يا جماعة حد يصدق انى بقالى 4 شهور فى انتظار تغير حزام الامان للسائق (صنى 2011) و فى الضمان السيارة عدادها 2600 كم فقط علما بانى دائما التزم يقينا بربط الحزام لاهميته عند الحادث و الان مضطر للقيدة دونه .اتصلت عشرات المرات (م/ محمود) دون جدوى و الرد الاسبوع القادم يا فندم بجد حاجة تزهق و تجعلك تكره العربية برجاء لو حد يقدر يساعدنى مع هذا التوكيل اكون شاكر فضله :_Alshmokh22[1]:.
هو ممكن يكون ناقص عندهم فعلا او في التوكيلات كلها حضرتك احسن حاجه تتصل بجميع فروع التوكيل في القاهره علشان ماتقررش انه تقصير من التوكيل او هو موجود عندهم و مش عايزين يطلعوه و انه ممكن يكون تقص في التوكيلات كلها و لو لاقيته تحاول تيجي و تركبه طالما هو مهم اوي كده بالنسباالك
و ياريت تحكيلنا ايه سبب تغير الحزام لاني اول مره اسمعها انه اتغير في عربيه صني .... ياريت تحكيلنا تجربة من البدايه
ممكن تقولى على اسم حضرتك بالظبط ومع مين موضوعك هناك اسم اللى متولى الموضوع
وانا حكلم لحضرتك حد يشوف القصة دى
واكيد فى حاجة ناقصة ومش متوفرة عشان كدا مفيش رد على حضرتك
معلش لازم نصبر
وبعدين مش حكاية انها مشكلة غريبة اوى حاجة , وارد تلاقى اى عيب بيظهر عند حد مش موجود عند حد تانى
وعلى فكرة الكلام ده فى كل فئات السيارات بانواعها اللى غير نيسان
انا عندى فى عربيتى مفروض اغير علبة بيئة وعلبة شكامن خلفية من شهر 12 وبيبعتوا يجبوها من بره , والواحد صابر لان حصل مظاهرات وقلق فى البلد وحصل كمان قلبان فى اليابان , وكل فترة بسالهم ولسه , فعادى جدا , مع انها مشكلة كبيرة
بس الحمد لله على كل شى
فانشاء الله خير , ودى مشكلة بسيطة , والحمد لله انها مجتش فى حاجةكبيرة فى العربية وباذن الله تتحل على خير
تحياتى
انا اتصلت لحضرتك بخصوص موضوع للفرع اللى فى مصر فى المركز الرئيسى وادينى بس يومين حبعتك لواحد فى اسكندرية
مهندس هناك اكتف جدااا وحيحل لحضرتك كل امورك , بس انا بقولك يومين بس لان الشخص ده عنده حالة وفاة ,
وربنا يكرم الحال وان شاء الله تتحل على خير
تحياتى
عاجز عن الشكر للجميع على المساعدة و خصوصا أ/أحمد
الموضوع مع م/محمود (مودرن الحضرة).
انا اسف على التاخير فى الرد
انا جبت لحضرتك رقم تليفون ناس هناك فى توكيل الحضرة ان شاء الله يسرعوا لحضرتك الموضوع
وياريت تبلغنى وتطمنا , عشان نتابع معاك
وبعت لحضرتك رقم لشخص هناك حيساعد حضرتك فى تسريع الموضوع
وان شاء الله خير
أيوة يا عم ما هي كوسةاقتباس:
المشاركة الأصلية كتبت بواسطة ahmed.tv
لكن لما كنت انا عايز حاجة من هناك قولتلي معرفش حد هناك في الحضرة
ماشي يا عم ahmed.tv
اقتباس:
المشاركة الأصلية كتبت بواسطة mok3336
- وهل تعتقد , ان لو اعرف وقتها حد هناك مكنتش حقولك !!!!!!!!!!
- وهل تعتقد ان الراجل ده انا عارفه وفي سابق معرفة بينى وبينه عشان اجامله واكوس معاه !!!!!
- انا كنت من يومين فى موردن ابورواش سالت للراجل ده وباقى الناس على حد فى مودرن , والناس عرفونى بالمهندس اللى فى اسكندرية
- الواحد الحمد لله كل يوم علاقته بتزيد بالناس بالتوكيل ودى نعمة الحمد لله بحمد ربنا عليها نتيجة ذوق الواحد مع الناس وعلاقته الطيبة
وكل اللى بتتعرف عليهم فى التوكيل بحاول اوظفهم واوظف العلاقات دى لخدمة اعضاء النايل موتورز
- والله ده حتى احيانا بيكون عندى مشاكل فى عربيتى ومفروض احلها فى التوكيل لما بروح , ومع ذلك بضيع وقت هناك فى الكلام عن مشاكل الاعضاء وبحاول احل اللى بقدر عليه من المشاكل دى
- غير الفترة اللى كنت بتسال فيها انا كان ساعتها عندى ظروف اكيد , وفى حاجة كانت مخلتنيش اقدر اخدمك
واعتقد لو كان فى ايدى حاجة مكنتش حتاخر عنك ابدا ولا عن اى حد غريب او قريب
- ومرسى على حسن ظنك وتقديرك يا موك باشا
هههههههههههههههههه .... والله العظيم عجب
انا اعرف ان الكوسة معناها لغة انك تمشي امورك مع الشخص اللي قدامك وده علي حساب حد تاني مدفعش قد اللي شغال بالكوسة
وده بيخلينا نفكر في حاجتين كظن سوء (ربنا يعافينا)
1- ان Ahmed .tv اخد من الراجل ده فلوس اكتر من حضرتك علشان يمشيله اموره
2-انك احق بالخدمة ديه من غيرك.
نيجي لرقم (1)
انا مش هاتكلم علي احمد ولا علي كل اللي بيعملوا معانا ومع ملاك النيسان من الصني للمورانو
انا هتكلم ان الناس ممكن تدفع فلوووووووووووس علشان تتعرف علي الراجل ده بس مش علشان يخدمها ويقضيلها مصالح... وانامشوفتش فرق في تعامل لأحمد عن اي عضو تاني واللي بيقدر عليه بيعمله
في اكتر انه يجيب لاعضاء جدد خصم ممكن يوصل ل3000 جنيه ... وطبعا مش بينصص مع المعارض ولا حاجة.
نيجي بقي رقم 2وديه نتيجة طبيعية لرقم 1
ان احمد لما بيتعرف علي ناس محترمة ... والله والله ممكن يدلهم عيونه وميستخسرش فيهم ابدا
احسبه علي خير ولا ازكيه علي الله
واي عضو هنا بفضل الله عارف المجهود الجبااااااااااااااااااااا ااااااااااااااااار اللي احمد بيعمله معانا في القسم
ومعني انه مقدرش يخدم حد في وقت معين انها تبقي كوسة
انا اسف يا بو حميييييييييييييد ..... هي ديه مش حاجة مستخبية عن حد .... ده اللي ظاهر بس تذكرة للناس
تقبل مروري
إية يا جدعان انا بقول الكلمة بهظار انتم كبرتوا الموضوع كده ليه
و خليتوة سوء ظن و حجات كده ؟؟؟
لا حول ولا قوة الا بالله
علي العموم لو الكلمة زعلتك قوى كده يا استاذ احمد انا ياسيدى لتانى مرة بهظر معاك و مش هتحصل تانى لو ده بيديقك