كروز جابت طرمبه زيت باور

**titooooasg** · 20-04-2011 11:14 PM

السلام عليكم
من اسبوع تقريبا ماشى بالعربيه على 30 تقريبا لقيت الدركسيون تقل نزلت ابص على الكوتشلت مفيهاش مشاكل ركبت لقيت التقل اختفى
امبارح عملت سناك وخمسايه بظبط لقيت الدركسيون تقل جدا واتحولت لشاهين بصيت على زيت الباور لقيته سليم ومفيش تهريب وديتها لميكانيكي قالي جابت طرمبه زيت الدركسيزن قلت ياريت اللى جري ماكان ولا كنت نزلت اصلا
المهم دلوقتى انا عايز اسال عن سعر الطرمبه دى وهل ده يبقى تبع الضمان ولا لا وشكرا

**mmffor** · 20-04-2011 11:39 PM

لو السيارة ضمان توكيل يبقى جهز نفسك لخناقة كبيرة
الطلمبة تبع الضمان 100% بس توكيل منصور حيشهيصك و يشرقك و يغربك و يوديك و يجيبك
حيحاولوا يعملوا اي حاجة اللا انهم يغيروها - حيلزقوها من جوا بامير - و يعملولها وصلة خارجية و حتعيش
ممكن تروح و تيجي 100 مرة و متتغيرش
و ممكن تتغير من اول مرة
منصور زي البطيخة
بس اهم حاجة
متتنازلش عن حقك يا بطل

**titooooasg** · 20-04-2011 11:55 PM

شكرا ياباشا انا هفضل وراهم ويارب مش اتعصب عليهم انا سمعت كتير عن المنصور انت فايد امينه ده

**mhmdalsaadany** · 21-04-2011 03:18 AM

طبعا يا باشا طرمبه الباور داخل الضمان طالما ان العريه داخل الضمان بمعنى انك تكون بتعمل الصيانه الدوريه في ميعادها
وطالما انت مديهم حقهم متتنازلش عن حقك وربنا معاك
وعلى فكره انا كان عندي مشكله في خراطيم الباور كانت العربيه بتعمل صوت زنه كدا وهى وقفه و غيرتها من اول مره من غير ادنى مشكله بس كانت المشكله انهم دفعوني تمن الزيت بتاع الباور عشان لما نزلوا الخراطيم الزيت كله وقع ودي كانت حاجه مديقاني بس بصراحه المهندس هناك طمني وهداني وقالي مش مشكله 35 جنيه احنا مغيرين الخراطيم كلها بالشئ الفلاني خليها عليك انت وعلى فكره فعلا مهندس الضمان معندوش زيوت لانها خارج الضمان ملهاش دعوه خالص
ربنا معاك وتتحل على خير ان شاء الله

**abbadr** · 24-04-2011 04:42 AM

يا باشا أرجوك احكيلي موضوع الزنه ده لأن عندي نفس المشكلة و رحت التوكيل كتير و مفيش فايدة
أنا عندي زنة أو ونه كده و العربية واقفة و كنت من شهرين تقريبا عملت موضوع و سئلت الأعضاء و لكن لم أصل لشئ

**mhmdalsaadany** · 24-04-2011 04:53 AM

بص يا باشا انا حصل معايا الاتي بالظبط
انا لاحظت في الفتره الاخيره ان صوت الموتور علي شويه وبقى فيه زي صوت زنه كدا او ونه مكنتش موجوده خالص الصراحه قبل كدا ولما تحرك الدركسيون حركه خفيفه كدا لأي اتجاه تختفي ولكن لو سبته عدل في مكانه بتسمعها واول ما رحت التوكيل والمهندس قعد في العربيه ودورها مفيش ثواني وقام مبطل العربيه وقالى تمام ماشي عرفت اللى فيه وانا كنت فكره بيهرج بصراحه بس بعد كدا الصوت اختفى خالص فعلا وعرفت انهم غيروا الخراطيم بتاعة الباور
واي استفسار انا تحت امرك

**abbadr** · 25-04-2011 02:43 AM

ألف شكر ليك يا باشا على ردك ... هو حضرتك روحت أي فرع للتوكيل ؟؟ هل الصوت ده و العربية واقفة فقط
و يا ريت بعد اذنك تكلفة الاصلاح لأني خايف تكون العربية بره الضمان لأني بعمل صيانة كل 10000 كم لأني بغير موبيل 1 و كنت بعمل صيانه في توكيل دفرة و هم الي قالوللي عادي تعمل صيانه كل 10000 كم و بعد كده ناس قالوا الكلام ده مش مظبوط و أسف طولت عليك يا باشا
و ألف شكر ليك

**abbadr** · 03-05-2011 08:54 PM

فينك يا باشا

**kamalsalem** · 04-05-2011 01:59 AM

المان شكله راح فجر التوكيل ههههههههههه

انا نازل بكرة اتخانق برضه في التوكيل... ادعولي

**mhmdalsaadany** · 04-05-2011 02:37 AM

معلش والله يا باشا النت كان فيه مشكله كدا بس انا بصراحه مدفعتش غير تمن الزيت حوالى 38 جنيه فقط لا غير عشان انا في الضمان وكان من غير خناق ولا اي حاجه ولا العربيه اتأخرت كمان ولا حاجه والصوت دا اكن والعربيه واقفه ودايره سلانسيه فقط

الموضوع: كروز جابت طرمبه زيت باور

LinkBack

أدوات الموضوع

عرض

كروز جابت طرمبه زيت باور - انشر الموضوع فى :

-

-

-

-

-

-

المواضيع المتشابهه

للاكسارا2 مانيوال دينامو و طرمبه باور و دفرانسيه خلفي كامل

كروز وللا سيراتوووو ؟؟؟ خلااااااااااااااص كروز ونص ---------------------------------

تركيب باور استيرنج فى عربيه مافيهاش باور

تركيب باور استيرنج فى عربيه مافيهاش باور

السيريون باور كهرباء ولا باور هيدروليك ؟

الكلمات الدلالية لهذا الموضوع

المفضلات

المفضلات

ضوابط المشاركة