الموضوع ببساطة اني محتاج تويفل علي وجهة السرعة ( local ) و يا حبذا لو انترناشونال
انا بتكلم و اقرأ و اكتب انجليزي جيد جدا ( سافرت دول غير عربية )
حد عنده خبرة يقدر يفيدني باي معلومة ؟
عرض للطباعة
الموضوع ببساطة اني محتاج تويفل علي وجهة السرعة ( local ) و يا حبذا لو انترناشونال
انا بتكلم و اقرأ و اكتب انجليزي جيد جدا ( سافرت دول غير عربية )
حد عنده خبرة يقدر يفيدني باي معلومة ؟
ها ادي للحضرتك معلومة سهلة وبسيطة جدا ..
التوفل اختبار مدة صلاحيته بتكون 6 اشهر على ما اذكر .. وانا مسجله في الأكاديمية البحرية للعلوم والتكنولوجيا اللي في مساكن شيراتون فيها معهد لغات خاص ممتاز ( عشان انا بدرس اصلا في الكلية هناك فباخد التوفل هناك ) فلو حضرتك حابب انا ممكن اسئل لحضرتك على التفاصيل بالضبط ..
متابع و مهتم كمان
يا ريت يا ابو السيد
علشان انا محتاجه برضه :)
يبقى كتر خيرك
علشان عندي اللغات في ميامي و انا في ابو قير
حاضر يا محمد قولي اسئل بالضبط انتا عايزين اسئل علىايه وانا ها اسئل من عنيا يعني اقصد الكورس انتا عارف انه بيبقى 15 اسبوع على اساس اني مثلا esp3 مش عارف هوة ده كان التوفل هل فيه لغات متقدمة عنه ولا لا ولكن انا عارف انه فيه عندنا توفل فها اسئل وعنيا الإتنين ها ارد على حضرتك ..
يا ريت يا sayed911
عشان انا اصلا محتاجة للاكاديمية ( ده احنا زملاء بقي )
ان شاء الله بخلص الماستر بتاعي هناك و محتاجة عشان اخلص
و يا ريت لو حد عنده معلونات عن الانترناشونال او خاض التجربة يقولي
مش عارف تجربتى هتفيدك ولا ايه.
انا خدت التويفل مع مدرس امريكى فى بيته فى الزمالك سنة 97 وبعد كدة امتحنت فى الجامعة الامريكية ودخلت محادثة علطول وخلصت بعد 3 اسابيع ومعايا شهادة تويفل محادثة.
كنت بذاكر على موقع التويفل ساعات http://www.toeflgoanywhere.org/........20new%2520york
وعلى فكرة كان احد اسباب اننى اقدر اخد الفيزا بسهولة امتحان التويفل.
بص ياباشا
التويفل بيتعمل في اماكن كتير جدا
منها امديست طبعا الجامعه الامريكيه جامعه القاهره و غيرها
لكن فيه اماكن مش بتعترف الا باماكن معينه و هم بالتحديد اميدست ثم الجامعه الامريكيه
نمسك واحد واحد
بتاع كليه الاداب ده اللي امتحنه من اصحباي قاللي ده سهل جدا ولا امتحان hello بتاع ثانوي و جابوا سكورات عاليه فوق ال 600 من غير مذاكره خااااااااااااالص " و علشان كده مش معترف بيه بره و اماكن كتير مش بتعترف بيه "
الايه يو سي حاجه وسط جدا و الشهاده صالحه لمده 6 شهور و الامتحان بحوالي 180 جنيه علي حد معلوماتي و فيه انترناشيونال امتحان متوسط
اميدست هو الاصعب و الاغلي ب 400 و لهذا مده الشهاده سنتين
انا امتحنت هناك
الحكايه مش محتاجه مذاكره قد مامحتاجه ممارسه لغه
وده اللي مكتوب في اول صفحه بالكتاب بتاع امديست مكتوب فيها فيما معناه انك لو مش بتعرف انجليزي و جايب الكتاب ده علشان تخش و تجيب اسكور عالي في اسبوعين يبقي انسي :)
و فعلا ده صح انا مثلا كنت ببص ساعات علي الكتاب ده و احل منه لكن وقت الامتحان فالوقت محسوب انك متفكرش و تجاوب ببديهيه يعني كل اللي هتذاكره جديد ده مش هتعرف تفتكره بسرعه هو بيحاول يطلع الاجابه البديهيه بتاعتك من غير تفكير من الاخر علشان يعرف دماغك الانجليزي ده متركب فيها صح ولا لأ
اهم حاجه تبقي عارف ان الامتحان هناك مش ب headphones بيبقي بساوند سيستم في الاوضه كلها علشان متتخضش
الانترناشونال هناك ب الف وششويه و معقد زي الايلتس
نيجي للامتحان بأه هو 3 مراحل
الاولي LISTENING بيبقي 3 مراحل 20 سؤال مقطع سماعي صغير 3 جمل بس و اسئله مباشره
المرحله اللي بعدها محادثه طويله و عليها اربع اسئله
المرحله الاخيره محاضرتين صغيرين و يسالك في اللي فهمته
تخلي بالك جدا من السؤال اللي بيتقال
