الموضوع ده مش منقول في اي جريده لنل عرفته عن طريق واحد معرفه وقالي ان بعض لواءات الشرطه قالوا للظباط ركبوا فامبه لعربياتكم عشان الناس ماتفكرش انكم وقعتم خلاص والدليل فعلا ان في ظباط كتير ماكنوش مفيمين وركبوا الفاميه ايه رايكم دا صح ولا اشتغاله
عرض للطباعة
الموضوع ده مش منقول في اي جريده لنل عرفته عن طريق واحد معرفه وقالي ان بعض لواءات الشرطه قالوا للظباط ركبوا فامبه لعربياتكم عشان الناس ماتفكرش انكم وقعتم خلاص والدليل فعلا ان في ظباط كتير ماكنوش مفيمين وركبوا الفاميه ايه رايكم دا صح ولا اشتغاله
يا استاذى حاليا البلد كلها مركبه فاميه ومحدش بيكلم حد
وراى لو الكلام ده حقيقى يبقى هو عايز يعملهم زى دفع معنوى بانهم لسه زى ماهما ومحصلهمش حاجه وطبعا معترض مع المبدا
بص اى واحد هيتعامل بكبرياء او بعنتظه منهم ملهوش غير الجزمه
محترم وابن ناس نشيله فوق دماغنا
مش عارف مدى صحة الخبر المنقول لك بس حا أقولك حاجة العربية المفيمة الكل بيبص عليها و لو ظابط ذكى شوية لو كان مركب فيمية سابقا حاليا يشيلة أفضل لان الناس لو لاحظت أن دى عربية ظابط ممكن يحتكو بية يبقى الافضل أن العربية ما يبقاش فيها اى علامة مميزة تدل على هوية مالكها . و الظباط لعلمك بيلبسو ملكى و هما مروحين و بيشيلو الميرى فى شنطة العربية خوفا من حدوث أى مشاحنات أنت ناسى قصة ظابط المعادى شافو البارية اتلككو لة يبقى حا يفيم و يقول أنا أهوة
أنا شايف انه عادى يفيم براحته البلد دلوقتى كلها مفيمة و بتوع الفيميه شغالين الله ينور
فإشمعنا هما لأه....هنسيب كل المصليب اللى عندنا من مشى عكس إتجاه و مشى من غير نمر و التريلات اللى عاملة الدائرى حلبة سباق و اللى بتحمل حمولات زيادة و هتبوظ البنية التحتية للطرق (أو اللى باقى منها) و هنمسك فى ظباط مفيمين عربياتهم !!!!!!
الحل اني لو واقف في لجنه عشان فاميه او حزام مش هدفع مليم الا لما الاقي القانون بيطبق علي الكل في اللجنه
خلاص زمن الكووووسه انتهي
ياباشا مصلحه والله
خليهم يفيمو اغمق حاجه
علشان ما يشوفش وهو سايق ويلبس في حيطه انشاء الله
قال روح معنويه قال
بلا روح معنويه بلا بتاع
بغض النظر عن موضوع الظباط وممنوع ولا مش ممنوع
منطقيا كه الفاميه يركب على البابين اللي ورا بس
لكن تفيم اللي قدام ومتعرفش تشوف في مرايات الجنب
يبقى استهبال
السلام عليكم و رحمة الله و بركاته
أنا من رأيى أننا نكون مصريين ايجابيييييييييييييين و نستخدم الموبيلات استخدام محترم و نصور العربيات دى و أن الصور تكون شاملة النمر و اللى كاتب عالنمر من ورا Busy number نصور النمر اللى أودام و اللى كاتب الرقم بالCorrector pin على اللوحات يتصور و نجمع بتاع 50-60 صورة من مختلف أنحاء الجمهورية و نحطهم على صفحة الFacebook عالنت و نبعت منهم نسخة لوزير الداخلية و نشووووووووووووووفه هيعمل ايه؟؟؟؟
والله الي مايحترمش القانون والناس ياخد بالبرطوش
