الموضوع: فرصه لن تتكرر (كيا سيفيا للبيع) لظروف عاجله خاصه جدا جدا

طيب انا عايز رقم تليفون حضرتك عشان اشوف العربية
احمد

ده رقم حمايا اللى العربيه موجوده عنده لانى مسافر وهو المسؤل عن بيعها ومعاه توكيل بالبيع والتسجيل والتعامل مع المرور وهايخلص كل حاجه
الاستاذ احمد عبد الحى
0123822411

وده تليفونى لو فيه اى حاجه
0101664913
محمد صلاح

تم الغاء البيع لوجود عيوب لم اكن على علم بها وللامانه انا مارضاش بيها لحد فى المنتدى واجو من الاداره حزف هذا الموضوع

يارب الناس كلها زيك انا كنت هعمل اجازة وانزلك يلا الحمد لله قدر الله ومشاء فعلا

جزاكم الله خيرا و ربنا يكرمك على امانتك و يعوضك ان شاء الله

لكن على فكرة العربيه لو انت محتاج تبيعها فعلا
فأنت ممكن متلغيش البيع
فقط تبين العيوب الخفيه اللى فيها
و تشوف انت و المشتري السعر العادل فيها و طالما هوا عارف العيب قبل ما يشتري العربيه و قبل بالسعر دة يبقا انت عملت اللى عليك

العربيات لو فيها العفريت بتتباع متقلقش لكن المهم توضيح كدة و يكون المطلوب سعر عادل مقارنه بالعيب

يا ريت بس تكتب العيب و قد يكون من بيننا من يتقبل هذا العيب بالسعر اللى هتطلبه

تحياتي ليك للمرة التانيه على امانتك

بارك الله فيك وفي أمانتك وشجاعتك نادري الوجود.

ياريت بردوا تقول العيوب الى فيها يمكن حد يتقبلها على كدا وتتناسب معاه مع السعر

وربنا يعوضك عنها خير

الحكايه ياجماعه ان العربيه دى كانت مع والدى من الزيرو وبعدين من سنتين باعها لواحد قعدت معاه 8 شهور بس نا من حبى للعربيه دى اشتريتها تانى من الراجل ده وكانت العربيه مرشوشه من بره لما كانت معانا ولما اشتريتها من الراجل تانى كان رشها تانى علشان يعرف يبيعها بيعه كويسه وللامانه العربيه كانت زى مابعناهالو بالظبط

والله ياجماعه انا ماشفتش العيوب لكن واحد من حبايبنا هنا فى المنتدى كان راح قابل حمايا وشاف العربيه (طبعا لان انا مسافر) وكلمنى قاللى ان العربيه واخده خبطه من الجمب من عند القايم وان جزء من القايم مرشوش (انا عمرى مالاحظت كده والعربيه عمرها ماتخبطت معانا غير خبطه فى الشنب الشمال)

والله انا افتكرت ان صاحبنا ده بيتكلم عن عربيه تانيه خالص مع العلم ان العربيه موجوده فى معرض حمايا (اللى هو تاجر سيارات مستعمله) والعربيه تم عرضها اكثر من مره وناس كتير شافوها وماحدش قال حاجه عن العيب ده وماحدش شافه ده لو كان فعلا موجود

والله انا لغاية دلوقتى مش عارف هل هى فعلا زى مابيقول مخبوطه من الجمب ولا لأ؟
وطبعا انا لا اشكك فى نزاهة اخونا اللى راح شافها ولكن يمكن عنيه خانته مع العلم انه ليس له اى مصلحه فى بيع العربيه من عدمها


حاجه تانيه عايز اقولها ان العربيه دى شافها تاجر فى شهر 4 2007 وعرض فيها 54 الف جنيه بس ده كان قبل فرحى باسبوع وماكانش ينفع ابيع
واعتقد ان التاجر ده قلب فيها كويس قوى لانه كان هايبيعها لواحد زبون عنده

اما بالنسبه للسعر فانا ماقدر انزل عن 40 الف لانى كده هابقى خسران 14 الف جنيه وربنا يعوض علينا