المرحله الثانيه STRUCTURE اسئله نحويه عاديه جدا جزئين الاول اختيار من متعدد و الثاني جمله و بيحط خط تحت اربع كلمات فيه واحده غلط تختار الغلط
الثالثه Reading قطع متدرجه الصعويه و اسئله عليها
الحجز بدفع المبلغ كله و بيبقي قبل الميعاد باسبوعين تلاته
مده الامتحان حوالي 3 ساعات و اي اسئله تحت امركو
Nile_Storm
جزاك الله خيرا
زى ما قالك nile strom هو فعلا كده بظبط
وأنا دخلت الامتحان فى الاميديست بس انا حجزت قبلها بيوم واحد كان لسه فى أماكن
بس هو فعلا بيعتمد ان الانجليزى بتاعك يكون زى العربى كده مثلا
لان الوقت محدود جدا المفروض انك مجرد ما تقرأ الس}ال تعرف الاجابة مفيش وقت للتفكير
وربنا معاك
الآي أيلتس والتوفل ( أيلتس وتويفل ) بيشتركوا في نفس الهيكل ويتكون من أربع أجزاء رئيسية :
- القراءة Reading
- التحدث Speaking
- الأستماع Listening
- الكتابة Writing
مع الأخذ في الأعتبار أن الآي أيلتس ليه نسختين نسخة أكاديمية Academic ونسخة عامة General بينما التوفل ليه نسخة واحدة فقط وهي النسخة الأكاديمية TOEFL iBT ... الفرق بين النسخة العامة والأكاديمية هي المواضيع اللي بتيجي في القراءة وفي مواضيع التعبير Essay وهي أنها بتكون أكثر تخصصاً وتعمقاً من النسخة العامة اللي بتتحدث عن مواضيع عامة في الحياة وبالطبع النسخة العامة أسهل .
مدة الأمتحان للتوفل على ما أتذكر هي أربع ساعات 60 دقيقة للقراءة و60 دقيقة أستماع بعد كدة بتاخد 10 دقائق أستراحة بعدها أمتحان التحدث وآخر حاجة أمتحان الكتابة .
أنا أخدت الآي أيلتس وبيختلف عن التوفل أن غالبية نظام الأمتحان في التوفل أختيار من متعدد - وهي ميزة جيدة - على عكس الآي أيلتس فيه أكثر من نظام للأسئلة .
متابع جدا .....
متابع
انا مش هقدر اقول اني كويس جدا في الانجليش ولا وحش يعني في المتوسط.
وعايز اخد حاجة جامدة وياريت وياريت حاجة معتمدة دوليا علشان اشيل حوار اللغة من دماغي وابدء اشوف باقي الكورسات الله عايز اخدها
وانا كمان متابع
أنا امتحنت التوفل مرتين ، مره local في أمريكا و مره international في امديست علشان master و دة كان في أخر سنة لية في الكلية و الكلام دة من 12 سنة
محستش إن فيه فرق بين local أو international... ، أنا مخدتش كورسات . ولا حضرت نفسي ...... بس خبره الإمتحان بتفرق جامد جدا
طب ممكن اعرف تكاليف التوفل فى امديست الاجمالى بالتفصيل علشان انا عاوز احصل على شهادة معترف بيها
واية الى ممكن استفيدة بالتوفل فى فى الوقت الحالى
انا امتحنت ال TOEFL ITP مكنش فيه writing ولا speaking اعتقد بتبقي في ال international بس
بالنسبه لو مجبتش سكور كويس ممكن تعيد الامتحان بس بتدفع المبلغ كامل و بتذكر كده وانت بتمتحن انك امتحنت قبل كده و بتطلع في الشهاده كمان :(
mohamedbook
اسكور ال 500 سهل تجيبه ان شاء الله لو عندك خبره بالانجليزي كويس
phantom0xx0
فعلا معاك حق الخبره بتفرق جامد اعتقد اني لو عدت الامتحان دلوقتي هجيب اسكور اعلي من اللي جبته قبل كده بكتير
viper911s
التويفل شهاده عالميه معتمده بمستواك في الانجليزي و معظم الاماكن الكبيره بتطلبها علشان الشغل و بتطلب سكور معين غالبا مش اقل من 550علي فكره الحد الاقصي 660 تقريبا علشان تبقو عارفين الامتحان في اميدست ال ITP ب 400
طيب انا دخلت امتحان كورس انجليزى عادى فى الاكاديمية وكنت فى المستوى 11 يعنى هبدا من 11
و ماخدتش كرسات قبل كدة
طب هو الامتحان 400 مصاريف الدراسة قد اية بصراحة مش فاهم معلش هتعبك معايا
يعنى انا اروح الامديست وادخل الامتحان واشوف دة رئيك
السلام عليكم
نحن اكاديمية معتمدة من هيئة اليونسكو وهيئة الايمدست
و يمكننا ان نوفر لسيادتك شهادة ال icdl الدولية و شهادة التويفل بدرجات عالية بالأضافة لأنة يمكنك مشاهدة بيناتك ودرجاتك على شبكة الانتر نت قبل ارسال الشهادة و التأكد انها معتمدة دولييا ومسجلة
للتواصل
academy_manager@yahoo.com
0020108734353