أول عطل مفاجيء يحصل لي أوبل فيكترا 2001
السلام عليكم
أخوكم محمد شعراوي
أشتريت أوبل فيكترا 2001 موتور هاف انجيكشن 1600 سي سي الشكل اللي من غير جلد في الاكصدامات تقريبا انتوا بتقولوا عليه موديل سي من شهر واحد تقريبا
النهاردة الصبح العربية سخنت وأنا رايح الشغل عند ميدان تريومف كده ووصلت فوق ال100 بشويه
المهم ركنت وبطلت العربية
فتحت الكبوت وتوكلت علي الله وقلت ابص يمكن افهم حاجة لقيت فيه مياه بتنقط من الموتور من حته كده داخلة لجوه تحت المشترك بتاع الشكمان بشوية :crying1:
المهم اعدت ادور علي ميكانيكي لحد ما دلوني علي واحد في شارع الاسود اسمه عم عابدين
[caution]عم عابدين قالي دي طبة المية ولازم العربية تبرد علشان تتغير وأوعي تمشي بيها كده[/caution][warning]هاخد 50 جنية مصنعيةغير تمن الطبة 10 جنية[/warning]
المهم فضلت قاعد جنب العربية لحد الظهر علي ما بردت وابتدي يفك فيها هو وصنايعي معاه
والمفاجأه لقيت عم عابدين هو كمان راكب اوبل موديل 96 الشكل القديم وبيفهم شويه في الاوبل مع انه بيقول ان عربيته مكفرة سيئاته وكان بيها يوم السبت في الحرفيين
راح للعايدي بتاع قطع الغيار المستعملة والعايدي بعته عند ميكانيكي علشان عنده جهاز يقوله ايه العطل لانها بتغيب في الدوارة الصبح
وبتاكل بنزين بالهبل
وطبعا لما قلتله ايه ياعم عابدين ده كلام بقي ميكانيكي يروح يصلح عربيته عند ميكانيكي تاني برضه كان رد فعله:angry26::angry26::angry26::I_angr1[1]: :untitled 1:
وهكذا اكتشفت ان ده كان سر عسكري ومش لازم حد يعرفة
:11::O_stupid[1]::Copy of majd(4)::dontudear:
المهم نرجع لموضوعنا
الحمد لله فك وركب وحطيت مية رادياتير جديدة فرنساوي ب
35 جنية جركن اصفر كده بس ايه بقي شكل المياه عجبني اوي:10D5C8w1107: حسيت انها قريبه من الزيت بس لونه اخضر مش مية دايب فيها حاجه خضرا لا لا مياه خضرا فعلا
وده كان أول عطل مفاجيء لي مع عربيتي اللي لسه جايبها من شهر تقريبا
ودمتم في امان الله
:tumb::tumb::tumb::tumb::Bravo: