كام سؤال فى السريع عن الانسر 2008 الشكل القديم

**Seifmando** · 20-04-2011 10:16 AM

لله الحمد انا لسه شارى الانسر 2008 الشكل القديم وفيها كام حاجة كدا عاوز اسأل عليهم:
1. اماكن البوجيهات فى الموتور ( افك ايه عشان الاقيهم) ومقاسهم وكمان شكل ومكان البوبينة
2. جلب المقصات عاوزة تتغير يا ترى اغير المقص كامل ولا الجلب بس ( ومنين اجيب اليابانى منهم سواء لو جلب او مقصين كاملين ويعملوا كام) بس ياريت اى حد غير التوكيل
3. لما بلف الدركسيون يمين او شمال الاقى الrpm على ولما اعدل الدركسيون الموتور يهدى تانى يا ترى دي مشكلة ايه وتتحل ازاى
4. فلتر البنزين بكم (الاصلى) ومنين غير التوكيل
5. عوامة البنزين بتدى قراءة غلط يعنى بتقول التانك فيه الربع وهو فاضى اصلاً
6. ناوى اركب فلتر رياضى هل لازم اشيل علبة الفلتر القديم كلها ولا ينفع اسيبها
7. مكان وشكل فيوز البنزين ( عشان اتعودت اشيله لما بسيب العربية فى حتة غريبة عليا)

معلش لو كنت طولت شويتين بس انا عاوز اعرف كل حاجة فيها زي الفيرنا لما كنت بفكه 100 حتة وارجعها تانى

شكراً مقدماً للرد

**Seifmando** · 20-04-2011 10:38 AM

وكمان حاجة صغيرة
هو مفتاحها ايمو ولا لأ

**msalah191281** · 20-04-2011 12:12 PM

اولا مبروك شراء العربية و ربنا يديك خيرها و يكفيك شرها
- بالنسبة لجلب المقصات انا كنت لسه عامل موضوع بسئل فية علىيها و الناس نصحونى بالأصلى من التوكيل علشان الى برة مش بيعيش
- موضوع لف الدركسيون دة عادى علشان الباور لازم الrpmيعلى ودة طبيعى يعنى مش مشكلة ولة حاجة
- عوامة التنك دى مشكلة شائعة فى النسر بس بسيطة ان شاء الله
- فلتر البنزين انا كنت سمعت انو ب 120 جنية عند المنير الى فى اول فيصل بس مش اصلى طبعا الاصلى فى التوكيل ب 500 و شوية (استهبال رسمى )
يا رب اكون افدتك

**Seifmando** · 20-04-2011 12:21 PM

Msalah باشا
اولا شكراً على سرعة الرد
بس كنت عاوز اعرف بقيت الحاجات لو انت ليك بيها دراية

**Seifmando** · 20-04-2011 12:22 PM

وياترى ايه حل العوامة تتصلح ازاى وبكم

**Seifmando** · 20-04-2011 06:43 PM

يعنى ايه

**dr_rimon** · 21-04-2011 01:13 AM

اولا مبروك يا باشا على العربية

ثانيا انا هرد عليك في الحاجه اللي انا عملتها عندي
انا معايا لانسر بومه ا2008
كانت جلب المقصات عايزه تتغير برده بس انا جبت مقصين استيراد كانوا زي الجداد و مضمون الجوده بتاعتهم طبعا عن الجديد اللي في السوق كان المقص تقريبا ب 150 او 175

و غيرت ساعتها البارات و التيش بالمره كان الاتنين ب 150

البوجيهات غيرتها بس عند الميكانيكي مش فاكر كانوا فين

لما تحرك الدريكسيون طبيعي ان ال rpm يعلى

و مبروك مره تانيه

**محمد فضالي** · 21-04-2011 02:18 AM

المشاركة الأصلية كتبت بواسطة Seifmando

لله الحمد انا لسه شارى الانسر 2008 الشكل القديم وفيها كام حاجة كدا عاوز اسأل عليهم:
1. اماكن البوجيهات فى الموتور ( افك ايه عشان الاقيهم) ومقاسهم وكمان شكل ومكان البوبينة
بص يا باشا مكان البوجيهات بيبقى فوق الموتور على طول حتلاقي 2 بوبينه كل بوبينه بتشغل 2 بوجية
فك فيشة الكهربا المغذية للبوبينة ثم فك البوبينة بمفتاح 10 وبعد كده شد البوبينة وهي ووصلتها للبوجية التاني ثم فك البوجيه بالمفتاح المخصص لفك البوجيهات
مرفق ملف لفك الموتور بالكامل
MEGAUPLOAD - The leading online storage and file delivery service

2. جلب المقصات عاوزة تتغير يا ترى اغير المقص كامل ولا الجلب بس ( ومنين اجيب اليابانى منهم سواء لو جلب او مقصين كاملين ويعملوا كام) بس ياريت اى حد غير التوكيل
لأ طبعا ماتغيرش المقص كله لأنه راكب فيه بيضة المقص وهي دي اللي عشانها تغير المقص ودي معمرة في العربية فيبقى تغير جلب المقصات بس وطبعا للأسف أصلي ثم أصلي

3. لما بلف الدركسيون يمين او شمال الاقى الrpm على ولما اعدل الدركسيون الموتور يهدى تانى يا ترى دي مشكلة ايه وتتحل ازاى
ده شئ طبيعي جدا لأن طلمبة الباور بتشتغل

4. فلتر البنزين بكم (الاصلى) ومنين غير التوكيل
برده للأسف أصلي من التوكيل اللي بره مش مضمون

5. عوامة البنزين بتدى قراءة غلط يعنى بتقول التانك فيه الربع وهو فاضى اصلاً
عيب عوامة ده عيب شائع وهي فعلا بتتصلحأنا عن نفسي صلحتها بنفسي فكتها و صنفرتها بصنفرة ناعمة جدا ورجعت تشتغل تاني زي الأول وأحسن

6. ناوى اركب فلتر رياضى هل لازم اشيل علبة الفلتر القديم كلها ولا ينفع اسيبها
طبعا لازم تشيل علبة الفلتر القديم بس رأي ما تعدلش على حاجة في فابريكة العربية خصوصا ان فلتر الهوا مش بيخلي العربية تفرق في السرعة زي ما انت متخيل يعني بالكتير 2 حصان

7. مكان وشكل فيوز البنزين ( عشان اتعودت اشيله لما بسيب العربية فى حتة غريبة عليا)
حتأكد من الموضوع ده وأرد عليك ان شاء الله

بالنسبة للايموبلايزر لو معاك مفتاح بريموت يبقى فيها لو مفتاح عادي يبقى مافيهاش
أرجو اني أكون أفدتك بإذن الله

معلش لو كنت طولت شويتين

بس انا عاوز اعرف كل حاجة فيها زي الفيرنا لما كنت بفكه 100 حتة وارجعها تانى

شكراً مقدماً للرد