احترت كتير... فيرنا أوتو ولا ساجا أوتو؟؟

**amazingahmed** · 19-04-2011 06:21 PM

أنا قريت كتير عن الفيرنا أوتو و الساجا أوتو و الإتنين فيهم مزايا و عيوب (بالنسبة للسعر لأني عارف أني مش بشتري مرسيدس). و أنا عاوز أختار ما بينهم و محتار آخر 25 حاجة.
فقلت أطلب مقارنة من الناس الحلوة اللي في المنتدى علشان أعرف الدفة هتروح لأنهي عربية.... :b4_592:

**ezzeldin1234** · 19-04-2011 06:45 PM

مبدئيا حط فى اعتبارك ان غبور بدأ يهمل تقفيل الفيرنا وانا بكلمك عن تجربه انا معايا فيرنا 2011 فول اوبشن مانوال لسه شاريها من شهرين بس حاسس فيها بعيوب تقفيل كتير مع ان الموتور ما شاء الله جامد جدا

**adel1212** · 19-04-2011 07:08 PM

نصيحة
لو عايز تتمتع بعربية ابعد عن غبوووووووووووووووور
التوقيع
واحد مش بيسمع النصيحة

**moko_2004** · 19-04-2011 07:46 PM

مع احترامي لكل الأخوة الفرناوية و الموضوع اصلا كان المفروض يبقي في قسم المقارنات بس رأيي الساجا عربية حلو جدا وفي رأيي هي احلي من الفرنا المانيوال ما بالك الأوتو و لكن يعيبها ان قطع غيارها نادرة برة التوكيل و غالية عن اختها الكبيرة الجين 2
بس بيني و بينك قطع غيارها معمرة نسبيا
الفرنا عربية مية المية بس اول ما تجيبها تجنط جنط 15 و تعرض الكاوتش و امشي بعد كدة براحتك و قطع غيارها متوفرة جدا جدا وارخص
من ناحية توفير البنزين الساجا موفرة اكتر لأن موتورها 1300
مع ان الفرنا احسن مثلا من اللانوس في حتت البنزين دي علي حكم انهم الأتنين 1600
هذا هو رأيي و لك حرية الأختيار

**amazingahmed** · 21-04-2011 09:24 AM

أولا أنا متأسف على أن المشاركة مش في قسم المقارنات.
ثانيا أنا متشكر للاهتمام

ثالثا أنا قريت كتير عن الاتنين و عاوز رأيكم....
الساجا: توكيل نص نص و قطع غيار غالية و استهلاك بنزين عالي و ثبات عالي و كماليات أكتر و فتيس متسوبيشي - عربية صناعة ماليزي
الفيرنا: توكيل كويس و قطع غيار رخيصة و أي ميكانيكي يشتغل فيها و استهلاك بنزين نص نص و ثبات قليل و فتيس كوري- عربية صناعة كوري

إذن الساجا تكلفة تشغيلها أعلى و سعرها أرخص و الفيرنا تكلفة تشغيلها منخفضة و سعرها أعلى :b4_592:

يبقى مين الأفضل؟؟؟

**MISS_MONA** · 21-04-2011 06:50 PM

الفيرنا حماله اسيه

**sayed911** · 21-04-2011 07:02 PM

الساجا: توكيل نص نص و قطع غيار غالية و استهلاك بنزين عالي و ثبات عالي و كماليات أكتر و فتيس متسوبيشي - عربية صناعة ماليزي
الفيرنا: توكيل كويس و قطع غيار رخيصة و أي ميكانيكي يشتغل فيها و استهلاك بنزين نص نص و ثبات قليل و فتيس كوري- عربية صناعة كوري

اسمح لي ان اصحح لحضرتك معلومتين ثلاثة ..
التوكيل بتاع بروتون ليس بدرجة سئ ولكن على مقياس من 1 الى 10 يحوز على 7 كفاية دعم التوكيل في آخر وقفة من الكلام وحضرتك لو لفيت لفة في قسم بروتون ها تعرف انا اقصد ايه والمهنس آمر على رأس الناس اللي دائما آذان صاغية للملاك في كل المشاكل وبالذات كمان بعد افتتاح مركز عصام وصفا - انتا مش رايح تعمل صيانة في مركز تبع التوكيل لأ انتا تح انك رايح مركز تابع ليك ملكك ..
قطع الغيار احسبها بطريقة تانية مش بالطريقة دي بصلها منناحية الجين 2 اول ما نزلت مصر .. كانت قطع غيارها كام احنا النهاردة في 2011 قطع غيارها بقت بكام وهكذا .. !!!!
بصلها من ناحية التانية التكنولوجيا عالية طبعا !! بصلها من ناحية وائل الأمان الموجودة في الساجا واللي مأعتقدش انها موجودة في الفيرنا بأي طريقة من ايرباجز ولا دواعم وقضبان فولاذية وارفتاع جيد عن الأرض ونوتور اكثر من ممتاز وقوي وفتيس ياباني معروفة كفائته كثير جدا .. واعقتد حضرتك لو كت حضرت الإيفينت بتاع التوكيل امبارح كان فرق معاك جدا ورجح الكفة الى احد الجانبين ..
صدقني الساجا مكسب فعلا ... انا مش بقولها عشان هيا معايا ولكن فعلا بجد مكسب ...

**smartchoice** · 21-04-2011 07:28 PM

أنا معنديش ساجا و لا فيرنا بس ركبت الفيرنا كتير فى الشغل و ركبت الساجا مرة واحدة و حسيت أن موتورها خشن و صوته عالى بس هيا عالية عن الأرض و مبتحكش كتير زى الفيرنا و الكراسى اللى قدام قاعدتها معقولة
و ربنا يوفقك للى فيه الخير

**M.Alaa92** · 22-04-2011 08:53 PM

لو حضرتك معظم مشاوريك جوة البلد تبقى الفيرنا و عايز عربية بتجرى و متعرفش توقفها لو ختسافر و كدة تبقى الساجا

**amazingahmed** · 22-04-2011 09:16 PM

متشكر متشكر متشكر لكل اللي ردوا. ربنا يكرمكم و يباركلكم
أكيد هاخد الردود في اعتباري و هيكون ليها تأثير كبير في رأيي النهائي

الموضوع: احترت كتير... فيرنا أوتو ولا ساجا أوتو؟؟

LinkBack

أدوات الموضوع

عرض

احترت كتير... فيرنا أوتو ولا ساجا أوتو؟؟ - انشر الموضوع فى :

-

-

-

-

-

-

المواضيع المتشابهه

فيرنا أوتو vs. ساجا أوتو

لانسر 2007 أوتو ولا ساجا أوتو زيرو

أكسنت سبورت أوتو ولا أفيو أوتو

جى بى أوتو تواصل العروض المخفضة على فيرنا وحتى نهاية مارس

ممكن حد يفيدنى كيا ريا أوتو ولا نيو أكسنت أوتو؟

الكلمات الدلالية لهذا الموضوع

المفضلات

المفضلات

ضوابط المشاركة