دي داينيزي من اشهر و اجود صانعي منتجات السيفتي في العالم و دي شركة ايطالية مشهورة جدا في المجال ده من سنة 1972 و لو قعدنا نتكلم عن منتجاتها مش هانخلص و لو كتبتو dainese علي اليوتيوب هاتلاقو كمية فيديوهات متنوعة عن منتجاتها و ده الموقع بتاعها
dainese و بالمناسبة انا شايف ان حضرتك مفروض ماتهتمش برأي الناس في الموضوع ده لأن سلامتك اهم مليون مرة و بعدين انا اعرف ان حضرتك بتركب سوزوكي 600 و انا شايف ان الجاكت ده مناسب جدا للنوعية دي هو يمكن لونه ملفت شوية لكن عادي انت حر تلبس اللي يناسبك ثم انك لو مشيت ورا كلام الناس مش هاتلبس خوذة حتي لان معظم الناس مابتهتمش بالموتوسيكلات بالشكل اللي يسمح لها انها تفهم الكلام ده يعني و بيتعاملو غالبا مع الموتوسيكل زي العجلة يعني ممكن
يركب الموتوسيكل بصندل او شبشب و لو لبس خوذة مابيبقاش حريص انها تكون نوع جيد لانه مش مدرك اهميتها اصلا و فيه ناس كتير بتتكسف تلبسها اصلا و فيه ناس برضه عنده موتوسيكلات غالية و مابتلبسش خوذة و في ناس عندها بس بتلاقيه غالبا رابطها علي التنك بتاع الموتوسيكل مش علي دماغه لان كده بيبقي شكلها اشيك علي اي حال الموضوع مرتبط بالثقافة و بالتالي انا شايف انك تسيبك من كلام الناس و اعمل بس اللي انت مقتنع بيه .