيرة..ونضحك شوية
أول أيام فتحت فيها
واحد داخل عليا بيقولي "" يادكتور عندي تمشية""
يعني إيه تمشية
يقولي""يعني تمشية يادكتور..عندي مغصة .. وعاوز أروح الحمام""
يعني عاوز تعمل حمام وبطنك بتوجعك؟؟؟
قالي ""أه""
هوا قالي إنه عاوز يروح الحمام(هوا يقصد إنه بيروح الحمام فعلا كتيرررر يعني عنده إسهال)
أنا فهمت إنه عاوز يروح الحمام(يعني عنده إمساك وعاوز يفضي بطنه)
طبعا إديته laxative محترم
مفيش
الراجل طبعا فهم إنه لو أخد أكتر من حباية ..هتفيد معاه
إديته شريط لاكسين..الراجل من تعبه..راح واخد 4 أقراص مرة واحدة لما روح البيت
و فشششششششششششششششششششششششش شششششششششششش
طبعا رجعلي بعدها بساعتين...وقالي الدوا مانفعش...وهوا بيكلمني...راح جاري من قدامي علشان يروح الحمام تاني
هههههههه
طبعا أنا علشان مافهمتش معنى كلمة تمشية...وهو قالها بإعتبارها حاجة بديهية جداااااااا
الراجل هررررررررررر
وهو الطب اخترع دوا مضاد لسواقين الميكروباص ؟؟؟ ههههههههه لو فيه اديني شريط
المقصود ان قبل ما الطب يخترع الامراض الحديثه
طبعا هو اكتشفها مش اخترعها
بس المقصود انه قبل كده لما الواحد يموت يبقى عمره الافتراضي انتهى مش نقول جالو فايروس مش عارف ايه بوظ مش عارف مين فخد جرعه ايه مجابتش تحسن ومات
هههههههههههههههه
الاحوط ان الصيدلى يفهم المريض انه مش موجود وانه حيصرفله بديل مماثل تماما
فااذا رفض هو حر
المشكله ان معظم الدكاتره بيعاملو الصيدلى على انه جاهل او بقال مع ان والله الواحد منهم بيقبى مفحوووت فى الدراسه
والله على قد مالى شغال فى الصيدليه مممكن يغلط على قد ما الواحد بيشوووف غلطات كتير من الدكاتره
ولو حاولت تعدله جزء يقولك هو انت فاهم حاجه انت عارف الحاله ايه انت عارف اسلوب العلاج ايه
الغلط عندك يادكتور كان لازم تفهم المريض ان الدوا ده بديل وبنفس الماده الفعاله وحط نفسك مكانه لو انت اشتريت دوا من الصيدليه وخدته على عماك وبعدين لاقيته مختلف حتزعل برده الااذاكنت انت عارف كويس انهم نفس المفعول ومش كل الناس طبعا فاهمه فى تركيبات الدوا علشان كده حيقولك على الصيدليه دية حراميه وبيعملوا شغل مع شركات الادويه علشان يمشوا اصناف على حساب اصناف اخرى يعنى وضح الاول قبل التصرف
علي قد معلوماتي المحدودة لان دة مش تخصصي مش المفروض ان الدكتور بيشخص المرض و الصيدلي هو اللي بيحدد العلاج
و لو دة صح ليه مش مطبق في مصر ؟
مهو ده مطلب أساسي للصيادلة قبل وبعد الثورة
علشان نخلص من القصة دي خالص...وكل مجال يلتزم بتخصصه بدون تعدي ..وبدون إحتكاك
ولمهنتين..سواء الطب أو الصيدلة..يتظبطوا ومجال اللعب والبدايل يختفي
وطبعا
نرحم الصيادلة من إنهم يجيبوا أدوية كتيررررررر مالهاش لازمة..ونصهم بيطلع إكسباير
انت كده عاوز تقفل سبوبه لبعض الدكاتره اللى معندهمشى ضمير وبياخدوا هدايا او رشاوى سميها زى ماتسميها براحتك من شركات الادويه علشان يكتبوا نوع معين للدوا عن نوع اخر وبالطريقه دية حتتنقل لبعض الصيادله برده اللى معندهمشى ضمير وحياخدوا هما الهدايا والرشاوى علشان يكتبوا ادويه مضروبه مفيهاش تاثير ولا ماده فعاله تفيد المريض وحتبقى ساعاتها بصوره اكبر لان الصيدليات معظم اللى واقف فيها بنات بدبلوم يدوبك بيقروا الروشته بالعافيه يبقى ازاى حيحددوا الدوا بنزاهه وامانه
