الموضوع: تعالو نصارح بعض بجد

السلام عليكم
الاخوة الاحباب استحملوني شوية ارجوكم
انا بقالي كام اسبوع ملاحظ ان فيه تحفز من الكثيرين تجاه اي اشارة لتواجد اي تيار ديني بكثافة او كأتجاه عام للدولة
و بعيدا بقي عن المسميات زي سلفيين و اخوان و علمانيين و ليبراليين و الكلام المستحدث ده كله
متيجي نتكلم بما يرضي الله و بدون خجل و نتصارح مع انفسنا
و نفسي بجد نشارك بعض لكي تعم الفائدة
لماذا هذا التحفز للناس اصحاب التيار الديني
لماذا لا توجد ثقة فيهم مع انهم المفروض انهم ( بيخافو الله )
لماذا لا نواجه الحقيقة في انه ( لو انسان ذاكر و عمل اللي عليه و ارادة ربنا انه لا ينجح لحكمة يعلمها الله فأنه لن ينجح ) هذا هو الفرق بيننا و بين من جعل الله خلفه في كل شئ و الماديات هي اساسه
راكب السفينة طول الوقت بيستمتع بالجو الجميل و العرايا اللي علي البسين و لما يجي خطر الغرق بيترك كل ده و ينادي يا رب
اما صاحب الايمان فأنه من الاول و هو يدعو بدعاء السفر و يذكر الله و يستمتع بما لا يغضب الله فإن جاء الخطر فزع ايضا و لكن قلبه مطمئن بذكر الله مش مالي عنيه بالمعاصي
نيجي بقي للي مخوف البعض ( ان يأتي تيار اسلامي للحكم )
سواء مجلس الشعب او رئيس
طبعا فيه مخاوف كثيرة من حاجات محددة
نسأل بعض ايه اللي ممكن يتغير في الدولة علي مدار السنين لو جم للحكم و استقرو فيه نشوف الحاجات اللي هتتغير دي ( ترضي ربنا و لا هتغضبه ) و في نقاط سريعة نوجز ما يمكن ان يفعله التيار الديني في سن القوانين في بعض المجالات و هي امثلة بسيطة
1- السياحة
طبعا اغلب العاملين في هذا المجال متخوفين من مثلا الغاء السياحة او ان اي تيار ديني هيقول احنا مش هنسمح بدخول الاجانب مصر و طبعا هذا خطأ كبير اللي ممكن يحدث انه ستوضع قوانين معينة للحد من الفجور علي الشواطئ ثم بالتدريج يتم منع المنكر و هكذا حتي نقضي علي الحرام داخل اراضينا لاننا سنحاسب امام الله و نستغل هذه الاماكن في السياحة الداخلية بما لا يغضب الله بأن تكون هناك عدم اختلاط و هكذا و ده سيحتاج سنين حتي يطبق و عندها ان شاء الله ستوفر الدولة عمل لكل انسان يفقد و ظيفته بسبب هذه الاجراءات و اكيد حتي لو خد 1000 بدل 2000 سيبارك له الله فيهم
و اظن ان الاثار مفيهاش فجور مثلما يحدث علي الشواطئ و شاهدتها بنفسي في فترة من الفترات اثناء عملي اعزكم الله فيظل موضوع تحريم الخمور في الفنادق و خلافه و يجتمع له علماء الامة و قتها
2- التعليم
ايه اقصي حاجة يعني ممكن الناس هتخاف منها ( الفصل بين الجنسين ) يعني ميبقاش فيه اختلاط ايه الضرر اللي هيقع علي حد لو طبق هذا الموضوع من الحضانة حتي لحد التخرج من الجامعة ايه اللي هيحصل المنهج مش هيخش الدماغ بتاع الشباب و الشابات يعني و الحاجة التانية ان مادة الدين تكون اساس تعليمي زي العربي و الحساب و الكيمياء و الاحياء مش مادة الحصة هتخلص الساعة كام
3- الاعلام
ايه اللي ممكن يحصل لو لقينا رمضان مثلا بيعدي علينا مفهوش سفالات و لا برامج هايفة و لا مسلسلات فيفي عبده
و لا برامج الفنانين و العرايا ايه هيجري يعني لو منعو المواقع الاباحية من النت و قيدوها علشان الشباب الغير محترم لما يلاقي مفيش شات سهل امامه و لا مواقع قذرة بسهولة و يسر مش يمكن يلعب رياضة و لا يذهب يحفظ كتاب الله او يمارس هواية مفيدة
ايه اللي هيحصل للناس لو الاخت ريم و لا مني الشاذلي و لا غيرهم تحجبو قبل الظهور علي الشاشة ايه اللي هنخسره احنا كمتفرجين مش هنفهم الموضوع اللي بيتناقش الا لو اتفرجنا عليها بمكياج و اشي واحدة نسيت زرار القميص و واحدة لبسة علي الركبة بشبرين
ايه اللي هيجرالنا لو لغينا مهرجان العري السنوي بتاع السينما اقسم بالله ان ايام الجامعة مكنش بقي فيه نت و الكلام بتاع شباب اليومين دول المهم كان معانا زمايل يستنو المهرجانات دي من السنة للسنة علشان افلام ال uncut اللي كانت بتتعرض مع المهرجان و كان فيه ناس تخصص ( الممشي ) فاهمين طبعا اقصد ايه اللي هوه بتمشي عليه الممثلات يوم الافتتاح يعني واحد يفضل سنة كاملة مستني انه هيعمل معصية تخيلو بقي لو اتصعبت عليه و الله ما هيعملها
4- النوادي
ما الذي سيحدث لو اننا في النوادي الاجتماعية كان هناك اماكن للسيدات و البنات و الاطفال ايه اللي هيزعل واحد مثلا انه النهاردة مشفش زوجة صاحبه في النادي و لا اخت صاحبه و لا صاحبته و ايه اللي يجري لو حدث احتشام في الملبس العام البنات هتعمل مليونية مثلا احتجاجا ان اللبس المحذق هيتمنع
5- الاقتصاد
ايه اللي هيجري لو اجتمع علماء الامة و قال اغلبهم ان فوائد البنوك ربوية و يجب الغائها و تستبدل بالمضاربة مثلا او اي شئ حلال الناس هتموت من الجوع مثلا
و لو اكتشف علماء الامة ان التأمين علي الحياة حرام و السيارة و خلافه و استبدلوه بأنظمة لا تغضب ربنا و يمكن لا ترضينا كبشر و تخسرنا مزايا الانظمة السابقة بس هنكسب فيها اخرتنا ايه اللي هيحصل يعني كلنا هنعمل حوادث لم يكن قد كتبها الله لنا
ما الذي يحدث لو طبقنا تحصيل زكاة المال كما ينبغي و لو موضوع كلمة الجزية دي هتزعل شركائنا في الوطن من المسيحيين مفيش مشكلة علماء الامة يجتمعو و يصدرو قرار بتحصيل الجزية تحت اسم اخر و تمشي العملية و ده يزعل الناس في ايه طالما الكل سواسية امام القانون الشرعي الذي يرضي الله عز وجل
.....................................
دي شوية حاجات من اللي بتخوف الناس من حكم اصحاب التيار الديني
تعالو بقي نشوف الناس اللي هتقول ان ده هيرجع بينا الاف السنين للخلف قبل ان نبدأ المزاد
نفسي نكون صادقين مع انفسنا و نقول ايه الحاجة اللي هترجعنا للخلف الاف السنين مع العلم ان الغرب بدء مثل ما بدأنا
يعني كانت الستات محجبات ( اه و الله تخيلو ) و بعدين سنة ورا سنة قرن بعد قرن تحللو اذكر مثلا ان كان الافلام الاجنبي ممنوع يتشاف فيها اي جزء حساس للمرأة و الكلام ده من فترة بسيطة الان بيسمح بكشف الجزء العلوي علي اعتبار انهم اكتشفو انه مش غلط و انها حرية شخصية ان اللي عاوز يتشمس يتشمس
و كان الرجالة زمان بذقون ( اه و الله ) انما الان اكتشفو انها مش من الحداثة فحلقوها ايه اللي هيضيرنا لو اطلقناها مثلا هتزعل مين دي
ايه تاني خايفين منه
تعالو نشوف مع بعض يمكن انا مش واخد بالي
و بعد كل ما تقدم امر الله نافذ نافذ بس تفرق كتير اوي انه ينفذ و نحن وطن علي طاعة

