الموضوع: حد اخد تويفل - يقدر يفيديني

انا مش هقدر اقول اني كويس جدا في الانجليش ولا وحش يعني في المتوسط.
وعايز اخد حاجة جامدة وياريت وياريت حاجة معتمدة دوليا علشان اشيل حوار اللغة من دماغي وابدء اشوف باقي الكورسات الله عايز اخدها
وانا كمان متابع

المشاركة الأصلية كتبت بواسطة nile_storm

بص ياباشا
التويفل بيتعمل في اماكن كتير جدا
منها امديست طبعا الجامعه الامريكيه جامعه القاهره و غيرها
لكن فيه اماكن مش بتعترف الا باماكن معينه و هم بالتحديد اميدست ثم الجامعه الامريكيه
نمسك واحد واحد
بتاع كليه الاداب ده اللي امتحنه من اصحباي قاللي ده سهل جدا ولا امتحان hello بتاع ثانوي و جابوا سكورات عاليه فوق ال 600 من غير مذاكره خااااااااااااالص " و علشان كده مش معترف بيه بره و اماكن كتير مش بتعترف بيه "

الايه يو سي حاجه وسط جدا و الشهاده صالحه لمده 6 شهور و الامتحان بحوالي 180 جنيه علي حد معلوماتي و فيه انترناشيونال امتحان متوسط

اميدست هو الاصعب و الاغلي ب 400 و لهذا مده الشهاده سنتين
انا امتحنت هناك
الحكايه مش محتاجه مذاكره قد مامحتاجه ممارسه لغه
وده اللي مكتوب في اول صفحه بالكتاب بتاع امديست مكتوب فيها فيما معناه انك لو مش بتعرف انجليزي و جايب الكتاب ده علشان تخش و تجيب اسكور عالي في اسبوعين يبقي انسي :)
و فعلا ده صح انا مثلا كنت ببص ساعات علي الكتاب ده و احل منه لكن وقت الامتحان فالوقت محسوب انك متفكرش و تجاوب ببديهيه يعني كل اللي هتذاكره جديد ده مش هتعرف تفتكره بسرعه هو بيحاول يطلع الاجابه البديهيه بتاعتك من غير تفكير من الاخر علشان يعرف دماغك الانجليزي ده متركب فيها صح ولا لأ
اهم حاجه تبقي عارف ان الامتحان هناك مش ب headphones بيبقي بساوند سيستم في الاوضه كلها علشان متتخضش
الانترناشونال هناك ب الف وششويه و معقد زي الايلتس

نيجي للامتحان بأه هو 3 مراحل
الاولي listening بيبقي 3 مراحل 20 سؤال مقطع سماعي صغير 3 جمل بس و اسئله مباشره
المرحله اللي بعدها محادثه طويله و عليها اربع اسئله
المرحله الاخيره محاضرتين صغيرين و يسالك في اللي فهمته
تخلي بالك جدا من السؤال اللي بيتقال

المرحله الثانيه structure اسئله نحويه عاديه جدا جزئين الاول اختيار من متعدد و الثاني جمله و بيحط خط تحت اربع كلمات فيه واحده غلط تختار الغلط

الثالثه reading قطع متدرجه الصعويه و اسئله عليها

الحجز بدفع المبلغ كله و بيبقي قبل الميعاد باسبوعين تلاته
مده الامتحان حوالي 3 ساعات و اي اسئله تحت امركو

انا محتاجة عشان الدكتوراة ضروري ولازم يكون من الايميدست
ومحتاج اسكور 500
هل لو رسبت في الامتحان او لو مجبتش الاسكور المطلوب هعيد الامتحان بنفس المبلغ 400 ج ولا بيخفضوا المبلغ

طب ممكن اعرف تكاليف التوفل فى امديست الاجمالى بالتفصيل علشان انا عاوز احصل على شهادة معترف بيها
واية الى ممكن استفيدة بالتوفل فى فى الوقت الحالى

المشاركة الأصلية كتبت بواسطة AshTurbo

الآي أيلتس والتوفل ( أيلتس وتويفل ) بيشتركوا في نفس الهيكل ويتكون من أربع أجزاء رئيسية :

- القراءة Reading

- التحدث Speaking

- الأستماع Listening

- الكتابة Writing

مع الأخذ في الأعتبار أن الآي أيلتس ليه نسختين نسخة أكاديمية Academic ونسخة عامة General بينما التوفل ليه نسخة واحدة فقط وهي النسخة الأكاديمية TOEFL iBT ... الفرق بين النسخة العامة والأكاديمية هي المواضيع اللي بتيجي في القراءة وفي مواضيع التعبير Essay وهي أنها بتكون أكثر تخصصاً وتعمقاً من النسخة العامة اللي بتتحدث عن مواضيع عامة في الحياة وبالطبع النسخة العامة أسهل .

مدة الأمتحان للتوفل على ما أتذكر هي أربع ساعات 60 دقيقة للقراءة و60 دقيقة أستماع بعد كدة بتاخد 10 دقائق أستراحة بعدها أمتحان التحدث وآخر حاجة أمتحان الكتابة .

أنا أخدت الآي أيلتس وبيختلف عن التوفل أن غالبية نظام الأمتحان في التوفل أختيار من متعدد - وهي ميزة جيدة - على عكس الآي أيلتس فيه أكثر من نظام للأسئلة .

انا امتحنت ال TOEFL ITP مكنش فيه writing ولا speaking اعتقد بتبقي في ال international بس

بالنسبه لو مجبتش سكور كويس ممكن تعيد الامتحان بس بتدفع المبلغ كامل و بتذكر كده وانت بتمتحن انك امتحنت قبل كده و بتطلع في الشهاده كمان :(

mohamedbook

اسكور ال 500 سهل تجيبه ان شاء الله لو عندك خبره بالانجليزي كويس

phantom0xx0

فعلا معاك حق الخبره بتفرق جامد اعتقد اني لو عدت الامتحان دلوقتي هجيب اسكور اعلي من اللي جبته قبل كده بكتير

viper911s

التويفل شهاده عالميه معتمده بمستواك في الانجليزي و معظم الاماكن الكبيره بتطلبها علشان الشغل و بتطلب سكور معين غالبا مش اقل من 550علي فكره الحد الاقصي 660 تقريبا علشان تبقو عارفين الامتحان في اميدست ال ITP ب 400

طيب انا دخلت امتحان كورس انجليزى عادى فى الاكاديمية وكنت فى المستوى 11 يعنى هبدا من 11
و ماخدتش كرسات قبل كدة
طب هو الامتحان 400 مصاريف الدراسة قد اية بصراحة مش فاهم معلش هتعبك معايا