خلاص الناس عندها وعي مش زي الاول
العهد البائد انتهي خلاص ولن يعود
والدليل ان اي واحد لواء شرطة هيتعين محافظ الناس رفضاه غصب عن عنية ومش هيقبلوة لانة تابع للشرطة
â€ڈظˆظ‚ظپظ‡ ظ„طھط«ط¨ظٹطھ ط§ظ„ظپط§ظ…ظٹظ‡ ط¹ظ„ظ‰ ط§ظ„ط¹ط±ط¨ظٹط§طھ â€ڈ | Facebook
دة جروب على الفيس بوك, يا ريت نشترك فيه و نوحد جهودنا
الفامية يا إما يبقى قانونى (بنسبة محددة) يا يتمنع عن الكل, أنا مفيم الزجاج الخلفى دلوقتى و مستنى ظابط يوقفنى بقى , هشيل الفامية فى حالة واحدة, لما ظابط يعدى بعربيته و يوقفه و يشيل الفامية, ان شا الله أقف معاه للصبح
اية البجاحة بتاعتهم دى؟
ممممممممممممممممممم
يقولو للظباط فيمو
وينزلو بلجان تشيل فاميه من عربيات الشعب
يبقى ده اسمه ايييييييييه
حد شاف اللجان اللى بقت واقفه تعمل مخالفات وتشيل الفاميه من عربيات الشعب
مع انه من حقنا وكان مسموح بيه زمان
كل يوم بتأكد ان من اول يوم وزير الداخليه ده من ساعه ممسكها وهى حتخرب اكتر
ده بيدير البلد بنفس النظام السابق + انه نايم فى العسل وسايب البلطجه والحشيش والسلاح ومش عاوز يعمل حاجه
ياريت يا جماعة نسيبنا من المهاترات والهيافات دى ونسيب الشرطة تشوف شغلها واحنا كمان نركز فى حياتنا وشغلنا وبلاش الفتن دى يركبوا فيميه او يشيلوه هيضركوا فى ايه يعنى ياريت نخلينا فى نفسنا
فعلا الموبايلات كلها فيها كاميرا دلوقتي
بكل بساطة - صور - اطبع - ابعت - تابع النتيجة
السلام عليكم و رحمة الله و بركاته
طبعا السادة المستشارين و وكلاء النائب العام فى الليلة دى, مش هما أرباب القانون, يبقوا أول ناس يلتزموا بيه, العصر البائد بتاع, أنت مش عارف أنا مين!! ده :B4_592: , انتهى :Copy of m-s5::10D5C8w1107::hlopaet_prv:.
انتهى و عمره ماهيرجع تانى خالص, عمره ماهيرجع تانى و لا أنتوا رأيكم ايه؟؟؟؟!!!!
ما شاء الله موضوع بسيط وهوب بدا الهجوم علي الضباط ايه نار يا حبيبي نار
طيب ايه اللي ياكد كلام حضرتك
وهل اللي قال الكلام دا وزير الدخليه شخصيا ولا احد مساعديه ولا مين يعني في ترتيب قيادات الداخليه
طبعا ولا حد من الناس دي
مجرد اشاعه وهوب نبدا في الشتيمه في الشرطه
حضرتك نصيحه مني ما تسمعش لحاجه غير لما تكون من مصدر موثوق
وبعدين طيب ما الفميه شغال زي الفل يا راجل دا يوم 8 او 9 فبراير والله العظيم بتاع الفميه كان شغال اكتر من محلات الفول والطعميه
وتقولي ظباط
ومعلش بلاش نغمه اصل الحر والبهدله
انا مش عايز اتكلم والله العظيم بقت غرف نوم متحركه
بالله عليكم سيبكم بقي من الكلام اللي لا يودي ولا يجيب
يا سيدي لو الظباط هيركبو فاميه مصر كلها الحمد لله شبابها ركبوه خلاص يعني هما هيقلودونا مش العكس
ابقي اقنع الالوف اللي ركبت فاميه تشيله قبل ما تتكلم علي الظباط ولا الاخ اللواء العجيب اللي بيوصيهم انهم يحددو هويتهم علشان الناس تتعمد تحتك بيهم ويحصل ليهم مصايب
حضرتك معترض علي المخالفات
