الموضوع: أول عطل مفاجيء يحصل لي أوبل فيكترا 2001

المشاركة الأصلية كتبت بواسطة m_sh82

المهم يا باشوات سؤال بس ركزوا معايا شويه أنا معايا مبلغ بسيط وعايز أعمل بيه حاجه في العربيه وبالتالي لازم أختار هعمل ايه

حاله العربيه كالاتي

1- عصايه الفتيس فيها بوش جامد وفي واحد قالي دي عايزه حشو
يا باشا
ليها حلين
يا اما تفكها و تروح عند بتاع جوانات يفصلها جوان فل على كاوتش على قدها و تشحطها مكانها
يا اما تغيرها بواحده استيراد لو منفعشى فيها تصليح
2-البنز الصغير اللي في التابلوه بتاع العداد الصغير بتاع الكيلومتر مش موجود والعدادت من جوه متوسخه جدا والاضاءه بتاعتها عايزه تتظبط هي وزرار الانتظار
كده لازم التابلوه ده يطلع بره يتفك و يتغير اللمض بتاعته بلمض اصلى المانى و يتغسل غسله محترمه
البنز ده شوف حد بتاع عدادات يركبلك بنزمن عداد تانى
زرار الأنتظار لو لمبته محروقة هيتغير عشان مفيش صنايعى عنده خلق يفكه و يغير لمبته
و هاته استيراد مش جديد
انوار التكييف و بكرته و الكلام ده كله لوفيه حاجة لمباته بتتغير عادى
3-الشاشه الاليكترونية مقطعه وكمان انا نفسي اعرف ايه فايدتها هل الساعة والتاريخ ودرجة الحراة بس ولا ليها استخدامات اخري المهم سألت عليها لقيتها ب 300 جنية
ملهاش استخدامات تانى
بس لما بتبقى كده شكلها بيبقى وحش
و بيشتغل عليها الكاسيت
4-الكاوتش عايز يتغير وعلي الاقل الاتنين اللي قدام وده لان الدريكسيون بيلف سنه شمال لوحده وبتاع الزوايا قالي لازم تغير
كاوتش
هات فردتين قدام
و نقى جوز لورا يكونوا نضاف
و رصص
انت المقاس عندك 14 و لا 15
5-المارش مش بينور النور الابيض اللي في الفوانيس ورا
دى مكنه فى الفتيس
ب 30 جنيه على ما اتذكر و بتاعت الدايو بتركب عندنا

ايه بقا رأيكم اعمل ايه وبعدين الاولوية لايه ثم لايه


أنا عايز اروح الحرفيين بكرة اللي هو السبت يعني وياريت تقولولي اروح عند مين

وربنا يخليكوا ويعمر بيوتكوا وحسنة قليله تمنع بلاوي كتيرة
وشكرا يا باشاوات

الشغل ده كله مش محتاج حرفيين و لا حاجة
ده كهربائى نضيف جنب البيت يلفهالك فى ساعتين زمن