م.حاتم السباعي

المشاركة الأصلية كتبت بواسطة تامر.محمد

تقبل تحياتي باشمهندس حاتم

المشاركة الأصلية كتبت بواسطة w-m-a

كلام جميل
بس الى يسمع ويعقل
ربنا يهدينا جميعا

المشاركة الأصلية كتبت بواسطة no comment

أُحييــــــــــــــــــــ ك ... وبارك الله فيك .

المشاركة الأصلية كتبت بواسطة mikho83

الله يفتح عليك يا باشمهندس، حاجة تانية باسمعها كتير، يقولك" لو الإسلاميين مسكوا الحكم هايقطعوا إيد اللي بيسرق، وهايرجموا اللي بيزنوا، وهايطبقوا الشرع" أنا ردي الشخصي عليها، وإيه المشكلة لما يطبقوا شرع الله، أصل ده مش شرع من صنع بشر، وصدقوني السرقة لم تنتشر إلا بسبب عدم تطبيق حد السرقة وهكذا باقي العقوبات، حاجة تانية والباشمهندس اشار ليها وهي مبدأ التدرج، يعني مش هاييجوا مرة واحدة ويقول هانقطع إيد اللي بيسرق مثلا، لأ، أكيد هايوفروا الأول الجو المناسب للكسب الحلال وبعدين نطبق.

بارك الله فيكم جميعا
وانتظر بفارغ الصبر مشاركة اخواننا الليبراليين و لو معانا حد علماني يشرفنا بالمشاركة و ابناء وطننا المسيحيين كمان و كل انسان متخوف من حاجة نناقشها بهدوء و تعقل و نضرب الامثلة اللي تزيل اسباب الخوف
فالانسان عدو ما يجهل
و للاسف الاحتلال البائد نزع من امتنا اهم مقومات استرداد مكانتنا و هي انه اوجد جيل بعيد عن شرع الله و اقامة حدود الله و ساب الباقي علي النفس البشرية و الشيطان
حد يصدق ان فيه ناس كانت بتضرب المثل ان بعض من اهالينا كانو بيلبسو قصير و كانت الدنيا عادي و مكنش فيه سفالة و قلة ادب زي دلوقتي و العجيب انهم مصدقين نفسهم
يعني الراجل زمان في الستينات كان بيشوف الست اللي لابسه الجيب القصير و البلوزة ام نصف كم او حمالات و لا ينظر لها ( كده عادي يعني ) انما لما البنات اتحجبت بقت السعرة موجودة ( و سبحان الله ) و كأن الامر اتعكس و كأن الطبيعة البشرية بتقول ان الست تتجمل ( للشارع ) و كأن رجالة زمان و شباب زمان كانو غير دلوقتي و الله هتجنن
اتكلمو يا جماعة هنفضل ساكتين لحد امتي

م.حاتم السباعي