وانا وكمان ايه رايك نقضيها عكسي وفاميه وزينون وكسر اشارات وطبعا الدائري نسكار اللي بقي موجود كل يوم بس ما نعيطش يوم ما نفقد عزيز بسبب حدثه ونقول هيه الشرطه فين
الشرطه هتعمل ايه واحنا عايزينها فوضي
ده اللى أنا عمال أتكلم فيه يعنى بدل ما نستغل الموبيلات و انتشارنا فى كل مصر فى إن إحنا نرصد المخالفات اللى بنشوفها كل يوم ....لأ إحنا نمسك الظباط و نديلهم بالجزمة علشان فيميه مصر كلها دلوقتى حطاه لأ و بالمرة نسخن الناس اللى فى الشارع عليهم و نولع فى عربيته اللى مفيمها و نجيب بتوع ميكروباصات حشاشين يضربوه أهو يطلعوا الغل اللى فيهم على الظابط و نفضل كاسرينهم قدام زبالة الشعب و نرجع نعيط و نقول فين الشرطة
ابدا بنفسك اولا
لو كل واحد قال انا هفيم واعمل اللي عايزه لحد مالقانون يطبق علي الكل يبقي كل الناس هتخالف
الموضوع دا مش عشان مستشار ولا ظابط بيفيم.....
الناس كلها بتفيم الايام دي حتي سواقين التاكسي و الموضوع مش منصب الموضوع هو انعدام الاحساس و السؤليه تجاه تطبيق القانون (و بلاش نقول الخوف من العقاب علشان المفروض ان احنا ناس مثقفه و ان الناس اتغيرت) و صدقوني والله الموضوع اكبر من الفاميه او زينون الموضوع ان المفروض كل واحد فينا يبتدي يغير من نفسه لاحسن و بلاش كلمه اشمعني فلان و اشمعني علان الكلمه دي هي اللي بوظت الدنيا (ونسيت كلمه معلش).....
و عايز اضيف كلمه اخيره الناس كلها مش وحشه و صوابع اليد الواحده مش زي بعضها و يا ريت بلاش نجمع في ظن السوء...
تقبلوا مروري
خلاص لو دة يرضيكوا و شايفين ان كدة بنطبق القانون يبقى ماشى
الظابط يوقفنى و يقولى شيل الفامية (الخفيف) اللى أنا مركبه و يروح يركب عربيته اللى مفيمها سوبر دارك بلاك, و أنا على السماع و الطاعة للباشا
حاجة جميلة قوى
ياريت حضرتك تكلمنى بأسلوب احسن من كده عشان انت ولا تعرفنى ولا انا اعرفك
وانا مش معترض على المخالفات بس حضرتك اللى عممت ودخلت الكل فى كفه واحده ايه اللى دخل العكسى فى الموضوع ولا حضرتك عاوز تهاجم وخلاص
واولا انا بتكلم على المخالفات بتاعه الفاميه اللى شغاله على ودنه وبالرغم من انى مش مركب فاميه بس مش عاجبنى ان يبقى وكيل النيابه او حتته امين شرطه او ظابط مفيم عربيته ويدخل على اللجنه محدش يكلمه
فين بقى التغير والثوره والقانون يتطبق على الكل
ولا ده كله كلام فى الهوا
ولو حضرتك عاوز تشكك فى كلام صاحب الموضوع براحتك بس عدى على اى قسم وشوف ادامه او حواليه عربيات الظباط وهى لسه متفيمه
امبارح قبل مشوف الموضوع ده بساعه شفت عربيه ادام باب قسم المنتزه ومتفيمه سوبر دارك
قوللى بقى سعادتك فين التغير
ومتقوليش الحل انك تصورها وتبعتها للجه اللى مش عارف فين
لا سعادتك مش هو ده الحل
لو الباشا اللى عمل كده عارف انه حيتحاسب مش حيعمل كده
واهو صاحب الموضوع بين الحكايه وما فيها وانهم واخدين اوامر
صباح التغير
انا كل اللي عايز اوصله لحضرتك ان مش كل الضباط متغطرسين ولا كل وكلاء النيابه متكبرين.....
