الموضوع: محتاج نصيحتكم بسررررررررعة عشان ابقى ميجناوي بقى

السلام عليكم يا وحوش الميجان انا نويت اغير عربيتي واجيب ميجان ان شاء الله وشفت النهاردة واحدة بتاعت قريب واحد جاري هي موديل 2006 الي فيها مثبت سرعة ومن غير جنوط ولا فتحة سقف المهم هي حالتها من برة كويسة ومافيهاش تجريحات بايخة او كدا ومن جوة بردو حالتها كويسة ونضيفة وهو طالب فيها 55000 نهائي
فأنا كنت عايز نصيحتكم ليا لاني بكرة هنزل معاه اجربها فا عايزكم تقولولي ايه الحاجات الي ممكن تبان علطول من اول ما ادور العربية تبينلي ازا كان فيها مشكلة او حاجه مبدأيا لحد ما اكشف عليها
وانا كنت عايز اوديها لحد من الي شغال فيها في صقر قريش عشان قريبة بالنسبالي فا لو حد يقدر يدلني على حد كويس يبقى جزاه الله خير
اخوكم عمرو

المشاركة الأصلية كتبت بواسطة tlrsiap

سلام عليكم
معلش كنت عايز اسألك
ليه عايز تغير الجين2 و تجيب ميجان ؟

والله يا باشا انا لولا الظروف ماكنتش فكرت اغير الجين 2 وخصوصا انها عربيتي من الزيرو وبعشقها لكن انا كان عندي كسر في مفصل رجلي الشمال من عند الكعب وانا للاسف عربيتي كانت مانيوال وطبعا انت عارف الطرق عندنا هنا بندوس دبرياج اكتر ما بندوس بنزين فا عشان كدا حبيت اجيب حاجة ستيب ترونيك لاني بحب المانوال جدا وبصراحة لقيت الرينو سعرها مناسب واصحابها بيشكرو فيها جدا رغم رأي الناس الوحش عنها وشكرا لمرور حضرتك