ملحوظه ياجماعه انا اتكلمت عن بعض الدكاتره والصيادله اللى معندهمشى ضمير وهم قله ومقولتش كلهم علشان محدش يزعل منى لان كل مهنه فيها الكويس والوحش
فعلا صرف الدواء فى مصر محتاج ثورة مخصوص
والله يادكتور أحمد..سوق الدواء المصري لازم يتفرمت ويتعمل من أول وجديد
وبالذات شغل تحت السلم ..واحد معاه كام ألف..يروح يعمل نوع جديد فيه مادة خايبة..ودعاية ومندوبين وخصومات وأفلامانات
وهيصة في الأسعار والخصومات..وإحتكار الشركات لأنواعى أدوية بعينها...وقصص مالاهش أول من أخر
والمتضرر الأساسي...المريض ..يليه الصيدلي
يليه الطبيب..اقتباس:
والمتضرر الأساسي...المريض ..يليه الصيدلي
الموضوع ده أزلي يابوحميد و كان زايد قوي مؤخرا نتيجه نقصان انواع كتير في السوق من قبل الثوره كمان وانت عارف
فكره ان الدكتور يشخص ويسيب الصيدلي يحدد العلاج دي هتبقى هايله قوي و اهو الصيدلي هيشيل حمل كبير من على الدكاتره و بيستفيد باللي اعتلمه وتعب فيه و بكده هنكون في غنى عن مخالفات الصيادله عند صرف البدائل بس طبعا يشترط في الحاله دي صيادله فاهمين جدا لان سمعة الطبيب بتتوقف على نتيجة العلاج.
وللاسف بنلاقي الاعلانات اللي نازله في الجرايد مطلوب آنسه للعمل في صيدليه ! او شاب متفرغ للعمل بصيدليه! اوامال الشهاده دي لازمتها ايه بقى ؟! وطبعا في مجتمعنا في ناس كتير بتستسهل وتروح للصيدلي على طول عشان يشخصلها المرض ويوصفلها العلاج و ساعتها معتقدش ان الآنسه دي او الشاب المتفرغ هيتورع انه يكرر كلمتين سمعهم عن دوا للمغص او مجموعة برد...
وانا ضد المقوله الي بنسمعها كتير, ان الصيدلي بقال ! الصيدلي راجل صاحب شهاده محترمه و يقدر فعلا ينقذ موقف لو جاله عيان في حدود ويقدر يوفر العلاج للحالات الـcommon ومن غيره الطبيب مش هيشتغلو لكن دخلاء هذه المهنه هم من اساؤا ليها ويتحمل هذه المسؤوليه اصحاب النفوس الضعيفه من اصحاب الصيدليات اللي يسيب دكتور صيدلي عاطل ويشغل الأنسه او الشاب المتفرغ .:007::007:
وربنا يصلح الحال...
ال 600 دول بيقبضهم الصيدلي اللي هو خريج صيدله اللي جايب في الثانويه العامه 93 فما فوق و قضي خمس سنين كليه
ربنا يكون في عونكم
بس هو فعلا علشان يتطبق الصح و هو ان الدكتور يشخص و الصيدلي هو اللي يحدد الدوا المناسب الموصوع عايز نقله بس تدريجيه مينعشي يصدر قرار بيه فجأة
المشكلة دي عادي ومكررة كتييير
يعني لما الدولفين لبوس كان ناقص
كنت بطلع بابي ريليف
اذا فجأة الاقي الدكتور يقول لن البابي ريليف دة ممنوع انا كاتب الدولفين
اة الحل والمريض زعلان وبيبرطم
روحت متصل بالدكتور وفهمتوا ان المادة الفعالة واحد يبقي ازاي دة هيضر وازاي دة لالالا
