فلتر سبع و ست مراحل

**ابو سيف** · 18-04-2011 03:52 PM

المشاركة الأصلية كتبت بواسطة swimmer25

يا استاذي املاح المياه مش كالسيوم بس
حضرتك المياه الناتجة من ro تعتبر مياه مقطرة..منزوعة الاملاح
تعرف ده نتيجته ايه
المياه بتنزل تسحب وتزيب الاملاح اللي في الجسم اصلا يعني مش بس انك بتشرب مياه بدون املاح ضرورية..لا كمان بتزوب الاملاح المفيدة اللي في جسمك...من الاخر بتصفي نفسك من الاملاح..وتخرجها خارج الجسم
الموضوع خطير جدا ومش بسيط وهجيب لحضرتك مواضيع كتير بتتكلم في النقطة دي وقد ايه هو خطر علي الصحة...يعني عشان تحلي طعم المياه...تقتل نفسك

دا الكلام اللى كنت سمعته بقا عشان كدة قولت اسأل و كان مخوفني
يعني نعمـــــــــــــل ايه طيب؟؟؟؟؟؟؟

ميه الحنفيه ناس تقول دي مليانه اضرار و ميكروبات و ريحتها في بعض الاماكن تقرف و طعمها لا يطاق و ناس تقول لا مفيش احسن و اصح منها!!!!

الفلاتر كل يوم حد يطلع يقول حاجة عن الفلاتر
حتى المياه المعبأه اللى بنشتريها ناس تطلع تشتم فيها و تقول مياه الحنفيه احسن مليون مرة

انا حاسس ان الموضوع بقا موجه و حروب بين شركات و الحقيقه الفعليه ضائعه
الا لو فيه دراسه محترمه محايدة معموله على الموضوع دا و مظنش اني هلاقي حاجة بالمواصفات دي !!!!

**swimmer25** · 18-04-2011 04:16 PM

لا مياه الحنفية بدون فلتر غلط جدا لانها تحتوي علي كمية شوائب وصدا وتراب فظيعة
ده عشان مش بتتفلتر كويس في محطات المياه ده غير مواسير المياه القديمة جدا اللي بتسيب الصدا بتاعها في المياه
عايز اقولك اني ركبت فلتر في البيت عندي وعند بابا وعند حمايا
الشمعة الأولي القطن كانت بتبقي بني بعد اسبوع وسودا بعد اسبوعين ثلاثة
والشمعات التانية بيكون عليها زي مادة لزجة مش عارف ايه..ده غير فرق لون المياه الخارج من الفلتر عن المياه اللي نازلة من الحنفيه علي طول

هو فيه عيب تاني لطريقة ro وهو انه بيهدر مياه كتير جدا علي حسب ما قريت عشان تطلع 3 لتر مياه نقية..تستهلك 30 لتر مياه من الحنفية..

**swimmer25** · 18-04-2011 04:24 PM

Advantages and Disadvantages of Reverse Osmosis Water Filtration System - InfoBarrel

Reverse Osmosis Water -- Health Advantages and Disadvantages

دي لينكات ممكن تقراها في الموضوع ده
عشان تستخدم ro لازم تشرب ميه من الحنفية عشان تاخد الاملاح اللي جسمك محتاجها...بس قد ايه وكده معرفش بس واضح طبعا ان فيه حاجة غلط
عشان كده انا جبت فلتر ثلاثي فقط..حاول تشوف في منطقتك حد مركب فلتر ثلاثي وتشوف طعم ولون المياه ايه..