الموضوع: تاخير تغير حزام الامان للسائق .. مع مودرن موتورز الحضرة-الاسكندرية

انا اسف على التاخير فى الرد

انا جبت لحضرتك رقم تليفون ناس هناك فى توكيل الحضرة ان شاء الله يسرعوا لحضرتك الموضوع

وياريت تبلغنى وتطمنا , عشان نتابع معاك

وبعت لحضرتك رقم لشخص هناك حيساعد حضرتك فى تسريع الموضوع

وان شاء الله خير

المشاركة الأصلية كتبت بواسطة mok3336

أيوة يا عم ما هي كوسة
لكن لما كنت انا عايز حاجة من هناك قولتلي معرفش حد هناك في الحضرة
ماشي يا عم ahmed.tv

- وهل تعتقد , ان لو اعرف وقتها حد هناك مكنتش حقولك !!!!!!!!!!

- وهل تعتقد ان الراجل ده انا عارفه وفي سابق معرفة بينى وبينه عشان اجامله واكوس معاه !!!!!


- انا كنت من يومين فى موردن ابورواش سالت للراجل ده وباقى الناس على حد فى مودرن , والناس عرفونى بالمهندس اللى فى اسكندرية


- الواحد الحمد لله كل يوم علاقته بتزيد بالناس بالتوكيل ودى نعمة الحمد لله بحمد ربنا عليها نتيجة ذوق الواحد مع الناس وعلاقته الطيبة
وكل اللى بتتعرف عليهم فى التوكيل بحاول اوظفهم واوظف العلاقات دى لخدمة اعضاء النايل موتورز

- والله ده حتى احيانا بيكون عندى مشاكل فى عربيتى ومفروض احلها فى التوكيل لما بروح , ومع ذلك بضيع وقت هناك فى الكلام عن مشاكل الاعضاء وبحاول احل اللى بقدر عليه من المشاكل دى

- غير الفترة اللى كنت بتسال فيها انا كان ساعتها عندى ظروف اكيد , وفى حاجة كانت مخلتنيش اقدر اخدمك
واعتقد لو كان فى ايدى حاجة مكنتش حتاخر عنك ابدا ولا عن اى حد غريب او قريب


- ومرسى على حسن ظنك وتقديرك يا موك باشا