فى مرة ايام الدعاية بكلم دكتور كبير اوىيييييي محدش ميعرفوش فى بر مصر كلها - مش هقول على اسمة -عن صنف معين ولقيتة بيتنفض ويقولى لالالالالالالالالالالالال الالالالالالالالالالالالا لالالالالالالالالالالالال الالالا الا الصنف دة مبرضاش اكتبة عاشان الاثار الجانبية و drug interaction بتاعةالمادة س المضافة لية مرعبة
قولتلة بالراحة كدة عليا انت عارف اية هية المادة س دى ( على فكرة اسمها ملعبك موت ) دى احدى مشتقات الstarch زى السكر يعنى علشان القرص ميحجرش ويدوب بسهولة
لك الله يا مصر:_Alshmokh22[1]:
اول حاجه طريقه عرض الموضوع فظه وما يصحش وصف اى دكتور بانه غبى لانه الروشته روشتته و وظيفه الصيدلى انه يصرف العلاج الى مكتوب بدون بديل لانه النتيجه هتتحسب على الدكتور مش على الصيدلى
طبعا السالبين الوينيكتام زى بعض بس اليونيكتام سعره الضغف وبالتالى تركيبته انضف وافضل وتاثيره اعلى او مواصفات الدوائيه بصفه عامه اعلى وافضل
يعنى انا مثلا ساعات بكتب علاج لحالات و بتيجى ليا الحاله تانى مره مفيش تحسن اجى ابص فى العلاج الاقيه حاجات غريبه غير الى انا كاتبها ومع ذلك عمرى ما لمحت للمريض انه الصيدلى خدعه بس بطلب منه يورينى العلاج لانه للاسف الصيدلى بينسى انه دكتور و بيتعامل بمبدأ التجاره الى هو عايز امشى البضاعه الى عندى وخلاص
لو كان الموضوع فى الماده الفعاله ليه مضادات حيويه كتير من نفس المجموعه بس اسعارها بتتفاوت فى حالات معينه بنستخدم الانواع الغاليه
النهارده حاله كاتبلها علاج ترايتون اقراص الصيدلى عاطيها هيدروكين بتاع الملاريا :tire:
وكاتبلها ابيدون عشان مش عنده عاطيها موتيليوم
واكتب زيثروماكس 600 شراب يعطى اريثروسين 100 :10D5C8w1107:
لا تعليق
فياريت كل واحد يلتزم بشغله ومهمته المحدده بدون تجريح
بقولك ايه يا احمد بيه بدل التعامل مع الفلاحين ......... ماتيجي هنا الزقازيق ............ في ف الحتة اللي عندنا صيدلية فتحت وقفلت على طول ومجهزة تمام يدوب هتشيل اليافطة وتحط اليافطة بتاعتك
الصيدلية قفلت لأن الدكتور صاحبها والله اعلم مش مهتم بيها وكل ماكنت اروحله واوقوله على دوا يقولي مفيش مش عندي
تقريبا هو ببيشتغل ف مكان تاني ومكفيه
الصيدلية ف الفلل .......... عند مدرسة اللغات بنات كده
يادكتور
فرق اليونيكتام من اليوناسين مش الضعف ولاحاجة
الينيكتام1.5 بــ11
واليوناسين 1.5 بــ9.5
يعني الفرق بسيط جدااا
والإتنين شركات مصرية..ونفس الكفأة تقريبا
وبالنسبة للصيدلي إلي حضرتك بتتكلم عليه ده..طبيعي بطيخ
وأنا أسلوبي مكنش فيه تجريح..حضرتك حط نفسك مكاني
واحد داخل عليك يشتمك...ويقل أدبه..ويسب ويلعن..ويعملك فضيحة..بسبب حاجة أنت ماغلطش فيها..وبسبب إن دكتور (محترم)مش عارف المواد الفعالة بتاعت الأدوية..وبيكتب أي بطيخ
وده مش تعميم على الأطباء
الأخوة الأعزاء د/ أحمد فارما ، د/ أحمد عبد الغنى ، و كل الزملاء الأعزاء المشاركين من أطباء و صيادلة ، و الأعضاء الأعزاء المشاركين فى الموضوع:
تابعت بشغف الموضوع على مدى 8 صفحات و ترددت كثيرا فى التعليق و لكن مش قادر اصبر أكتر من كده.
