المقابله القادمه الخميس 21-4 - ارجو سرعه التسجيل

**HotRide** · 18-04-2011 01:47 PM

سلام عليكم يا هونداويا

يا شباب بنائا علي ارئكم الميعاد بقي الخميس القادم ان شاء الله

الي جي بأذن الله يقول هنا جي و بعدها يبعتلي علي خاص رقمه بس عايزين نعمل مقابله جامده و تصوير كتييييييييير و كده

بس الوقت و المكان لسه متحددش كله يقول اقترحاتو
و هبدأ انا

مدينه الرحاب....اولا عشان وصول من دائري سهل كمان نبعد شويه عن الخنئه و زحمه و كمان مليانه كافيهات كويسه و اماكن تصوير حلوه جدا

بس بسرعه يا شباب بقي يلاااااااااا

**sanhory** · 18-04-2011 02:54 PM

يلا بينا أنا معاكم إن شاء الله وأهو نشوف الناس الحلوة اللي في المنتدى

**EK4** · 18-04-2011 03:33 PM

شباب
أنا أنشاء الله هاكون موجود أنا و أخوي
بالنسبا للرحاب, اقطراح كويس وبفضل الParking الجنب السنترال عند الصيدلية علشان الParking ده كبير
بس ليا طلب في جيش بيكون واقف هناك
غير انها منطقة سكنية فا بلاش شوغل العربة الطائشة يعني بلاش Burn ولا تخميس ولا أي حاجة
خلينا نأضي يوم لطيف خفيف نتعرف علي بعض ونساعد بعض ونستمتع باليوم

**tarekzein** · 18-04-2011 07:15 PM

موافق ولو إن المشوار هيبقى بعيد شويتين

بس ماشى .... شغاااااال

**HotRide** · 18-04-2011 07:31 PM

المشاركة الأصلية كتبت بواسطة sanhory

يلا بينا أنا معاكم إن شاء الله وأهو نشوف الناس الحلوة اللي في المنتدى

هتنور يا باشا والله :) !!
اوعي تتأخر بقي ;)

المشاركة الأصلية كتبت بواسطة EK4

شباب
أنا ان شاء الله هاكون موجود أنا و أخوي
بالنسبا للرحاب, اقطراح كويس وبفضل الParking الجنب السنترال عند الصيدلية علشان الParking ده كبير
بس ليا طلب في جيش بيكون واقف هناك
غير انها منطقة سكنية فا بلاش شوغل العربة الطائشة يعني بلاش Burn ولا تخميس ولا أي حاجة
خلينا نأضي يوم لطيف خفيف نتعرف علي بعض ونساعد بعض ونستمتع باليوم

طيب تمام اوي و تنور انت و اخوك :)
و burn ايه و شغل ده مش بتعنا انت تعرف عننا كده !! احنا شباب هوندا و الهوندا لو اتعمل بيها كده يبقي اخنا مش مقدرين احنا ركبين ايه

المشاركة الأصلية كتبت بواسطة tarekzein

موافق ولو إن المشوار هيبقى بعيد شويتين

بس ماشى .... شغاااااال

منتظرينك يا كبير و ان شاء الله يكون يوم جامد :)

يلا يا شباب انتو فييييين الباقي فييييين !!
و يريت اليجي يبعتلي رقمو علي الخاص و رقمي علي كل حال 0106942591

**SAMEH_FOUAD** · 19-04-2011 01:18 AM

بقولك اية انا موافق بس لازم الرحاب دية بعيدة جدا والطريق خطر بليل كدة هنضطر نتقابل بدرى ونروح بدرى يعنى اى حد مثلا بيمشى مش شغلة على 3-4 كحد ادنى وبيكون فى بيتة على خمسة مثلا , عشان يظبط حالة ويجي مش اقل من 8 مساء هيقعد ساعة ويرجع عشان الحظر ومخاطر الطريق ويعدين فية ناس كتير ممكن ماتعرفش تروح

انا اقترح مقابلة جامدة جدا جدا وقريبة , ومسلية فى نفس الوقت

اية رايكوا نروح مركز البولينج اللى قبل بانوراما 6 اكتوبر الى على طريق صلاح سالم قدام عمارات العبور

هناك فية اكل عشان معتوق طبعا , وفية مشاريب جامدة , وفية كمان بولينج وبلياردو ونقدر نروح براحتنا وفى اى وقت ونمشى فى اى وقت بدون قلق وقريبة من الجميع شوفوا كدة وقولوا رايكوا على الاقتراح دة

**wellfine** · 19-04-2011 08:47 AM

وانا معاكم سواء فى الرحاب او فى البولنج
بس فعلآ الرحاب احسن
يا استاذ سمسم متنساش بورسعيد و إحنا رجعنا الساعه كام
والله اكبر لو فى خطر يبقي هو SIR بيعمل إه فى العربيه بيشغل المساحات بس
خلاص سمسم يا جماعه مش عايز موتور المساحات ال SIR بتاعه حد شاري p:

**SAMEH_FOUAD** · 19-04-2011 03:10 PM

المشاركة الأصلية كتبت بواسطة wellfine

وانا معاكم سواء فى الرحاب او فى البولنج
بس فعلآ الرحاب احسن
يا استاذ سمسم متنساش بورسعيد و إحنا رجعنا الساعه كام
والله اكبر لو فى خطر يبقي هو sir بيعمل إه فى العربيه بيشغل المساحات بس
خلاص سمسم يا جماعه مش عايز موتور المساحات ال sir بتاعه حد شاري p:

يعنى هو انا اقدر اسيب اصحابى واخلع بردة تعرف عنى كدة , بس والله البولينج هيبقى احسن بكتير ونشوف الاغلبية بردة بس خلى بالكوا الخميس كدة هيبقى مضروب بالنار انا برجع ن شغلى على 3:30 وبيبقى الطريق واقف جدا على العموم انا لا ارجح الخميس اصلا بس انتوا اللى عايزين كدة

-

الموضوع: المقابله القادمه الخميس 21-4 - ارجو سرعه التسجيل

LinkBack

أدوات الموضوع

عرض

المقابله القادمه الخميس 21-4 - ارجو سرعه التسجيل - انشر الموضوع فى :

-

-

المواضيع المتشابهه

هي المقابله القادمه امتي يا شباب ؟!

عن معاد المقابله القادمه

هام لكل الاعضاء - بخصوص المقابله القادمه

المقابله القادمه والظرف الاستثنائى.

ميعاد المقابله القادمه

الكلمات الدلالية لهذا الموضوع

المفضلات

المفضلات

ضوابط المشاركة