سؤال ومحتاج جواب من كل واحد في شعب مصر
سلام عليكم ياشباب امه محمد من نايل موتورز
اول امبارح كنت بقرأ جريده المصري اليوم في عددها الصادر يوم السبت 16-4-2011
ولقيت الخبر ده
http://www.almasry-alyoum.com/articl...ticleID=293811
قلت كل واحد وبراحته ارض وبعد ما نمتلك الارض حنقيم الشريعه الاسلاميه ونطبق الحدود
مش عارف ارض ايه اللي بعد ما يمتلكوها حيقيموا الحدود دي بس ما علينا
المهم تاني يوم بفتح الجريده نفسها في عددها الصادر يوم الاحد 17-4-2011
ط§ظ„ظ…طµط±ظ‰ ط§ظ„ظٹظˆظ… | ط´ط¨ط§ط¨ ط§ظ„ط«ظˆط±ط© ظˆط§ظ„ظ‚ظˆظ‰ ط§ظ„ط³ظٹط§ط³ظٹط© ط¶ط¯ آ«ط¯ظˆظ„ط© ط§ظ„ط¥ط®ظˆط§ظ†آ»
شباب الثوره ضد اللي قالوه الاخوان عن اقامه دوله الحدود
ياحلاوه ياولاد
طب بعيدا بقي عن الاخوان واللي قالوه وعن طريقه تطبيقه
وبعيدا عن شباب الثوره وائتلافهم
ياجماعه
ياشباب مصر العاديين الغير منتمين الي اي احزاب سياسيه
هوا انتو فعلا مش عاوزين بلدنا تطبق الشريعه الاسلاميه؟
بمعني اخر
لو جه حاكم مصر بعد سنه من تولي حكمه شاف انه عشان مصر تبقي قويه لازم الدين فيها يبقي هوا الحكم
وان ذنوب الناس اللي في مصر دي في رقبته وحيحاسب عليهم لان كل راع مسؤول عن رعيته
ومش بتكلم دلوقتي عن حكم طالبان اللي كل يومين يفجروا نفسهم في المدنيين بدون ادني سبب
ولا حكم تنظيم القاعده اللي موراهومش حاجه غير تفجير في كل بلد شويه
بتكلم عن الحكم اسلامي علي طريقه رسول الله
حكم اسلامي بجد يخلي بلد من جاهليه تبقي اعظم امه في تاريخ الامم
هل فعلا شعب مصر مش عاوز يتحكم حكم اسلامي؟
يعني لو جه حاكم شعب مصر قال اني حقفل الكباريهات
وحقفل السينما والمسارح والملاهي الليليه
الخمور تتشال من جميع فنادق مصر
حلغي مسلسلات رمضان
حنفصل بين الجامعات
حنخلي البنات لوحدها والولاد لوحدها
لو شفنا واحده لابسه لبس مخل بالشريعه الاسلاميه او شباب بتشرب مخدرات حيتعاقبوا
وبعض القرارات الاخري اللي اكيد هيا من صميم الشريعه الاسلاميه
هل الراجل ده حيستمر في الحكم ولا حتطلع مظاهرات تطالب بتنحيه عن الحكم لانه بيرجعنا لزمن الرجعيه والتخلف والجاهليه وده كلام ناس كتير اوي اوي من طبقه المثقفين والادباء وبعض سيدات المجتمع وناس عاديه بردو
هوا احنا شعب مصر عاوزين نبقي متدينين ولا احنا عجبانا عيشه مارينا والساحل والمايوهات والعري وافلام خالد يوسف وغاده عبد الرازق
هوا احنا لو طبقنا الشريعه الاسلاميه حنكون زي السعوديه؟
مناظر خارجيه بس جلاليب ونقاب وعندهم هيئه امر بالمعروف ونهي عن المنكر
ولكن المجتمع بداخله يحمل انحلال اخلاقي في جميع طبقاته بسبب ما يقولون عنه كبت الحريات
واللي بسببه بييجوا مصر هنا يقلعوا وستاتهم تبقي اخر انحلال ورجالتهم قمه السفاله ؟
احنا نفسنا نكون ازاي
وهل احنا عاوزين حكم اسلامي وشريعه اسلاميه ؟
ولا احنا عجبانا الحياه دي
* ياريت النقاش يبقي متحضر وراقي وياريت اللي رافض يذكر اسباب رفضه واللي موافق يذكر اسباب موافقته مش كل ما نعمل موضوع يتقفل ويتوقف 6 7
:)