أولا انا كطبيب نادرا ما باعلق على موضوع البدائل التى بيصرفها الصيادلة ، احيانا بعد مكالمة لطيفة ، و كثيرا بدون مكالمات او حتى تنبيه ، طالما المادة الفعالة واحدة و نفس التركيز و الفعالية فمش باعلق ، و لكن لى تحفظات شديدة على الموضوع ده للأسباب التالية :
1) فى كثير من الأحيان للأسف الواقف فى الصيدلية ليس صيدلى اصلا و انما عم فلان أو الأستاذ فلان (حقيقة مؤسفة موجودة) و هؤلاء خبرتهم فى البدائل محدودة (ان وجدت اصلا) و بالتالى باشوف حاجات تشيب من الناس دى ... المشكلة ان عادة اللى بيدخل الصيدلية من اهل المنطقة و بالتالى اللى واقف اصلا جاره و كلامه مصدق عنده و بالتالى بادخل فى مهاترات شنيعة مع المريض اللى عمال ياخد علاج غير اللى انا كاتبه (و طبعا مش بيتحسن) علشان اقنعه ان جاره اللى يعرفه من كذا سنة اداله دواء غلط (و للأسف بعضهم بيصر ان البديل المصروف صح و ان انا الغلطان!!) ... مثلا مرة كنت كاتب لمريضة مرهم Vidisic علشان عندها جفاف ، قام عم مجدى جارهم فى الصيدلية ماعندوش راح مديها من غير ما يقولها قطرة Vegamox و دى مضاد حيوى قوى و طول استعماله بيعمل اثار مش لطيفة على العين ، العيانة رجعت فى الأستشارة بتلعن فى ، و باحاول افهمها ان ده غير ده ترد و تقول لى "مجدى مابيغلطش ابدا ... دى عشرة عمر" ، و سكتت بس لما اخدتها من ايدها و نزلت لصيدلية قريبة و خليتها تدخل تسأله اذا كانوا بدايل ولا لأ و تسمع بودنها...
2) احيانا باكون كاتب قطرة معينة لعلمى بفعاليتها ، مثلا فيه قطرة فعالة و معروفة ، و لكن نزل بديل جديد من كام شهر مابيعملش اى حاجة ، يظهر نسيوا يحطوا المادة الفعالة فيه أصلا ، و بالتالى لما الاقى الصيدلى مطلعه باتجنن ، مش هاقول حاجة غلط على الصيدلى بس هاخلى العيان يطلب القطرة بعينها.
3) ساعات بتحصل تصرفات تنرفز ، اكون كاتب للعيان قطرة ب 10 او 12 جنيه ، و الاقى الصيدلى مديله البديل ابو 48 جنيه و يقول له "أصل القطرة الأولانية ماعادبش بتنزل" و المحزن انى لما اقول للمريض رجع القطرة و شوف فى مكان تانى ، تظهر القطرة اللى انا كاتبها و من عند نفس الصيدلية...
4) أحيانا البديل بيكون غلط و الرد بيكون مستفز ، مرة كنت كاتب لطفل قطرة Tobrex و لقيت الصيدلى مديلهم Tobradex و لما رفضتها متصل بى يقول لى "هما حرفين زيادة مزعلينك ؟؟ ما هى فيها نفس الTobramycin اللى انت عايزة" و لما قلت له ان فيها كورتيزون و ده انا مش عايزة رد "مش هاتفرق مع العيان!!" و راح قافل السكة.. بصراحة قلت للمريض مايجيبش حاجة من عنده تانى ..
5) بيزعلنى جدا لما يكون اللى واقف فى الصيدلية مش عارف الدواء اللى انا كاتبه (عادة بيكون عم فلان او الأستاذ فلان) و يقول للعيان "مافيش دواء بالأسم ده أ أكيد الدكتور غلط" و طبعا المريض بيرجع و هو فاقد الثقة فيا و مش بيطمئن الا بعد ما اخليه يروح لصيدلية انا عارف ان الدواء فيها و يروح يجيبه و يتأكد انى مش باكتب اسماء وهمية..
6) حكاية ان الطبيب يشخص و الصيدلى يكتب الدواء دى رائعة و لكن لابد من دراسة تخصص هو Clinical Pharmacy للوصول الى هذه الدرجة ، و للأسف هذا التخصص نادر فى مصر (أخويا الكبير و مراته الأثنين واخدين التخصص ده بس للأسف مالوش بخت فى مصر) ، و للأسف لو الصيدلى مش واخده ممكن يحصل بعض المشاكل ، ياريت التخصص ده ينتشر و يحصل التعاون المطلوب بشدة ده..
7) فيه دكاترة بتفرس و تنقط لما تلاقيه معلق على نوع واحد لأن مندوب الشركة بيظبطه صح و بيرفض اى نوع تانى و للأسف فيه صيادلة كده كمان..
8) اخيرا انا من المؤمنين بشدة بمبدأ ان لو هاتصرف البديل يبقى بلغنى او خللى المريض يبلغنى و بكده يبقى عداك العيب ، و لو تعذر كده اصرف البديل المناسب المعروف بانه فى نفس الفعالية و فى نفس حدود السعر و بعد ابلاغ المريض.
و أخيرا فالصيادلة و الدكاترة ترسان مشتبكان معا فى الآلة الطبية و لابد من عملهما معا فى تناغم و تناسق لسير العمل كما يجب و ليسوا ابدا اعداء او منافسين ، انها منظومة واحدة لنا معا.
