عرض الصيف لتلميع السيارة من ورشة نايل موتورز

**sheko_2000eg** · 20-07-2011 03:46 PM

انا جاي ي ي ي ي

**saddam** · 30-07-2011 07:51 PM

بصراحة يا أستاذنا أنا إتبهدلت النهارده جيتلكم الحرفيين وسألت 4 محلات على الورشة وعلى بسام فيبر محدش عرف يدلني ومكانش معايه نمرتكم وبعد كده الزحمة والحر خلوني أرجع بعد مشفت واحد بتاع فيبر أي كلام عصبني بيقلي عايز 3 أو 4 آلاف جنيه عشان ينفخلي إكصدامين وره ووريتو سبويلر جايبو أنا معايه من بره بيقلي مفيش حد في مصر كلها حيعرف يعمللك الشغل ده فدمر نفسيتي ورغم كل الكلام اللي سمعتو عن جارك بسام فيبر إنو غالي بس قلت لا يمكن يكون أسعار فضيعة بالشكل ده وأنا عيزو يخلص الشغل ويرش عندك عشان أطمن على شكل العربية وهي هناك مع شكري

**Karim_Monir** · 31-07-2011 12:40 AM

والله يا استاذ صدام كل الناس بتوصلنا بسهولة لانا في اول الحرففين
وكنت دخلت على المنتدى سالت او كلمتني او كلمت قدورة
ازاي توصل لمكان ماتعرفش عنوانه !!!
لازم يكون معاك العنوان او تليفوناتنا عشان نوصفلك
معلش تتعوض
بس لو هاتيجي يكون يوم التلات ان شاء الله
لان بكرة الاحد والاتنين معظم الورش ومنهم احنا قافلين عشان اول رمضان كل عام وانت بخير
تحياتي

**alsakka** · 05-08-2011 04:38 AM

سلام عليكم
انا جاى بكرة الجمعة بعد الفطار وعاوز المع العربية واركب عتب واكصدام خلفى وامامى
السيارة اسبرانزا تيجوا 2010 لونها رصاصى
فى حد بجوارك عندة الاكصدام والعتب وكم سعرة

**LanCeLoT** · 06-08-2011 05:26 PM

مواعيدكم ايه في رمضان يا باشمهندس كريم كنت عاوز المع واظبط كذا حاجه
الاكصدام اتخرم وعايز الحمه وارشه لأنه في حكات برده خفيفه .. وكنت عاوز ارد حته كده في الرفرف على البارد
ويا ريت لو تعرف حد كار كير كويس قوي يغسلها من جوه عشان ناوي بعده اركب فرش جلد
وايه انسب الايام .. وكل سنه انتوا طيبين

**Karim_Monir** · 06-08-2011 05:54 PM

موجودين يوميا في رمضان من الضهر لغاية منتصف الليل

وبالنسبة للكار كير نصيحة ماتعملش دلوقتي استني كام يوم
لان المنتدى في طريقة للتعاقد مع كار كير جديد تماما ووكيل لاكبر شركة ف عالم منظفات السيارات (مافرا)
وشغالين بنظام جديد
لكني فقط في طريقي لتحديد نسبة الخصم
وعندهم انظمة تنضيف من اول 25 جنية الغسيل العادي جوة وبرة
لغاية 300 جنية اللي تعمل كل حاجة بالعربية وبمواد مافرا

**Karim_Monir** · 06-08-2011 11:12 PM

اصل الجمعة عدي يا باشا وبقي ماضي :-)
اه في الورشة الي جنبي بسام فيبر اللي اعلانه في الهيدر تقدر تتفرج على شغلة
وتنورنا في اي وقت ما عدا الاحد

-

-

الموضوع: عرض الصيف لتلميع السيارة من ورشة نايل موتورز

LinkBack

أدوات الموضوع

عرض

-

-

-

-

المواضيع المتشابهه

ورشة نايل موتورز الحرفيين

شكرا ورشة نايل موتورز

ورشة نايل موتورز

ورشة نايل موتورز للحلول المتكاملة

الكلمات الدلالية لهذا الموضوع

المفضلات

المفضلات

ضوابط المشاركة