المشاركة الأصلية كتبت بواسطة mmamdouh
معلش انا فيه حاجة مش فاهمها...
هى نقلات الفتيس بتاع ال1300 اخرها كام؟؟؟
اصل من اللى انا شايفة دة نقلات الفتيس ال1600 اصلا قصيرة فا هل ال 1300 اقصر من كدة؟؟؟
منطقيا كل ما المكنة كانت صغيرة كل ما نقلات الفتيس لازم تبقى قصيرة و دة نتيجة ان عزم المكنة قليل و العكس بالعكس المكنة اللى عزمها جامد بيبقى راكب عليها فتيس نقلاتة طويلة... مثال على كدة البيتلز القديمة كان فتيسها قصير جدا و الاول اخرة 25 و التانى 50 و التالت 75... و فى عربية واحد صاحبى bmw فيها مكنة 3500 كان التالت عندة اخرة 180
من الارقام المكتوبة للفتيس بتاع ال1600 انا شايف انة قصير مقارنة مثلا باللانوس... احنا عندنا الاول 48 و التانى 82 و التالت 125 و الرابع 160 و دى عربية 1500... النوبيرا اللى فيها مكنة 1600 الاول فيها 60 و التانى 95 و التالت 140 و الرابع 180... اذا كمل ما المكنة كبرت كل ما طول النقلات بيزيد...
اللى مش قادر افهمة ازاى نقلات الفتيس بتاع المكنة ال1600 قصير بالشكل دة؟؟...
و هل معنى الكلام دة ان الفتيس بتاع المكنة ال1300 اقصر من كدة؟؟؟
اصل من الناحية النظرية: تحسين التسارع بيجى من فتيس نقلاتة قصيرة... اذا المفروض ان الفتيس بتاع ال1300 يدى تسارع احسن لان نقلاتة قصيرة عن ال1600... الا اذا كان فى الفيليشيا الموضوع ماشى بالعكس و دى تبقى حاجة غربية جدا
ارجو يا جماعة حد يوضح ليا الموضوع دة او على الاقل يقول اخر النقلات كام فى الفتيس بتاع المكنة ال1300
mmamdouh