و تحياتى للجميع
إزيك يادكتور شريف
منور الموضوع..صدقا
الروشتة بتاعت الطبيب جتلي الصيدلية..مكتوب فيها نوع بعينه
لو النوع ده موجود..هطلعه عادي جداااا..لكن
لكن أطباء كتير مش بيكونوا متابعين حركة نواقص السوق((والنواقص دي أنا بعتبرها قلة أدب من جانب الدولة))
وبعض الأطباء بتتفق على عمولات مع صيادلة..أو مع شركات على نوع معين بيتكتب بداعي ومن غير داعي..وبينزل لصيدلية بعينها علشان المريض يلف عليه مايلاقيهوش غير في صيدلية الدكتور فلان
طبعا كله تجاري وبيزنس
المهم
سيبك من الجانب السئ للشخصيتين(الصيدلي والطبيب)
مش عارف أقولك إيه يادكتور
كل حاجة في مصر ماشية على نظام..المسمار عند النجار..والنجار عاوز منشار..والمنشار عند البياع..و...و.....
يعني كل حاجة بتلف حوالين بعض
يعني
كتير واقفين في صيدليات مش صيادلة؟؟ليه؟؟؟
علشان معظم الصيدليات متقدرش تتحمل تكلفة صيدلي في كل وردية...ليه؟؟؟
علشان خصومات الادوية قليلة..ومصاريف الصيدلية كتير..ليه؟؟؟
علشان الحكومة مالهاش روابط صارمة ع المنتجات الدوائية وإحتكارات الأدوية من قب شركات التوزيع...ليه؟؟؟
علشان أكيد الفساد.والفساد منين؟؟
وكده
القصة كلها مترابطة..وكلها متشابكة
وخلاصة الكلام
إن البديل طالما نفس المادة..ولشركات مصرية..يبق عادي..لكن تطلع بديل مصري لمنتجة أجنبي مستورد...أو العكس..يبقا لأأ
وطالما المواد الفعلاة واحدة...وبدون مغالاة ع المريض في سعر البديل..يبقا عادي
والنقطة المهمة إلي لازم نتفق عليها
ناس كتير فاههمة ..إنه لما يعيب في الآخرين ..ده بيعلي صورته قدام الناس
وأقصد بكده الطرفين....الصيدلي والطبيب
يعني الطبيب مايرميش مسؤلية عدم تحسن المريض أو إصابته بحساسية على الصيدلي
والصيدلي مالوش دعوة بالصنف المكتوب ولا بالجرعات...يقدمه زي ماهو مكتوب
بسسسسسسسس
حصلي موقف غبي
دكتور بشري كان كاتب روشتة فيها 5 أصناف..وكلهم موجودين ماعدا ابيدروكسيل..طلعت مكانه البيودروكسيل (مفيش مشكلة اهوه)
البنت تعبت جدااااا جدااااااااا
رجعوا بالدوا للدكتور..قالهم الكلمة المعروفة المللة((مين الحمار إلي إداكوا الدوا ده..مش ده إلي أنا كاتبه))
الروشتة كان مكتوب فيها سوتريم ..أقراص
وده غالبا هو سبب الحساسية..مش البيودروكسيل أو الابيدروكسيل..وحتى لو كانوا هما سبب الحساسية.فده ذنب يشيله الطبيب البشري
مش يرميها عليا..وكل فترة يتكرر الموقف ويجيلي واحد يدخال يشتمني ويقل أدبه
من وجهه نظرى ال غلطان فى الموضوع دا كله البنت ال عندك اولا الدكتور كاتب دواء معين للمريض وعلى ما اعتقد ان البنت ال عندك مش خريجه صيدله يعنى ممكن تعرف ان الدواء دا ذى دا من الخبره ولكن لا تعرف اى شى عن الصيدله الصح انها كانت قالت للسيده الفلاحه مع احترامى كل الفلاحين كانت تقول ان الدواء مش موجود ويوجد البديل والقرار فى الاول وفى الاخر للسيده ولو هنعمل الصح الصح يبق حضرتك الوحيد بما انك خريج صيدله وفاهم جدا انت ال تعطى البديل اما البنت ال واقفه فى الصيدليه لا تعطى البديل علشان هيا مش عارفه تركيبات الدواء ذى حضرتك
اخيرا :- كل شغلانه وفيها متاعب وانا قريت كام مشاركه لحضرتك كنت سبب فى تخفيف الالم على ناس كتير ولو اشتغلت اى شغلانه تانيه هتلاقى متاعب كتير برضوا