الموضوع: سوال بخصوص هوندا استيدا

[quote=johnghaly;3873439995]ياااااااا ابراهيم اانا شكرت الاول ومش عارف دلوقتى اقولك ايه غير بجد بجد بجد انا متشكر للخبره الكبيره اللى انت ادتهانى دى بجد مش ممكن انت محترم بجد انا زى ما قلتلك انى هبتدى ان شاء الله ادور فى اول شهر 7 بأذن الله واكيد ايكد يعنى اول واحد هتصل بيه ااصأل عن ستيدا هيكون انتى
وبجد انا متشكر للافاده دى يا ابراهيم وربنا يوفقكك ياااااارب[/quote]


ربنا يخليك يارب
وكنت عايز أحكيلكم قصه صغيره من حصلتلي من يومين
كنت ماشي أنا وإبن عمي عالدائري وكل واحد راكب إستيد وبالضبط مابين الجيزه والمريوطيه قبل الوصله الجديده وكان الكلام ده الساعه 11 بالليل والدائري كحل
وإتفاجئت بكلب بلدي بيفادي إبن عمي وفجأه بقى قدامي ومالحقتش أخد أي رد فعل لأني كنت على رعه عاليه ودريييب الكلب في الهوا وقام مرزوع في رجلي ولافف كام لفه في الهوا وعالأرض والموتسيكل قعد يحدف يمين وشمال وأنا مش فاهم إيه الي بيحصل لإن الدنيا كانت ضلمه وإني لولا فتحت النور فجأه لأني إتخايلت بخيال بيتحرك قدامي ولثانيه واحده مابين فتحي للنور والإصطدام ماكونتش عرفت إنه كلب وكنت إفتكرت العجله الأماميه حصل فيها حاجه لأن الموتسيكل كان بيعوم زي مايكون العجله الأماميه إتخرمت
على قد ماقدرت وزنت نفسي الحمد لله وخدت يمين شويه شويه بدون أي إستخدام للفرامل بس ماسك دبرياج لحد مالموتسيكل يثبت عالطريق من غير ما أنقل لوضع المور لأنه مكان في عصاية غيارات وقتها كانت بتجرجر عالأرض
لقيت كدمه في رجلي من أول لفه للكلب والستيد فكت عصاية الغيارات بسبب إن الصاموله الي ماسكاها طارت
فضلت أنقل برجلي لحد مالقيت مكان أجيب منه صاموله والموتسيكل رجع زي ماكان
الحمد لله بخير أنا والموتسيكل

مايستفاد من القصه :

أولا : إني لو كنت راكب وقتها ريسنج 250 او 400 أو أي ريسنج كان زماني في القبر وكان زمانكم بتدعولي بالرحمه

ثانيا : الله يرحم الكلب البلدي الي طلعلي لإن الصدمه كانت قويه والعربيات الي عالدائري ماسموش عليه

ثالثا : بحذر أي كلب بلدي أو غير بلدي من إنه يفكر يقف قدام ستيد لأن مصيره هايكون نفس مصير الكلب الي مات

رابعا : إزداد عشقي وإحترامي وتقديري للستيد لثباتها وعالطريق وقوة تحملها للحوادث

خامسا : ربنا يكفينا ويكفيكم الشر وأتمني من الله إن محدش يتعرض لموقف زي الي إتعرضتله في الحادثه

سادسا : بأنصح أي حد راكب ريس يفكر ألف مره ويحاول يركب كاستم لأن الريسنج بالنسبالي أكل عيش ليس أكثر

والله الموفق
أخوكم إبراهيم أسعد

بصراحة استاذ ابراهيم بجد والله انا حبيتك فى الله من كتر من الناس بتشكر فى ذوق حضرتك وطريقة تعاملك حتى معانا هنا فى المنتدى وفعلا انا بضم صوتى لصوتك الريسينج بايك خطورة كبيرة جدا بس عيب الكاستم واحد مفيش غيره جنننننننننوط سلكوفى شوارعنا يبقى كل يوم رايح لبتاع الكاوتش

المشاركة الأصلية كتبت بواسطة alfath8

بصراحة استاذ ابراهيم بجد والله انا حبيتك فى الله من كتر من الناس بتشكر فى ذوق حضرتك وطريقة تعاملك حتى معانا هنا فى المنتدى وفعلا انا بضم صوتى لصوتك الريسينج بايك خطورة كبيرة جدا بس عيب الكاستم واحد مفيش غيره جنننننننننوط سلكوفى شوارعنا يبقى كل يوم رايح لبتاع الكاوتش

حبيب قلبي مش للدرجه إمال لوكنت ساكن في مكان فيه مغالق تجارة أخشاب كنت هاتعمل ايه
الناس كانت عندنا بتبكي من كتر المسامير لغاية ما الشارع إتسفلت والحمد لله ولا مسمار أما بالنسبه لإنفجار الإطارات دي ماتحملش همها
طول ما الداخلي عندك جديد وسليم مش هاتشتكي لأن الكاوتش الخارجي للستيد الأمامي والخلفي محمل أوي "اللحميه أو التخانه بتاعته عريضه" وده بيصعب عالمسمار الوصول للداخلي

المشاركة الأصلية كتبت بواسطة johnghaly

الحمد لله يا ابراهيم وجت سليمه الحمد لله

الله يخليك ويحفظك وربنا مايوريك مكروووه

المشاركة الأصلية كتبت بواسطة karembob

حمدلله علي السلامة يا استاذ ابراهيم
وبخصوص الاستيد كنت عاوز اسال علي الشكمان الكوبرا او المكرونة بيجاب منين وبكام

الله يسلمك ياباشا
أما الشكمانات تلاقيها عند أحمد فهمي في العجوزه وده طبعا غالي نوعا ما
أو عند السداوي بجوار عمرو الشيخ بتاع الفايبر وده كمان غالي نوعا ما هو كمان
أو عند تامر لاشين مدينة نصر وده بردوا غالي نوعا ما
يعني من الأخر وقعت في شلة مغلوانيه والأحسنلك تجيبو من عالنت وتشوف سابلاير يكون شامل تكاليف الشحن
ياإما عليك وعلى السداوي وتدخل الشكمن بتاعك في الشكمان الي يعجبك وتدفع حوالي 600 جنيه تحت العجز والزياده وممكن تزيد شويه لـ 650 جنيه
أكتر من كده تقوم شاتمه وتطلع تجري بالموتسيكل وماتروحلوش تاني ههههه

ياإما تريح دماغك وتفصلك إتنين عند أي حد فاهم زي عنتر زهران أو يوسف زهران وتروح تنكلهم إنتهى المشوار
وأي خدمه
أخوك إبراهيم أسعد