صوابع ايدك مش زي بعضها...
و يا ريت الكل يتغير و بلاش نبص للجزء و ننسي الكل....
و تقبل مروري
صدقني في ظباط كتير داخل الداخليه كانوا كارهين العادلي و رافضين لسياسته و نتيجتهم معروفه و اخرهم رائد او مقدم و بيختفي.....
و وكلاء النيابه مش كلهم من النوعيه المتغطرسه و كلامك بالفعل صحيح ان في فئه محتاجه إعاده تأهيل بس الحمد لله الاغلبيه الكبرى بخير و صدقني البلد لسه بخير....
تقبل مروري
اولا موضوع الفاميه ده موجود فى جميع السيارات فى دول الخليج ومسموح به لانه يمنع دخول الحرارة للسيارة بسبب شدة الشمس عندهم لاكن المسموح به لا يتعدى درجته 30% حتى لايحجب الرؤية على السائق وخصوصا باليل .. واعتقد ان مصر فى الصيف درجات الحرارة بها اصبحت عالية فلما لاتسمح به ادارة المرور فى حدود هذة النسبة مع العلم ان المسموح به فى دول الخليج الاربع ابواب الجانبية فقط
ياجماعه الناس اللي بتبص للخليج احنا فين من حر الخليج
ده احنا الصيف عندنا شتا عندهم
احنا اخرنا في الصيف الساعتين بتوع الظهيره وبعد كده شكرا ولو شغلت التكييف بيبقي فل ومش بتحس باي حاجه
السلام عليكم و رحمة الله و بركاته
يا جماااااااااااااااااااعة.
احنا ايه اللى يخلينا نقصر الموضوع ده على عربيات الشرطة و النيابة و الناس دول, المسألة بسيطة جدا, أيىىىىىىىىىىىىىى عربية مفيمة -ان شالله عربية أبويا الله يرحمه- أصورها و أحطها على الموقع بتاعهم و تكون النمر واضحة و هما يتصرفوا, لأن سواء كانت العربية بتاع ظابط و لا بتاع مدير مراجيح المولد, فهى متفيمة و خلاص و المخالفة بتبقى تبع وزارة الداخلية.
شوفتوا الأمور سهلة خاااااااااااالص ازاى.
احنا نعمل حملة (مصر بدون فيميه) عالFacebook و نبعت اللينك للباشا وزير الداخلية و كل شويه ننكشه و نقوله عملت اييييييييييييييييه يا حلاوة فى العربيات اللى عاملين نبعتلك صورها كل يوووووووووووووووم ؟؟؟؟؟
هو من غير حاجة, هيزهق و هيعمل حاجة من اتنين, يا اما يقنن الفيميه الغير معتم لكل الشعب المصرى الحبيب, يا اما يشنير الشباب بتوع الفيميه و فى الحالتين, هنكون وصلنا للى احنا عاوزينه و هى العدالة و المساواة على الكبير و الصغير فى المجتمع:hlopaet_prv::biggrin2::hlopaet_prv: .
والله هما لو قرروا الفاميه ( و يا ريت بس يكون بنسبه 25% مثلاً) و الزينون (ولازم يكون على عدسات و على الواطي) يبقي بقي كده نرتاح جميعاً (شخصياً انا الشمس مطلعه عيني و عين فرش العربيه و السواقه بالليل بالنسبه لي زي مغامرات علاء الدين بسبب الاضاءه الجميله للطرق السرعه اللي في مصر)....
ايه رأيكوا؟
والله شكلها مالهاش شغالانة مع الشرطة
انا شايف دلوقتي انهم
بياخدوا مرتبات وووظائف علي فاضي بدون اي وجه حق
لانه مابيشتغلش
سواء مرور او مباحث او اقسام او اي قطاع خدمي مابيوردش فلوس ليهم